Hallo Brütlis

Geschter esch euses zivile Hochzyt gsie. Ben praktisch ned nervös gsie - han de Tag dor no en hufe gha zom parat mache, ben am Morge no bim Coiffeur gsie zom d Hoor z syle etc.. Nor Ässe hani gar nüüt möge, mer schlohts emmer grad ofe Mage bi so Sache.
Es het de ganzi Morge fadegrad abegrägnet - lieber bim zivile als bi de freie Trauuig hani so dänkt. S Wätter esch halt leider s einzige wo mer ned chan beiflosse.
Denn hets aber am halbi 2i doch wörkli ufghört. Am drüü send eusi Gäscht bi eus di Heime itroffe ond am halbi 4i semmer bi Sonneschie losgloffe Rechtig Trauuigslokal. (Händ sogar eusi Scherm chönne di Heime loh)
Händ vor em Trauigslokal nochli müässe warte, da sie zytlich im Verzog gsie send. Han denn no en Angstbisi müässe go mache
Wo mer denn ine händ chönne go, hani bi de Begrüässig vo de Zivilstandsbeamtin dänkt, ou nei was esch denn das för eini. Aber sie hets super gmacht. Mer send bi eus z Eglisau gsie, imene ganz alte Ruum met ere Interessante Gschecht, esch 1690 erbaut worde. Sie het s Ganze sehr locker gmacht, mer händ paar mol alli zäme müässe lache. Sie het au euse Sohn härzig met ibezoge.
Wo sie met de Trauuig gstartet het, het denn au mis Härz afoh poche wie verrockt. Min Schatz het das glaub bes zo ehm öbere gspührt ond het denn mini Hand ganz fescht ghebt!
Nach de Gratulatione hämmer verosse bi super schönem Wätter no Föteli gmacht ond send denn weder zo eus Hei gloffe.
Wo mer denn met ere super feine Caipi-Bowle agstosse händ. S Apero hämmer denn no verosse gmacht, aschlüssend het euse Nochber för eus Grilliert ond so händ mer no bes Metternacht es loschtigs Fäschtli gha alli metenand.

Jetzt "mues" ich mech a min neui Name gwöhne. Han höt scho di erschte Teschtarüef becho . Esch scho no speziell, aber ben mega glöcklich.
Mer händ d Ring enand ustuscht ond wärde die jetzt au bes am 03. Juli abhalte ond denn bi de freie Trauuig enand nomol astecke.

Mer chömed morn d Föteli vo mim neue offizielle Schwoger öber, due denn es paar do druf stelle.
Jetzt esch de eschti Schrett gmacht, aber s rechtige Fäscht chont jo no ond do druf freu ich mech jetzt ganz fescht.

Liäbs Grüässli Glöggli


....eusi zivile Hochzyt esch am 18. Juni ond di freii Trauuig am 03. Juli....

hoi glöggli!
härzlechi gratulation - du früsch bacheni ehefrou ;-)
eui härze hei wahrschindlech so fescht gstrahlet, dass er sogar dr petrus heid chönne überzüge, dass e chli sunneschi abracht wär ;-)
freut mi, heiter so eschöne tag dörfe erläbe - bi gspannt uf dini föteli!
lg

verliebt 9-5-99 verlobt 29-12-09 heiraten 3-6-11

Hoi zäme

Han do 2i Photene vo eusem Zivile. Danke vel Mol för euchi Glöckwönsch

Grüässli Glöggli

....eusi zivile Hochzyt esch am 18. Juni ond di freii Trauuig am 03. Juli....

Datei-Anhänge

	ziv. Hochzeit 070.jpg (109x) Mime-Type: image/jpeg, 57 kB
	ziv. Hochzeit 312.jpg (105x) Mime-Type: image/jpeg, 50 kB

danke für die fötelis - meeega härzig!!

verliebt 9-5-99 verlobt 29-12-09 heiraten 3-6-11

Hey glöggli

mega herzigi föteli vo euch

nomal alles gueti für dich und dini Familie!

Hoi Glöggli,

vielen Dank für den Bericht und die Fotos!
Auch ich wünsche euch nur das Beste für die gemeinsame Zukunft!! Geniesst es in vollen Zügen!
Und dann natürlich ein wunderschönes Fest am 3. Juli! (ein super Datum)

liebi Grüessli
beauty

----------*** 3. Juli 2010 ***----------