30.08.12 09:43
arwen_1984 
|
Re: Bräute Juni 2013
Mh was ig no gmerkt ha, es isch mega guet, wenn me scho chli weiss, wär de am Tag sälber alles uf- und wieder abbout. Bi mir het zum Bispiel e Kollegin, wo Dekorateurin isch abotte, si tüeg alli Deko uf- und wieder abboue, das heisst Chile, Apèro (Isch ime Schlosssaal mit Buffet vome Bäcker) und Abe-Location. Das heisst i bespriche de das öppe 2 Wuche no mau ganz genau mit ihre, winis wot ha, und de muessi mi um das sicher nümme kümmere.
Und mir hei scho agfange mit de Iladigslischtene, da gits ja ou mehreri, Apèro, Fescht, Polterabe sie/er, und d Adrässene use ds schribe.
Und mir hei es Probeshooting mit dr Fotografin gacht für d Iladigschärtli, und vorallem für ds luege, ob d Chemie und ds Resultat stimmt.
När hani öpper agfragt für Frisur und Makeup, wo zu mir hei würd cho, das fändi äbe sehr gäbig, und di Lüt si ziemlech rar, wo du nid zu ihne muesch...
Bi üs sich d Frag vom Fahrzüg scho klar, wüu e Kolleg, wo iglade isch so grossi Oldtimer het, und sicher fahrt, wenn mr ne de frage, aber zersch wette mr ne mau offiziell ilade, das isch ou öppis, wo gloub viel im Budget vergässe wird, und me ja ou nid a jedere Strasseegge findet.
Pfarrer si bi üs ou scho klar, und i kenne beidi privat, und di einti hani scho mau gseh, und usfüehrlech mit ihre chönne rede...
D Iladigschärtli wotti äbe säuber mache, und ize hani fang mau e Probedruck eifach vom Fotochärtli bsteut, für ds luege, ob da ds Resultat stimmt. Wenn auso öpper e seeeehr günstige Drucker suecht, öppe ire Wuche chani säge, ob dä öppis tougt ;-)
I när kämpfi mi im Momänt dür ds Homepage-Programm, i bi ja würklech nid blöd, und ha ou scho Homepages gmacht, aber es hets auso no in sich, vorallem, wenn mes so perfekt wot mache...
Wenni de chli witer bi, chani süsch de mau dr Link schicke ;-)
|
Anmelden
