bi mir gahts hüt genau na 1 monet.. hend am 11.1.14 euse tag.. und nei es isch mir na gar nöd bewusst und nervös bini au nanig.. hend na zerst anderi baustell.. zügle
muen schona seint oder ander fertig mache.. aber muen mir immer wieder irede dass scho alles guet chunt..
i ha es ziitli lang bim andere Thread mitgschriebe aber ha mi dä eifach müesse usklinke, bi def. nüm nachecho..
Ja stimmt, etz chunnt zerscht mal Wiehnachte. I bi mir ganz sicher, euri Liebschte werded die Gschenk super finde!
Chliini: Nurno eiiiiin Monet! Krass. Bisch scho parat (nebsch em zügle)? Oder besser gfragt, was müender suscht no mache? Zügled ihr no vor Wiehnachte?
@dänu: Bi üs steit folgendes ah... -Fotografin u DJ informiere, aso wäg de Zyte -mit dr Coiffeuse wäg dr Frisur u dr Zyt gugge u am ne Probetermin (gani äuä morn Vormittag rasch vrbi) -Kosmetikpropetermin veribare (machi äuä nächst Wuche, bi denn no bi ihre) -Schueh uswähle oder neu bstelle (ha bi Verosposa bstellt, di passe aber nit, u jtzt vom Brutschuehlade no e paar deheime) -öbis azahle (gugge was), mir wette nit aus uf einisch -Unterlagsschibe für dNämeli koufe -räschtelechi Magneti bstelle -Bluemedraht koufe -Kerzene koufe -Rechaudkerzli und Gläsli koufe -Namenstäfeli aschribe -Gastgschenk Stoff zwägschnide u dNäme aschribe -Gugge für ne Termin fürs Kleid lah azpasse
U sobaud mir zGspräch uf am ZSA hei gha, derte no dKärtli lah drucke u üs ou ändli einig wärde, wär jtzt derte aus eis brchunnt...
Wo bisch Du so ir Planig? Was hesch Du für Gastgschenkli?
@nisliker: Isch ja scho gli so wit bi Dir! Bisch scho chli nervös? Dir sit ja no chli witerobe, derte hets sicher scho Schnee? I würdi die nach dr Kirche verteile, chöit ja TZ oder so frage, de cha links und rechts bim Usgang je eis stah, use abgäh.
@chliini: Wow, nit mau meh ne Monet...!! Hesch scho aues? U de no Zügle? Isch das beabsichtiget gsi, oder het sechs so ergäh?
@me: Ha geschter ZSA Ameldig abgschickt, di hei dä morn, u de geits de ou "nume" no 3 Mönet bis mir dr Ziviler hei...
hend ihr au s'problem dass bi eu sbudget immer wiiter ufe gat.... bi eus hörts nüme uf! mir hend en menüvorschlag gha vom hotel für 115.- (3-Gang gourmet). jetzt simmer letscht weekend go probeesse und de hauptgang isch viel zchli! nur 140g fleisch und uu wenig gratin. jetzt wemmer 200g und me gratin und müend 125.- pro menü zahle....
gester hemmer termin mit de fotografin gha und min gg und ich hend usegfunde das mir vorbereitige wichtig sind und ihm party.. jetzt hemmer fotografin 10.5h bueched und im budget sind 8h drin gsie. zuesätzlich machemer jetzt no en photo booth.
@nisliker: Nee, bis jtzt hei mirs ziemli guet dinne, rächne aber am Obe ou mit 70-100 fürs Menu. Wie viu Gäscht heit de Dir? Wo sit dr de süsch no zhöch? Wie viu zahlet ihr de dr Fotografin? U wie höch isch euches Budget? Ah doch de ersch? Aber chum, dass chunnt sicher guet, dr Schnee het ja no 5 Wuche Zyt u so Pulverschnee oder wes no chli schneielet isch es ja aube ou wunderschön!
Lula: Jaaaa er lebt ! OOOOh, Rechaudkerzli und Gläsli hani au müese (check), hani ide IKEA gholt. Bi üs isches grad folgendes: - Samstig, Besichtigung vo Kirche und Apéroraum (isch au ide Kirche), Bankettsaal ide Obiglocation und möglichi Fotolocation (Kloster Allerheiligen)…alles mitem Hochzits-OK (also TZ, TM und Diakon) - mir essed grad auno det - Termin abmache für Probe-Esse - ide Landi nohfroge weg Getränke-Service (Apéro) - GG Anzug ussueche - Probetermin Frisur und Makeup 28.01.2014 - TZ, Eltere und Gschwüsterti ilade für’s Zivile - im Februar nomol bim ZSA melde
…unendlichi Lischte! Aber tuet grad mal guet zum’s ufschriebe was i nögster Ziit so astoht!
Wie gross wird denn eues Zivile? Ja gell es isch schwierig zum sich entscheide/begrenze wegem ilade bim Ziviler.
Mir die Gaschtgschenkli (siehe Bild). Eifach so mit Terracotta-Töpfli. Die Töpfli hämmer scho für alli mit Spitzebändli bechlebt. Die Fähnli mit de Näme sind scho gmacht und dHerzli mitem „DANKE“. Mir müessted üs etz nurno entscheide ob mir Namens-Astecker wänd oder nöd!
Nisliker: Vilicht chunnt denn das erscht no bi üs…mitem höchere Budget. Bis etz simmer sogar scho bi recht vielne Sache druuuunder bliebe…was mich sehr erstuunt! Ich finds aber verständlichi Sache wo etz do euren Rahme chli …sägemer mal usdehned. Hender aber s’Gfühl ihr hends no im Griff? Mir hend mal chli Panik gha zwüschedinne, wo mir grad paar rechti Rechnige gha hend…aber etz im Nachhinein simmer froh hets sichs so guet verteilt. Mir sind bi Fr. 95/p.P. nur s’Esse.
ja mir hend mal denkt mir chömed mit 25'000.- dure... jetzt simmer bi 38'000.-
bis jetzt hemmer 25'000 zahlt und no 10'000 ufem konto. dass heisst mir hend 3000 zwenig. aber ich ha ja no de dezember und de januar. schaffemer scho irgend wie...
also euses budget:
Apero: 20.- pro pers Esse: 125.- pro pers Wein. 70.- pro Flasche (wir rechnen 1 Flasche pro Pers) Softdrinks beim esse: 25.- pro pers Getränke am Abend bei der Party: 2000.- (für alles) Blumen: 1200.- Musik in der Kirche: 730.- Musik am Abend: 1600.- Kirchen Miete: 500.- Brautkleid: 2700.- Anzug: 2300.- Fotograf: 2700.- Photo Booth: 400.- Ringe: 5900.- Flitterwochen: 6000.- Hotelübernachtung: 500.- Zivile Trauung: 470.-
Anmelden
