Hallo zusammen

Wir haben den Anzug auch für Januar auf der To Do-Liste, letzten Sonntag sind wir zusammen gesessen (Mein GG und ich), und haben alles aufgeschrieben, was wir noch machen müssen, dann sortiert, in welchem Monat wir was machen wollen, und die Ämtli untereinander aufgeteilt. Finde das total schön, bis jetzt hat er sich nämlich noch nicht so sehr an den Vorbereitungen beteiligt.

Am Donnerstag werden wir die fertigen Einladungen zur Post bringen, da bin ich gerade vor 10 Minuten mit den letzten Nachzüglern fertig geworden, und dann werden ja hoffentlich die Anmeldungen eintrudeln. Als Trick, dass ich nicht enttäuscht bin, wenn sich nicht so viele Personen melden, habe ich das Datum, an dem die Karten ankommen extra auf meinen Geburtstag gelegt, ich hoffe, dass mich das Feiern dann ein bisschen ablenkt, falls sich niemand meldet

Mir ist bei der To Do-Liste aufgefallen, dass wir vor allem viele Besprechungen vor uns haben, Restaurant, Apéro-Dienstleister, Kosmetik, Blumen, Deko, Pfarrer, Videograf, Fotograf, DJ... Da kommt recht was zusammen, und vor allem braucht es ja immer viel Zeit... Wie ist das bei euch, habt ihr diese Besprechungen alle schon gehabt? Habt ihr Tipps, was man alles beachten, oder fragen muss?

hallo arwen
das ist wirklich schön!
wir haben auch unsere diversen ordner/blätter/agenden mal wieder geordnet und gemerkt, dass wir noch einiges zu tun haben
ich kann dir nicht wirklich tipps geben, ich habe die checklisten für gespräche mit fotograf/restaurant etc eigentlich alle von den diversen internetseiten runtergeladen. der pfarrer hat uns schon gesagt, dass wir uns dann im april sehen. ich glaube, wir werden einfach versuchen, so gut wie möglich vorbereitet zu sein und zb mit tanja per mail kommunizieren.
ich habe eher etwas angst vor den details, die noch kommen. im moment sind bei uns vor allem viele ideen vorhanden, die in der umsetzung dann halt immer noch ein bisschen aufwand benötigen.
aber ich freu mich auch total darauf, dass es jetzt endlich "los" geht
dein trick mit den einladungen ist ja auch nicht schlecht ich hoffe trotzdem, dass du ganz viele schöne feedbacks bekommst.
e schöne abe

und an alle ein ganz gutes neues jahr. ich fand es noch schön, dass ich bei den neujahrs-sms schon zwischendurch las "und als höhepunkt eure hz" "auf ein neues brautpaar" etc.

Ja also morn isch ja e Wuche düre, dass d Iladige use si, und mir hei mau sehr viel Komplimänt becho für ds Chärtli, udn quasi so, merci für d Iladig, aber bim Apéro hei sech ersch sehr wenigi grad agmäldet.

Vo de gladene Gäscht si ize öppe e drittel, wo sech scho agmäldet hei. Luschtigerwis si fascht alli Amäldige vo mire Site, bim GG gits scho di erschte Abmäldige derfür...

Naja mir hei ja Termin 15. Februar, und denn no 2 Wuche planet, wo mr üs no grad irächne für nache ds frage bi dene, wo sech no nid gmäldet hei.

Luschtig findi, z.B. vo mim Kollegium hani ize näbem Gschänk vo allne zäme gar keni Gschänk erwartet, aber die hei sech als Einzigi bir Wunschlischte uf dr Homepage scho betätiget ;-)

nicht registriert

Hello Ladies

So nach däm ich all euchi Iträg immer diräkt ufs Handy becho han per Mail und ganz interessiert mitgläse han wies euch so ergoht, hani dänkt e müess mi doch au weder mal mälde! :)

Also mir händ eigentlich scho zemli vell und dennoch händ mir au bi vilne Chlinichkeite immer gseit, het de afangs nächst Johr (also jetzt) no Zit.. jaaa und jz hani irgendwie sGfüehl e müess no mega vell mache! :) STRESS! hihihi nei nei so schlimm scho nid, aber das halbe Johr wird jz im Flug vergoh...

Mir händ am Fritig Obe dr ersti Termin mit em Caterer, be ja de gspannt. Am Samstig göi mer zum Meister uf Luzärn eusi Ringe go ussueche und am Mäntig händ mir de ersti Termin mit em freie Theolog. Ja ehr gsänd, es goht öpis bi eus! :)

Mit de Charte hani leider weder vo vore müesse afoh da eus s'ursprüngliche Format nid würklich zuegseit het. Naja jz muessi halt s'alte Chärtli ufs neue Format umsetzte, Photoshop sei dank sötti das am Weekend au rasch chöne mache. Sobald das fertig esch wirdi mal es Guet zum Druck afordere, wenn alles i.O. esch löi mer se de loh drucke und schicke si afangs Februar ab.
Mir mache eus kei Stress öb sich die Lüt mälde oder nid, händ aber trotzdäm es Ultimatum bis am 31.3. gmacht. Die gladne Gäst sind eigentlich nur sehr ängi Lüt, bi däne machi mir kei Sorge... Aperogäst sind bi eus halt ehner Fründe vo früehner, Arbeitskollege etc. Wär sich nid mäldet, esch eifach "abgmäldet" fürd Hochzyt. Mir wärde au nid de lüt nochtelefoniere oder so.

Was jetzt no fählt bi eus sind ebe de no so sache wie Bluemedeko, Deko im allgemeine, Namensschilder bastle, Gästegschänk bastle, Eiwägkameras poste etc.
Uh aber ei grosse Punkt händ mir no, Muusig ussueche... mer chöme eifach nid witers!
Mi zuekünftig goht im Februar no sind Azug go poste und ich muess no d'Brutschueh ha und das für undrem Brutchleid! ;)
Im Februar/März düend mir de no eusi Flitterwoche bueche und ja, glaube das wars dann mal... oder chont euch grad no öpis i sinn? :) Irgendwie hani sgfüehl e heig no was vergässe... hihi

So ich hoffe ich chome de bald weder mal derzue, euch ufem laufende zhalte!

Liebs Grüessli,
MarSai

willkomme sabrinella ;-)

@malu: das glaubi dass bi eu z fribourg grad chli öpis los isch. :-) händs au verdiänt
säg nüt, isch eigentli guät das mer bis d saison färtig sind no chli abglänkt werdet. :-) vilicht chunt dän nacher dä gross stress. hihi nei seich

hey junibrütlis, s gaht nömä laaaaaaaaaaang, das heisst no öpä 6 monät! hui krass