macht mer d hochziitsturtä amel nöd am 12i? okay ihr sind allgemein rächt fürä dra mit ässe. bisch sicher dass das so schnäll gaht, vorspiel und ä habstund spöter grad hauptgang? bi dänä hochziite wo ich amel gsi bin isches immer ä ewigkeit gangä.

i findes nid so kompliziert, bi üs gsehts ähnlech us, mit allne tz und tätschis etc

mir hei für zwüsche de gäng o chly meh grächnet, aber eher wüu mir denn no zyt wei lah für eventuelli darbietige.. i ha scho ghört, dass gred üsi familiene sech das nid wei la näh...
und wenn si itz ke zyt bruche meh bruche, säge si das im vorfeld am restaurant und mir hei mit de "flying wishes" no e lückebüesser

also tagsüber bini sehr relaxed.. aber hei, was ha ig für albtröim vo däm tag! wache aube ganz frustriert uf

düänd ihr dän s abigprogramm nöd dä trauzüge überlah. also mini planig hört ebä nachem welcomedrink im restaurant uf. findi irgendwiä no guät.

wiä machet ihrs dän eigentli mit bluämä holä etc.?

bi üs eigentlich o.. aber i ha gred gmerkt, dass ig denn uf de fotos der brutstruss nid hätti..
hmm... da muessi no studiere

also mir hei nid es richtigs programm, eifach d bar-eröffnig wärde mir chly speziell gstalte, mir hei ja anno dazumal beidi nebebi ihre bar gschaffet und üs so kenneglernt. so wärde mir säuber d bar eröffne und e rundi cocktails mache. das wüsse aber nid mal d trouzüge.
und denn eventuell dr hochzytstanz wo bis itz eher spontan wes gred passt ufem programm isch.
süsch isch d planig o eher i de händ vo de trauzüge und tätschmeister..
i bi äbä sooo e kontrollfreak..

marsai:

---

da euses programm im grobe:

- coiffeur
- schminke
- zur location fahre
- brutchleid alegge
- bruutshooting
- zeremonie
- apero
- gratulatione
- gruppefotos
- brutpaar shooting
- champagner apero
- ässe

dr zytplan zobe zum ässe het mini tätschmeisterin mit eusem catering abgliche, das esch es sehr es guet restaurant wo sehr vill erfahrige het vorallem ebe im berich gourmetcatering. Da verlohni mi vom zytplan här voll und ganz am chef und de tätschmeisterin. e weiss nur wenn mer dr ersti gang händ, welli zyt das mir dr chueche aschnide und wenn mir euse eröffnigstanz händ.

wäge de blueme... bi eus wird au alles gliferet und wie abgsproche dekoriert resp. parat gmacht. e wirde eigentlich am hochzytstag sälber überhaupt nüt mache und mich au um nüt kümmere, da beni scho froh, e cha mi de voll ufs hürote konzentriere und dr tag gniesse!

ja e ha mängisch au so panikattacke, vorallem da nur no 2 1/2 woche goht!! oh mein gott, bechome grad weder e panik attacke weni das schribe... 2 1/2 woche!

Zuletzt bearbeitet am 22.05.13 10:40

also ich han au gern alles unter kontrolle aber am abig woti nöd au no öpis plane.

malu das isch cool wäg de eröffnig vo de bar

mich nimmts no wunder wiä lang ich han zum alegge, eigentli dänki nöd lang. han im brutlade amel so 5-10 min gha. wieso sölli dän länger ha? ich rächne ä viertelstund mit chetteli und ohrering. isch das zwenig?