Guete Morge

@butterfliege: cool und wo gohts hi (sorry falls i das überlese ha) und wie hesch d Wunschliste gmacht, so was me eiuch drzue cha schenke? (Ateil a Flueg, ei Übernachtig??)

@oh farbmaus jetzt gohts aber zügig... ig würd das glaub nid ushalte denn no sooo lang uf d HZ zwarte. Hoff machsch denn scho es brichtli für die zivili Trauuig?

@Mona mir gohts genau glich, mini kolleginne hei au scho gseit, ig het jo mi Polterobe selber chönne plane ig ha au mieh öbis us dr hand zgäh. Guet eusi Tätschi plant jo mi Polterobe und ihre Maa mim schatz sin, vo dem her cha nüt schief goh, aber glich.. kei ahnig was die vor hei mit mir!

@me
ha gester mol 10 Schale gchauft i dr Landi für d Tischdeko.. hei leider nid meh gha, jetzt lueg i no inerä andere öbs no het, süscht wart i no bitz und chauf dr rest i dr Ikea.. die si zwar türer und chli anderscht aber egal.. denn si no d Tischkärtli cho, ha eifach schlichti lila Schmetterling für as Glas gchauft. langsam packts mi soo richtig mit dr deko und wett am liebschte alles kaufe..

Mir gönd uf tansania.. Zerst safari und dän badeferie uf zanzibar.. Dgäst chönd üs ateil ad reis schänke :-) isch alles vo globetrotter organisiert worde :-)
Schmetterling, lueg doch mal bi kissloud.ch, hät au viel dekosache mit schmätterling.. Ich liebs :-)

ja mir gönd grad am mändig nach de hochziit (wo am samstig isch )
und sind dän für chli meh als zwei wuche wäg... also nöd ewigs, aber ich glaub es langed zum chli chönne gnüsse :)
wohi gönd ihr so?

Hallo Mädels

So ha grad es gspröchli gha mit minere tätschmeisterin weg em polterobe.... Mir göh def. 2 dag, ig weiss nid wo hi und mir 13!!!! Wieber.... Läck bi mega baff gsi... Nur 4 cjönne nid cho, 2 drvo will si hochschwanger oder neu mami si!!! Anschinend hei si chli angst gha mir würdidr ort nid gfalle, aber ha jo eini asprüch... Ig vermuet, entweder amsterdam, london oder berlin.... Aber vermuetlich ischs ganz noime anders....

Wünsch allne e schöns weekend...

Liebi griessli

nicht registriert

Ändlich, au eusi Flitterwoche sind jz buechet! :) Leider erst im November, aber wie seit me so schön, Vorfröid esch die schönsti Fröid! :)

Also mir hürated am 8. Juni, flüged am 10. Juni und chömed am 25. Juni wieder zrugg.. mir verpassed üs also siroday :)
Isch ja mega cool möched ihr die gliich reis! hender scho s hotel für zanzibar? und mit wellem abüter gönd ihr?

Freu mi etz scho... hend grad de ganz Reisebeschrieb becho... Hoffe also alli Tier lönd sich blicke :)

Südsee tönt natürlich au fantastisch :)
Mir sind nur chli meh d"Macher" als d"Strandligger", drum hemmer üs für chli öppis abentürlichers entschiede obwohl.. ich chönt wahrschindli scho au paar wuche am strand ligge aber min zuekünftig wür das glaub nöd so guetheisse und so hemmer beid öppis devo

morn hemmer nomal es gspröch mitem pfarrer, mal de ganzi ablauf bespräche... hoffe er hät die gliche vorstellige wie mir