also, bi üs häts sicher au ganz viel chind umä, öpä 15. ab obet sind den sicher no 9 oder vilicht 10 umä, was der rest macht isch ihri sach, mier mischen üs nid i. jedes chind isch willkommä. mich und minä ma störts kei bitz!

mier hen au an en spieli eggä denkt, mit denä grossä sitzsäck chön mier ä chlini ligäwiisä (oder gumpieggä) machä und den no molisachä und lego, büechli und pi pa po. evt buechen mier no 2 babysitter, wo mit dä chind chli spielen und au issen, so dass deltärä ihri ruhe hen und zfäst gnüssä chön.

mier hen sälber 2 chind und drum isch für klar gsi, dass all üseri gschwüsterti und fründä au chind töffen und söllen mitneh. an minem erstä hz wo ich gsi bin, do sind au alli chind am obet umä gsi, es hät gar nid gstört und sie hen irgendwenn neb der musig uf der bühni gschlofä, ich hoffä üsseri chlinä gäst finden es rühigers plätzli

Lg


.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
......Sid am 13.02.2009 verhürotet und am 25.09.2010 isch üserä grossi tag......

nicht registriert

Also wir möchten am Abend am Fest keine Kinder dabei haben. Wir haben in den Einladungskarten geschrieben, bitte Kindersitter suchen für diesen Tag.
Das kam bis jetzt gut an, denn alle selbst die Mutter meinens Gottikindes meinte, sie wolle das Fest ja auch genissen können. Am Apero werden die Kidds dabei sein und danach von den Groseltern nach Hause gebracht.
Dazu muss ich sagen das das älteste Kind 5 Jahre alt ist, alle anderen sind noch kleiner und die hätten nichts davon.

Es Grüessli Franziska

Hey Sabani
Ich sälber ha ebe scho chli müeh mit Chind. Das heisst, eigentlich stimmt das gar nid. Ich stand nur mit em einte vo däne 5 uf Chriegsfuess. Isch ächt pinlich, ich närv mich amel ab mir sälber und dänk chasch doch nid so blöd tue.
Aber: In dr Familie vo mim Verlobte gits ebe immer mol wieder halbe Familiekrach will ebe die eint Mueter mit ihrne Chind hei will und die andere finded, si chöni jetz nid scho wieder abhaue etc. Und was ich grad gar nid cha usstoh, sind Familiestritigkeite. Naja, irgend e Lösig wärde mer scho finde.

Ich chan dech ergendwiä verstoh aber ergendwiä au ned. Es esch jo ned eso, dass d Chend läschtig send oder wiä au emmer. Diä wärdet sech au onderenand beschäftige. Ond ich als Eltere neme weni nöime häre gange au Spelsache etc. met wo er sech chan verwiele.

Mer chan halt ned pauschal säge, wiä du als Biespel schriebsch nach 5 Mönet chan es Chend zo öbber anderem go pfusä. Ich han z.Bsp. 9 Mönet gstillt, abpumpe hani ned chönne, vo dem här wäri das scho mol ned gange. Euse Sohn het chli en schwerige Start gha ond esch während em erschte Johr ganz schlächt ipfusät, ond wenn denn nor bi mer. Es get au anderi Situatione wo mer d Chend di erschte paar Mönet ned möcht oder chan abgäh.

Ond grad diä Chend i dem alter mached dänk ich a somene Fäscht eh kei Problem. Diä schlofed im Wägeli ond soscht sends bi dä Eltere ofem Arm, ond es get emmer ganz en hufä Lüüt wo diä Babys wänd omeschesele do send sie emmer zfrede.

Ich persönlich wörd wiä au scho erwähnt eusä Sohn im jetzige alter 1.5 dä Tag dor metnäh ond am Obe öbberem gäh. Aber das esch i dä Entscheidig vo jedem einzelne.

also sabsani, ich han dich do nid wöllä beiflussä und dier ä schlächts gwüssä iredä. den wen du und din ma eu es hz ohni chlichind wünschen, den chön ihr das machä!

mier sind letscht johr amnä hz gsi wo üseri chind au nid igladä wordä sind und das isch au schön gsi (au für üs ). min chlinä isch döt au erst 9 mönät alt gsi und alles hät klappt. mier sind au nid enttüscht oder beleidigt gsi, wägä dem. wen einä vu dinä gäst es problem hett, den chönt er dich dinä ma jo afrogä, öbs schlimm wer, wenn sie ihres baby mitnehmten wägem stillä.

und du bisch au nid zueständig, alles allnä rächt zmachä. dä tag isch nu für dich und dinä ma, und wems nid passt, päch ka

do häts no meh frauä ka wo zglichä "problem" beschäftigt ka hät

www.heiraten.ch/forum/thema.php?board=4&...50&page=1#2
www.heiraten.ch/forum/thema.php?board=9&...11&page=1#9

also luegs mit dinem ma a, und wen ihr eu einig sind, den sich das jo scho entschidä

Lg

.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
......Sid am 13.02.2009 verhürotet und am 25.09.2010 isch üserä grossi tag......

nicht registriert

Hallo a Aui!

I Danke Öich viumau dass Dir mi verstöht. Ou die wo säuber Ching hei! Das isch u lieb!

@Glöggli: ja das stimmt! A das hani jetz ehrlich gseit überhoupt nid dänkt! Obwouh i weiss das jedesChing angersch isch. Das git dämm auem scho wieder e ganz angere Blickwinku! Danke!

@söfeli: Weisch mir wei d`Ching ja nid ganz usschliesse. Mir hei dänkt bis nachem Apéro sisi uf jede Fau ganz härzlich Willkomme! Aber eifach am Abe heimer üs vorgsteut gha, dass denn d`Ching eifach nümm derbi si! I würs ou schad finge, weni mis Gottemeiteli a dämm Tag nid würd gseh!

@silver:Du hesch mir kei schlächts Gwüsse gmacht! Es isch guet gits söttigi Fore wome äbe ou angeri Meinige ghört u eim d`Sichtwiis wome het, ufzeigt. I bi ächt froh dasi hie mini Vorstelige cha schiudere u luege was die angere drüber dänke. Weisch hie inne wird zum Glück ou niemmer verurteilt wener nid glicher Meinig isch wie die angere. Aber i hamer natürlich sehr wouh über öi Wort gedanke gmacht. U genau um das geits ja!
Ums Tipps gäh u nid die gliche Fähler mache, wo angeri vilich scho gmacht hei!

@Franziska: Danke i wirdemers z`Härze näh!!! Wird sicher nid eifach, aber du hesch rächt. Es muess für üs stimme. U vilich entscheide mir üs am schluss ganz angers ausmers zesrch hei dänkt, wüeu mir jetz eifach ou angeri Inputs becho hei! Aber es muess ou für üs stimme.

@speedy:I verstah di guet!Kenneni das doch ou! Aber z`beschte isch: Nid ufrege u cool blibe! Du gisch dir d`Antwort eigentlich grad säuber für das Problem. Du wosch uf kei fau Familiekrach! U drum würd i, wenn e sörigi Situation da isch ganz eifach ar Familiesite vo dim Ma säge: Wenn Sie wott gah söusi doch! Mir löh üs dä Momänt doch nid la vermiese nume wüeu öpper nid mit üs wott gmüetlich zäme si! Das müesse nid genau die Wort si, aber weisch öppe wasi meine? I ha das jetz scho es paarmau so gmacht u das het tiptop funktioniert! Aber i weiss natürlich nid öb das d`Familie vo dim Ma ou so würd gseh, oder öb di vilich grad diräkt is Hornissenäscht setzisch.

Liebs Grüessli
Sabsani