Hallo metenand

Het öbber vo euch Erfahrig met em Apero met dä Bäckerei Fleischli wo im Zörcher-Onderland verschedeni Filiale het: Bülach / Kloten / Oberglatt / Dielsdorf / Neerach / Niederglatt ?

Grüässli Doris

rolle dä biitrag nomal uf...

hät öper i dä zwüscheziit scho erfahrig mit dä bäckerei fleischli. mir händ es infogspröch gha und es tönt alles sehr guet und au priis/leischtig findet mir super.
sind aber trotzdem no chli unsicher öb mir s'catering det mache sölled - weiss nöd genau wieso...aber isch ja immer schwierig

d'hochziitsturte hämer mir aber definitiv bstellt. und sie sind sehr krativ und gönd voll uf euisi wünsch ii. also vo dem her super und sehr fründlichi bedienig wo sich viel ziit gno hät für euis.

wär schön feedbacks z'ha: hät öper schomal en alass mit dä bäckerei fleischli zäme gmacht?

danke eui.



wir heiraten am 26.06.2010 - zivil am 22.06.2010

Hallo cuenca

danke viel mal für dini antwort. ja ich han au scho es paar sache dete kauft (sandwich, dessert, etc.) und es isch immer mega fein gsieh.
mir bruched ebe sowieso nur öper wo euis nach dä trauig d'häppchen anestellt und chli bedient. die ganze getränk etc. bsorget mir sälber und händ au lüt wo für euis düend iischänke, uf gäscht luege, ufstelled und abruumed... vo dem her spillts wahrschiinli gar kei grossi rolle wer mir nämed. es muss eifach es zueverlässigs unternehme si - wo sicher alles klapped ohni müsse allem no hinedrii ränne.

i dä broschüre händs ä super uswahl a apérohäppchen und was euis so gfallt, sind die grosse herzförmige partybrot

isch aber guet zwüsse, dass au s'mittagässe dete super isch

lg
sanpas

wir heiraten am 26.06.2010 - zivil am 22.06.2010

hallo gloeggli

ja hans ä gueti umfrag gfunde - leider mit wenig feedback

danke für d'information. gschmäcker sind ja bekanntlich verschiede aber mir "schmöckts" bim fleischli ebe au sehr guet. und ich han immer dänkt, dass die so tüür sind - aber bin total überrascht gsieh vo dä priise.
mir händ ja jenschti offerte iigholt vo verschiedene cateringunternehme und die sind all sooo tür gsieh!


wir heiraten am 26.06.2010 - zivil am 22.06.2010