Herzlich Willkomme

Mir hend übrigens bis am 4i reserviert. DVerlängerig vo de Polizeistund zahled mir natürli bis döt hi wells die im Vorus iihole münd, es Personal denn nu di effektivi Ziit. Es letscht Hochziit wo mir gsi sind isch au bis am 5i gange, es zweitletschte bis öpe am 4i mir hend üs denkt, lieber reserviered mir so und bruchets villicht nöd, we wenn mir üsi Gäst müsstet usewerfe obwohls no e super Stimmig wär. Das wär eifach schaad..

Herzlich Willkomme Sabsy!!! :-)

Euchi Location gseht jo supi cool us :)

Mal en allgemeini Frog: hend ehr en Verlobigsparty gmacht? Oder vor eini z'mache?

Locy
Nai mir hend kei Verlobisparty gmacht. mer spared eus da Geld :-)

sabsy
joa 10'000 findi echt too much :-( hend jetzt au es Agebot vo 7'000 bis 8'000 für üsi 53 Persone. Denk do chemed mer hi mit.

polizeistund
Ja mir lueged au emol entweder bis am 2 oder 3. i mag nid länger :-))

Me
Ha hüt vo min beste Kolleg erfahre, dass sini Kollegin sich au verlobt het. De seit er so troche: mir (er und si maa) geched de a das Hochzyt wos dIiladig zerst hend falls am gliche Tag wer :-//
Ha em xait chasch der de 11.6.16 hinder dOhre schriibe - da seg e mündlichi Iladig ;-)

nicht registriert

@Sakanas Jetzt könntisch doch als Witz e VIP Ihladigskarte bastle und ihm schigge, denne het är euri Ihladig nämlig scho

Verlobugsparty: Jooo en riiise Fete wär ebe scho no cool :-)
Baguette wo hends denn die Party organisiert, wenn i dörf fröge

Hättet ehr echt per zuefall Idee bezüglich Partylocation för Region Bade?

Iiladige: i find kartenmacherei.ch au no cool!

lostheaven: Dangge für d'Begrüessig und Dangge dass Ihr au bis am 4ri reserviert heid. Ebe, mir sind uns nonig sicher, aber i fänds au mega schad, wenn mes, wenns grad so schön isch, müesste beende. Obwohl me seit jo, wenns am schönste isch, muess me ufhöre

Locy: dangge au Dir fürs ufnä ind rundi :) mir hei kei verlobigsparty gmacht, händ d'familie au zwüsche dure informiert, da mir eus regelmässig zu de Geburtstäg sehnd. Bade kenn i mi leider überhaupt nid us, sorry

Baguette: dangge für dini Tipps, mach mi grad mol no schlau drüber. s'Fauteuil hani schomol agluegt, bi mir aber nid sicher, öb das Rollstuhelgängig isch. Mi Schwiegermami in Spe isch ebe im Rollstuehl, das macht die ganzi Suechi so schwer.

Sakanas: jä, 10'000.- isch sehr viel gäld und au wenns en einmalige Tag söll si, brucht me einigi Zyt, dass ganze gäld uf d'Site ztue. Mir wärde Eus au bi dene 7'000 - 8'000.- umeluege, alles andere isch für eus to much. Das vo dim beste Kolleg findi au denäbe. I hoff, es trifft nid würklech de glich Tag, aso, s'Joor het 365 Täg, die sölle sich e andere ussuche. D'Idee mit de VIP - Charte vo de Baguette find i suuper

chandini04: dangge au Dir fürs ufnä im Team. Jo, mir sind ebe Endi Juli zämmä cho. Mir hei eigentlich am 31.07 welle fiere, hei scho denkt, jeah, dieses joor isch de 31.07 en Frytig, also isch er nöchst joor en samstig. Und bim vorreserviere vom lokal hei mer denn gmerkt, ähm, nöchst joor isch es schaltjoor.......... voll pinlich gsie, mir sind in dr volle überzügig gsie... jänu, jetzt hei mer halt de 30.07
jä, für das isch de Bürojob suuuper. I han die ganze 83 Site währendem schaffe gläse bi eus lauft im moment rächt wenig wägem Euro... Dis weekend tönt super. Mir mache morn sone Tag, gönd ind Wellnessoase im Schwarzwald; eifach wiedermol nur d'Zyt zu zweit gniesse und d'Seele chli baumle lo Muess grad mol go luege, Pinterest seit mir grad garnüt...

Ordner: I han vo minere Trauzügin sone Büechli becho "100 Hochzeit-Checklisten" do chan me au d'Liste z.Bsp. für d'Gästeliste online abelade. Find i no cool gmacht, so goht hoffentlich nüt unter.. Am Afang hets au no sone Checkliste, was me vor de Ehe alles sött bespräche, z.Bsp. Thema Kinderwunsch und Erziehigsmethode, Glaube / Religion und d'uswürkige uf e Alltag.. Het gueti Tipps dine.

Iladigscharte: Mi GG schafft inere Werbeagentur, jetzt het er e Arbetskollegin gfrogt, öb sie mit eus ins Landhaus Ettenbühl chunnt so im Mai / Juni cho fötteli mache und sie duet denn d'Iladigscharte designe.