findes no kuhl, und ds abfülle het mega gfägt, muess de ize no bi allne d namenschärtli dra hänke...
wäg de gschänkli, dr trouzüge bechunnt e guetschin für nes canlde light dinner ufem gurte, när isch chli speziell, i ha 2 trouzüginne, die bechöme ds schminke und ds frisiere zahlt, und di einti es silberbracelet und di anderi e süesswasser-perlechetti.
d tätschmeischtere bechunnt so ne dicki silbergliederchetti. ha alle schmuck ufem märit ds bärn gchouft, u si chönntes ou ga umtuusche. u vo de chöschte hei mr eifach gluegt, dass alli so für 200.- öppis bechöme.
När hani 3 ehemaligi Schülerinne, und di chlini schwoscht vore kollegin, wo am apero ds büffet betreue, dene hani fini sliberbracelets gchouft und schueh.ahängerli für dra, di si öppe 50.- pro chetteli. si bechöme no 50.- in bar, das wüsse si aber, und i finde eifach, di schaffe vom morge am 10ni bis am abe am achti für mi, wüu si no di ganzi deko hälfe ufboue, und am schluss alles zäme ruume und putze, drum hani ihne no chli öppis speziells wöue gä.
Mh wi machet dirs mit em Pfarrer? Mir hei dert 2 Froue, e katholischi und e reformierti, di bechöme eifach e grosse Bluemestruss.
Und d Solistin und d Dirigäntin bechöme ou e Bluemestruss. d Solistin no 100.- das isch ou e ehemaligi schüelerin vo mir, wo ize grad d matur macht, di isch sicher froh für ne zuestupf...
I gloube dene 2 Froue, woni no nüt ha (eini macht di ganzi Deko und di anderi het ds Spaliere mit de schüeler organisiert) bechöme eifach oue Bluemestruss. Di si scho für ds ganze fescht iglade, quasi als merci, und dass si ou no chli öppis vom Hochzit hei...
da sit dir grosszügig.. ha mir o scho überleit o no öppis derzue z tue, aber weiss echt nid so recht was.. wie gseht das bi euch so vor organisation her us, machet dir o fasch alles säuber?
Mh, auso organisiere tüe mr scho viel sälber, aber usfüehre tües haut scho di andere... U grad am Hochzitstag hani när gar nüt meh ds tüe, d Tätschmeischtere füehrt düre Tag, und d Trouzüginne luege hinde u vore zu mir, dasses mir guet geit, u das findi ja ou nid säubschtverständlech...
ja das stimmt.. i hoffe, i wirde einimermasse erträglich si a dem tag ud nid so nervös dasi alli sturm mache..
mir mache de am tag säuber o nümm.. aber mir wei eigentlich o nid, das si z viel mache und z fest gniesse, aber weiss halt o nid, was no so alles organisiert isch, bzw was si no zwüscheschiebe. hoffe nid z viel, das wär mir nid rächt huiiii es geit scho gar nüm lang
MaLu... ja also e ha zum Glück e super Tätschmeisterin wo mir sehr vill hilft bim organisiere. Resp. alles was d'Unterhaltig betrifft organisiert si, da wüsse mir ehrlichgseit au überhaupt nid was eus wird erwarte. Da mir si sehr guet kenne und wüsse wie si tickt, esch das au überhaupt keis problem. Je nach däm würdi mir aber überlegge das völig us de händ zgäh. De Räste wird natürlich vo eus organisiert, das söll ja schliesslich au alles so si wie mer das wänd. A däm einte Tag aber wärde mir usser Hürote nüt müesse mache, das hämer alles chöne delegiere! :)
Arwen... Jep ha grad am Weekend e Liste gmacht mit de Gruppeföteli. E chline Tipp damits schnell goht resp. e säge dir mal wie ichs gmacht ha, be i 10min fertig gsi! :) Zerst hani e kompletts Gruppefoti mit allne, denne d'Gruppene mit de Familie, Tätschmeisterin und Trauzüge, denne d'Gruppe mit de Fründe (geladene Gäste), denne d'Gruppe vo de Aperolüt (Gschäft, süscht Kollege etc). Und immer alli schön abstriche uf dr Liste, so goht au kene Vergässe! :) Wärde die Liste jetzt dr Tätschmeisterin gäh und am Fotograf, und die Reihefolg denne au so ihalte. Bi schluss am änd uf ca. 35 Gruppe cho. Aber ebe, wenn e gueti Person im Background hesch wo alli zämetrommlet und organisiert, sötsch i ca. 45min düre si! :)
Mälde mi au weder mal, imene Monet esch ja au bi eus sowit
Mir händ ide Chele 4 Lieder wo vore Sängerin gsunge und vomne Pianist begleitet wärded und zum I- und Uszug jewils Musig vom Pianist
Als Gastgschänkli hämmer Schoggichäferli i Säckli verpackt.
Liste was mer alles wänd gfötteled ha hämmer nöd, händ eifach e Liste met allne Gruppefotos wo mer möchtete mache (öpe so wie d'marsai au grad gschrebe hät), de Räscht ergit sich dänn hoffentlich vo elei? Oder händ ehr da alli Föteli doreplaned?
Mir hei äbe punkto föteli gar nüt planet, naja es gsamtföteli vo allne am Apero, aber mi lieb gg weigeret sech drum, süsch no gstellti Gruppeföteli ds mache... drum lö mr das haut la si... i meine eher so was machet dr a euem Paarshooting?
Ah okay, nei sorry fürs aschliessende Paarshooting händ mir nüt im vorus planet. Händ einfach e super guete, profesionelle Hochzytsfotograf agstellt damit mir eus komplett uf dä chöi verloh. und d'location sälber ladet scho für shootings ih... für mich als Hobbyfotografin esch das ebe e sehr wichtige Punkt gsi, e luege halt zum Teil d'föteli mit anderne Auge ah als öper wo sich nid so sehr dermit befasst, merke das scho nur bi mir und mim schatz.
Gruppeföteli.. ja e chome zur hälfti usere italienische Familie, dört ghöre die Gruppeföteli halt eifach zum Pflichtprogramm! :) mer löhnd die eifach über eus loh ergoh hihi
also fotos am apéro werde mir im klassische sinn o nid ha. üsi fotografin weiss, wenn mir gratulatione entgege näme und i denke denn wirds die meiste fotos gäh, so isch jede druf und ner überlah ig das ar fotografin, es söue vor allem spontani fotos si..
am abe tüe mir einwegkameras ufe tisch mit oder ohni ufträg isch no nid sicher.. wett de gäst irgendwie nid vorschriebe, was si söue fötele. uf dr andre site hätts der vorteil dass de tischdeko, candybuffet und so details chönnte vo ihne gfötelet wärde.
fürs paarshooting hani mir ehrlich gseit o no gar nid viel gedanke gmacht.. i hoffe chly uf üsi fotografin für inputs
und für ir chile hani ihre e liste gmacht, was mir gern wette uf de fotos ha..
Anmelden
i hoffe, i wirde einimermasse erträglich si a dem tag ud nid so nervös dasi alli sturm mache..