Hallo zäme

Mir hei be eus lang überleit, wie dass mir das wei mache mit de Föteli vo de Gäst. Mir hätte die Föteli natürlich au gärn, so dass mir evtl. au s'Einte oder Andere no chönte bruche. CD lo brönne vo de Lüt hei mer nid unbedingt wöue und der Tip vomene Kolleg, mir söue doch e Drop Box irechte esch au nid so guet. Dört cha me nur für 2 GB Föteli ufelade, nachhär choschtets.

Jetz beni geschter per Zuefall uf die Homepage gstosse: www.dawawas.de
Dört cha me sich kostelos amälde und de Föteli ufelade. Die Person wo sich als erschts agmäldet het, esch de sozsäge der Administrator und cha entscheide, wär dass die Föteli darf gse und wär au dörf Föteli ufelade. Per E-Mail cha me die restliche Lüt ilade. Die müesse sich de eifach au kostelos amälde (nur mit E-Mail Adrässe und Passwort) und scho chas losgoh. Me cha ähnlich wie bi Facebook Kommentär zu de Föteli abgeh und so ähnlichi Sache. Aso eg findes die optimali Lösig für eus. Ha dänkt, e möcht das mit euch teile. Velicht suecht jo die eint oder ander vo euch au no sö öppis.

Liebi Grüess
dandi78

dandi danke för de super tipp!!
i hamer s wedding Party app abeglade! aber es het mi bez gstört dass es of english esch (meine mini mueter cha doch ned english ) ond de beni mer ned secher gsi obis wett bruche! aber met dem dawawas.de esch super!!!
hesch es du schomol usprobiert?