mitlerwilä bini im fall au dä meinig dass diä save the date chärtli nöd unbedingt müänd sie. hets zwar u gärn gmacht aber halt scho am liäbste mit coolä föteli vo dä fotografin.

am bestä luägi nomal d gästelistä ah vo dä gladnä gest und sägs eifach allnä wänis s nächst mal gseh. sind ja alles lüt wo immer wieder gsehsch. und sust isches eh glich wäns nöd chömet. :-)

ja halbi 2 isch au nöd schlächt. finds amel eifach doof wäns am morgä isch, vielnä gest (vorallem dä eltärä generationä) isches mängisch au zlang.

@malu: ja bin ebä au dä meinig gsi je spöter desto besser di richtigä chärtli. aber öbi dän save the date bruchä isch di ander frag. muäs äs nomal mitem schatz diskutiärä. :-)

hilfeeeeeeeeeee mach mer kei angst, muäs mer das au no machä? hei immer wäni dänk ich han alles dän chunt no öpert mit öpisem woni voll nöd dra dänkt het. hihi

drum bini ja au im forum. :-)

@ mona nei, das "muess" me nid mache.. mi schatz het aber gfunde, er wöug nid eifach es "ja"..
und es isch bi üs chly e running gag worde, das mit däm video, wüu i amene hochzyt mau gseit ha, i würdi ke ton usebringe, vo mir überchunnsch e video-botschaft.. sit denn säg i immer so im witz, ja klar, du überchunnsch dis eheverspräche per videobotschaft
so isch de d idee entstande, das würklech dürezzieh.. i weiss aber no nid, öb das ir chile überhaupt erlaubt isch, aber i dänkä scho...

@ arwen, was hesch müesse agäh? d zyt?
mir hei 14.30 gwählt.. mittlerwile dänki, es hätt gäbig o chly später chönne si uf dr andere site cha dä tag doch de o nid gnue lang si..?

mh, i gloube 14.00 wär e gueti Zit für üs, vorallem, mir müesse de zur Abelocation no öppe 40 Min. fahre

mona, gits denn öpper i dim bekanntekreis wo evtl. akkustikgitarre spielt? so zur begleitig?

haha ja das geit nid gäbig... bzw i ha so öppis wiene ex vo mir gfragt, öb är a üsem hochzyt chunnt cho didgeridoo spiele (er isch ächt dr best woni je ghört ha) aber komischerwis heter nid g'antwortet