| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute Juni 2013
 1 .. 51 .. 100 101 102 103 104 .. 108
16.06.13 10:05
Butterfly88 

Re: Bräute Juni 2013

Wünsche euch allen eine gute letzte Vorbereitungszeit und am Samstag einen tollen Tag. Bei uns sind es noch 2 Wochen. Freu mich schon riesig

Möchte auch allen die gestern geheiratet haben gratulieren und alles gute für die Zukunft wünschen.

@ greenEyes: Ihr wart ein super schönes Brautpaar (hab ein Foto gesehen).
16.06.13 10:36
Farbmaus  		Re: Bräute Juni 2013

mausi_90:

Hallo Farbmaus

ja bi mir haltet sich d Nervosität au na in Grenzä!
das chunt uf jede Fall no ;) je nöcher das de Tag chunt..

im Moment macht mi wie gseit s Wetter gad chli nervös, i weiss das mer nanig druf chan gah aber chans trotzdem ned lah, ez hets immer guet ahzeigt und gescht hets eher is schlechte gwendet! Demfall wartemer mol de Mittwuch ab.... aber es chent au denn na ändere oder ned?!
Mengmol stimmt ja de Wetterbricht au ned 100%

i hoff ez eifach fescht, wär eifach schön wens wür troche bliebe und ned regnä...
Mir hend kein Plan B für Föteli...

Jo schlussändlich chans au am mittwuch.. oder sogar am friitig no ändere..
ich verstah dini sorge/nervosität total.. au mir händ kein Plan B mit föteli.. hoffe natürlich au druf dases zumindest nöd regnet für 1- 2 stund..
mir mached ja d föteli im schönenwerdpark...
morn hämer probeshooting dette.. den chömer au grad mitem fotograf chli rede, und luege waser meint fallses wür rägne.. s machts mer also durch us au chli buchweh..

16.06.13 10:37
Farbmaus  		Re: Bräute Juni 2013

oh ganz vergesse..

au vo mir heeeerzlichi gratulation a all wo gester ihre grossi tag gah händ!!
16.06.13 11:01
mausi_90  		Re: Bräute Juni 2013

Farbmaus:
mausi_90:

Hallo Farbmaus

ja bi mir haltet sich d Nervosität au na in Grenzä!
das chunt uf jede Fall no ;) je nöcher das de Tag chunt..

im Moment macht mi wie gseit s Wetter gad chli nervös, i weiss das mer nanig druf chan gah aber chans trotzdem ned lah, ez hets immer guet ahzeigt und gescht hets eher is schlechte gwendet! Demfall wartemer mol de Mittwuch ab.... aber es chent au denn na ändere oder ned?!
Mengmol stimmt ja de Wetterbricht au ned 100%

i hoff ez eifach fescht, wär eifach schön wens wür troche bliebe und ned regnä...
Mir hend kein Plan B für Föteli...

Jo schlussändlich chans au am mittwuch.. oder sogar am friitig no ändere..
ich verstah dini sorge/nervosität total.. au mir händ kein Plan B mit föteli.. hoffe natürlich au druf dases zumindest nöd regnet für 1- 2 stund..
mir mached ja d föteli im schönenwerdpark...
morn hämer probeshooting dette.. den chömer au grad mitem fotograf chli rede, und luege waser meint fallses wür rägne.. s machts mer also durch us au chli buchweh..


ja bi üs sötts recht lang ned regne well mir so um di 12.45 Gruppefotis hend und ersch so um di 15.00 Uhr s Paarshooting und wens bide Kutschefahrt ned wür regne wär au vo Vorteil drum hoffi so seehr uf schöns Wetter. Mir hend au sone tolli Location für de Apéro verusse das eifach schaad wer wens dinä wär...
spötestens wenns bis am Mittwuch no noch Räge usgseht müänd mer au mol wegme Plan B luege abr da wird echt schwer...

mhmm.... me stellt sich halt au immer schön Wetter vor ah dem grosse Tag nur scho wegm wiesse Kleid ischs au schaad wens nass isch... chans mir halt weniger vorstelle! vorallem ischs na ärgerlich well mir au na de 8.Juni in Betracht zoge hend als Datum und denn ischs ja strahlend schön gsie! Aber i gib d Hoffnig ned uuf und denk positiv und hoff dases na guet chunt...
es MUESS

16.06.13 12:10
MaLu 

Re: Bräute Juni 2013

huhu ladies !

also nervös bini o no nid würklech.. es git so momente woni eifach fasch vergible vor vorfreud

mir hei scho no viel so details zum mache, aber da mir itz beidi ferie hei längt das scho. freue mi druf itz die wuche no chly vorzbereite.

