| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Catering Zürich und Umgebung
 1
29.05.09 18:50
Zorrolino

nicht registriert

 Catering Zürich und Umgebung

Hallo ihr Lieben

kennt öpper vo eu en guete Cateringservice in Züri und Umgebig. Sueche wo eus am Fäschtässe für mit ungfähr 50 Gescht bewirte chan. Söll scho chli öpis schöns si.

Wird grad echli erschlage vo all däne verschiedene Aabüüter wos da git...

Danke, Zorrolino
31.05.09 08:33
aschera 

Re: Catering Zürich und Umgebung

hallo zorrolino

ig kenne zwar ke guete ir umgäbig züri aber ig chader üse cateringservice wo mir am ziviler hei gha wermschtens empfähle (mir heine ou fürs kirchliche buechet).

er het mega viel erfahrig isch rächt günschtig u sehr sehr nätt. är isch aber usem kant. luzärn... (macht aber ir ganze schwiz catering)

falls inträsse hesch für ne unverbindlechi ahfrag gibi dir gärn meh bekannt.
übrigens är macht ke wärbig isch ou niene im internet zfinde gilt meh als gheimtipp...

lg aschera

mir hürate kirchlich am 15. august 2009
31.05.09 08:41
Zorrolino

nicht registriert

 Re: Catering Zürich und Umgebung

Hallo aschera

merci für din Tipp! Wenn er Catering i dä ganze Schwiiz abütet würi gärn mal sis Agebot kännelernä. Wär drum froh wenn mer meh chönntisch bekanntgäh...

Isch na schwirig sich für zwei oder drü z'entscheide für Offerte izhole wänn mer gar känn Caterer kännt .

Grüessli Zorrolino
31.05.09 08:51
aschera 

Re: Catering Zürich und Umgebung

hallo zorroline

oh ja ig weis wie schwirg das isch... ig würd eifach bi allne wo dir interessiere e offerte hole... ha ig zwar nid gmacht das bi üs eifach grad het passt aber nähär hani de glich no chli umegluegt u glost so wägte prise...

der catering:
hansruedi & monika fischer, nebikon (lu)
tel: 079 278 61 55

är schickt dir sicher unverbindlich sini unterlage seischim e gruess vo mir

ganz viel glück uf der suechi!

wenn hüratet de dir??

lg aschera

mir hürate kirchlich am 15. august 2009
31.05.09 11:20
Zorrolino

nicht registriert

 Re: Catering Zürich und Umgebung

Merci für Agabe. Wird det emal afräge, mal luege was usechunnt...

Mir hüratet erscht () im 2010. Wahrschinli am 4. September, isch aber nonig ganz definitiv. Ich wetti es seg scho morn. Bi grad rächt ungeduldig und chas chum meh erwarte. Aber das isch dir wahrschinli au so gange?! Bi dir gahts ja ächt nüme so lang. Freumi für dich !

Grüessli Zorrolino
02.06.09 10:13
Frettina  		Re: Catering Zürich und Umgebung

Ich chan dir www.smeileys.ch (Zürich-Oerlikon) sehr empfehle. Känn dä Betrieb us Gschäftsbeziehige, dä Inhaber, Herr Meile, isch sehr nett und versuecht immer, all Wünsch vo dä Gäst z erfülle.

lg Tina
02.06.09 14:37
aschera 

Re: Catering Zürich und Umgebung

danke! ja jetzt geit zit mega schnäll! u mir hei no soooo viel zerledige ha mänigisch fasch chli stress aber de folgeni em rat vor inessa ischnufe usschnufe u de geits wider... fröie mi extrem! bi aber de oh froh we alles ändlich klappet...

zit geit schneller als du dänksch we ide vorbereitige bisch ouso gniesses!

lg aschera

mir hürate kirchlich am 15. august 2009
 1
vorbereitige   entscheide   kirchlich   wermschtens   kännelernä   verschiedene   Cateringservice   Gschäftsbeziehige   unverbindlich   Umgebung   Zorrolino   chönntisch   ungeduldig   Catering   bekanntgäh   Wahrschinli   Zürich-Oerlikon   unverbindlechi   aschera   interessiere