nicht registriert

hoi boo 1982.
i han min atrag au uf em eifelturm überchu, uf dä oberstä etagä, am 21 dez. 2008, soooooooo schön gsih. natürlich händ alli nach dä feriä in paris gfraget: und häsch en atrag überchu. es isch mer dänn schu schwergfallä zum nei sägä!


Winterbraut wird nun doch zur Sommerbraut. :-)
am 24.7.2010 juhuiiiiii!!!!!

@Soefeli82: trouzüge wüsses de bereits? üsi familie u kollege wüsses churz nach üsere paris-reis. mir hei das datum aber bereits im januar bestumme, wüu mir d'location (blockhaus) u ds schiff unbedingt hei wöue reserviere. aber dr atrag isch ersch ufem eiffelturm cho...

@Muus2: mir hei oscho bereits im januar bschlosse, dass mir nächschts jahr wei hürate. denn heis aber nur afa mir gwüsst u mi zuekünftig het eifach gwüsst, dass ig gärn ä atrag wett, när hani da ufem eiffelturm übercho mit ring u schämpis. mega schön gsi. hätt aber nie erwartet, dass mi schatz so klischee-mässig ä atrag wott mache. bi mega überrascht gsi.
mir hei trouzüge bestumme, ds schiff reserviert fürne schifftstrouig, d'location fürs apéro u o d'location fürs ässe. süsch simmer immer chli am luege wäge catering. wägem chleid wett ig gli mau eifach chli ga luege, was mir so steit u mi chli la berate. aber eigentlech wett ig das nid viu zfrüeh ha wäge umänderige...

@winterbraut (sommerbraut): so geniau, dass süsch no öpper dr atrag ufem eiffelturm het übercho. isch würklech unbeschriblech gsi. mir si am abe o uf die oberschti plattform u dert hani när mi atrag übercho u är isch auso uf d'chnöi gange. är het gschlotteret u ig ha mi gfragt, ob är chaut het, obwohl mi schatz nie chaut het. u ufs mau nimmt är dä ring füre u seit, dass är äbe nid chaut het... wunderschön.

sit dir scho am luege fürnes chleid? chunt öpper us dr region bärn?

Hoi Muus2
Ich mues mi ebe au no zämerisse bes im Herbst, wet au am liebschte scho losrönne ond go chleider probiere... Wo hesch denn öberall vor go z luege? Ben au usem Aargau

hallo zäme

ech "misch" mi jetzt ou no i euchi unterhaltig i

be bereits in aarau bi de priska s hochzeitsmode ond im wicky beromünster gsi. han rechti unterschied festgstellt. was mech in aarau chli gstört het esch, dass i chleider aprobiert han, wo mer vel z chli send gsi. so cha mer sech gar keis richtigs bild mache öb eim s chleid stoht oder ned. das het mi bim wicky deför umso besser dünkt. si hei i jeder grössi extrem en grossi uswahl ond vorallem han ech es chleid gfunde wo d hälfti vo mim budget esch gsi. han d frau estermann gha wo mer ou das chleid empfohle het, obwohl s nr. 2 vo mine favorite dopplet so tüür wär gsi...

grüessli ond denn im herbst vel spass bim brutchleider probiere

verliebt seit 26.3.06 / verlobt seit 19.12.08 / hochzeit im juni 2010 :-)

nicht registriert

@boo - nei d trouzüge wüsses o no nid. mir weis zersch de eltärä sägä u när ersch "öffentlech" mache.
da mir ersch ändi ougust hürate, pressierts bi mir no nid so mit em ne chleid. ig warte no bis afangs 2010 u när gani de ga luege.

u übrigens bini de o usem kanton bärn. also eigentlech bärner oberland!

gruäss soefeli

ich han ebe be sunsing au mis absolute traumchleid gseh :-) ... han mer vorgno mol i bruutmodegschäfter nach somene chleid z sueche dasi weis öbs mer vom Stil her au wörkli wördi stoh ond denn bstellis secher be sunsing, ergendwie reuts mi eifach mehreri tuusig franke för nes chleid uszgä.... För 1 Tag.