wegem wätter... tja, mau luege was es de git. wenns also regnet denn machi fotos mit bunte schirme und gummistiefel aber wägem chleid würds mi o närve. chunnt scho guet froue, die wettervorhersage stimme ir letschte zyt eigentlich gar nie

17.06.13 10:24
siroday 

Re: Bräute Juni 2013

Hallo zäme

Ja scho gli esches sowit ond au mer sind gspannt d'Wetterprognose am verfolge:
"Am Samstag anfangs veränderlich und lokale Regenschauer, dann aus Westen trocken und zunehmend sonnige Abschnitte. 18 bis 22 Grad."
Tönt ja scho besser als es no vor 2 Täg tönt het.. jetzt müemer eifach hoffe dass die lokale Regeschauer nöd grad bi eus sind ond dass das trochni Wätter usem Weste chli schnell vora chont

Hoffe wörklich au dass es bim Paarshooting und bim Apero nöd rägnet, dört hämmer bi beidem no kein wörklich guete Plan B

Am Donstig Nomitag hämmer s'Zivile, hoffe natürlich dass es au dänn nochli länger schön blibt als d'Prognose momentan mälded..

18.06.13 08:00
Farbmaus  		Re: Bräute Juni 2013

*seufz* s wätter wird no täglich ändere bis zum samstig.. "veränderlich und zeitweise Regenschauer.. " "lokale" häd für mich no besser tönt..
18.06.13 08:28
mausi_90  		Re: Bräute Juni 2013

Farbmaus:
*seufz* s wätter wird no täglich ändere bis zum samstig.. "veränderlich und zeitweise Regenschauer.. " "lokale" häd für mich no besser tönt..


wo luegsch denn du amel s Wetter ah? :)
uf wetter.com luegi scho gar nüme jetzt! de zeigt e Rägewolke und somit am grusigschte vo allne..
i lueg ez immer uf mim wetter schweiz app oder uf wetter.ch und det zeigts ned so schlecht ah...
leicht bewölkt oder bewölkt bi 20-21 grad. Temperature sind ja scho mol ned schlecht...
i hoff det zeigts richtig ah! eifach KEI räge!
18.06.13 12:08
marsai

nicht registriert

 Re: Bräute Juni 2013

hey ladies

so chomi au ändlich mal derzue z'brichte.. mer händ euses zivile am 7.6. gha und e muess säge, e be emotionaler gsi als ich dänkt han, derfür esch mini kompletti ufregig när wäg gsi! :) mer händ super wätter gha und händ denne gmüetlich dusse chöne z'mittagässe und de tag uf eusere terrasse loh usklinge. am obe simer de aber no go vorbereite für de grossi tag.

am samstig am 8.6. händ mir denne euse groose tag gha und e cha nur säge, es esch eifach perfekt gsi! :) s'wätter esch für eusi trauuig unter freiem himmel traumhaft gsi. zobe gäg die 9 / 10 hets de biz afoh rägele - aber dür das räge am hochzytstag eh glück bringt, händ mir ja sogar dopplet glück gha a däm tag! :) händ de sogar no es mega schöns foti gmacht im räge.
vode gäst händ mir nur positivs ghört bis jetzt. süscht het au alles super klappet, usser das mer am obe ca. 30min mit em programm und em menu hinde dri gsi sind, hets keni komplikatione gäh. phuuu :)

am weekend händ mir sogar scho d'föteli vom fotograf becho, 1650!!! jz müend mir nur no ca. 110-130 föteli fürs album ussueche... naja liechter gseit als gmacht, denn vo däne 1650 sind bestimmt 1000 wunderschön! Da muessi jz eifach grad no einisch de fotograf lobe, foto mariano us küssnacht, chani nur empfähle und esch jede rappe wärt!!!!!!

e muess säge, es füehlt sich ächt guet ah verhürotet zsi! :) E muess mi no biz dra gwöhne e neue name zha, aber süscht simer überglücklich aber au biz truurig, dass jetzt alles verbi esch. immerhin händ mir no eusi flitterwoche womer eus druf chöi fröie für im herbst, chas chum erwarte ändlich id südsee zflüge! :)
18.06.13 12:21
anyany 

Re: Bräute Juni 2013

Hey Marsai,

Das tönt jo ächt mega schön!
Ech gratulier der no ganz härzlech zo dim HZ ond wönsche der ond dim Maa alles alles Gueti för d Zuekonft!
Es fröit mi, dass ders so hend chönne gniesse.
Gets ou no es Fötteli? Sorry, ech be so e Gwondernase. :)
 1 .. 51 .. 100 101 102 103 104 .. 108
Shooting   richtig   Pfarrer   heiraten   farbmaus   Restaurant   Reserviert   Butterfliege   Schloss   einfach   wirklich   Fotograf   bearbeitet   hochzyt   würklech   hochzeit   butterfly   location   eigentlich   schnell