Also mir zahled ca 1400 für de Fotograf ab 9:00 - 17:00... Und was mir wichtig gsi isch, mir bechömed alli Föteli zuegschickt ufere CD. Defür hemmer keis Album oder bearbeiteti Föteli, was für mich aber super isch, da ich das liebend gern sälber mache :)
Und so chömmer au allne Gäst dFöteli vo ihne maile, ohni dass sie defür münd zahle...
Wägem Shooting, dänke ebe au das wäns rägned halt nöd so super Föteli entstönd und evtl. im Nachhinein sogar fast schöner wird. Dän muess me kei angst ha dass s chleid dräckig wird oder nass wird... und da mir am Fluss föteli mached, würs vielicht fast no besser werde...
das mit de frisur und em makeup hani mir au überleit, aber ich dänke, dass ich das also au irgendwie wür anebecho.. es müesst ja dän au nöd für en ganze tag hebe sondern nur für so 2h shooting... aber ich hoffe natürlich dasses superschöns wätter wird :D

polterabig hani afig s datum becho, meh nöd... wird en samstig abig e wuche vorem hochziit :)
ich würd au gern de trauzügin und em trauzüge öppis schänke aber wüssed au nonig gnau was... aber han ja no bitz ziit zum überlegge :) es tüechli isch mega cool, und vilicht no en guetschii zum wellnesse oder für es znachtässe oder so...
gönd sowieso am abig vorher (also nach de zivile trauig) no mit de trauzüge go znacht ässe, aber vilicht no öpis anders als anerchännig....

@schmätterling: muäsch es gar nöd probiärä mitem cüpli, nützt eh nüt. diä schwieged wiä äs grab. :-(
aber wänd mirs würkli wüssä? weiss nöd rächt. okay mol schnee oder nöd weti wüssä.

aber warum isch dän min polterabig am 20/21 april wän ich erst am 15. juni hürate? :-)

@Butterfliege.. jo soo cool au no am gliche Dag:-) wers jo no gsi hetsch au en 2 Däger gmacht.. denn hets siche rno meh polterwieber umme..:-)
Wow das isch es super agebot.. ebe das mit dr CD find ig au super, was i no vergässe ha isch, si ladet eusi Föteli no uf ihri HP für en Monet, denn chönne eusi Gäst d Föteli aluege...

Mach denn au no selber es Album mit de Föteli vo allne, zobe fötelet ebe no mi schwoger und us erfahrig hets ganz viel Hobbyfotographe, und mir wette gern de Gäst mit Fotiapparat es Chärtli gäh mitmene Stick wo si eus doch bitte sölle d Föteli drufspeichere... und denn fötelet jo no euse DJ und filme duet er au no bitz ...

@mona jo denn gohts i schnee im April hets no a ganz viele Orte Schnee!
Scho wett ndi alles wüsse, avber ig bi doch so e neugierigs und muess jo wüsse was ig alles muees mitneh. ha scho gseit bruch e Packliste.

Booh morn i 2 wuche simmer um die zyt bereits zivil verhüratet.. U nacher gahts nuno 4 mönet und es paar täg bis zum chirchliche

Zyt rennt...