| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Hochzeit 2010
 1 .. 21 .. 40 41 42 43 44
10.08.09 13:03
Franziska

nicht registriert

 Re: Hochzeit 2010

Hallo wir heiraten auch 2010!
Nik_ Franziska
Neuapostolisch
Juli 99
Standesamtlich geheiratet 1.1.2000
Hochzeit Kirche 26.6.2010
Ort Safenwil

Es liebs Grüessli Franziska
14.09.09 22:57
lulu75 

Re: Hochzeit 2010

wir heiraten am 4. september 2010

also mier hürotet am 4. september 2010 ide kapelle gormund... und mier send jetzt scho tüchtig am plane... smile
14.09.09 22:59
lulu75 

Re: Hochzeit 2010

wir heiraten am 4. september 2010

uii mer send verliebt sit am 2. juli 2008 verlobt sit em 4. august 2009 und de rest han i jo scho gschriebe...
mis geburidatum esch 28.08.75
22.09.09 20:41
Sabsani

nicht registriert

 Re: Hochzeit 2010

Hallöchen

Mir hürate ou im 2010! Genauer gseit am 3.7.2010 ir Würzbrunnechiuche in Röthebach (Emmental.) Isch doch es dubelisichers Datum. 3.
+7.=(20)10 Usserdämm hanis chli mit Date wosech lö la kombiniere oder e bsunderigi Konstelation hei!
Mir si aber nid würklich verlobt. Mir hei eifach am 8. Ougschte gfunge dases mau Zyt wär Negu mit Chöpf z`mache! U sit denn bini am plane... Bi ganz erstuunt wie viu das scho planet isch. I ha äuä nächscht jahr usserd Chleid choufe nümm z`tüe...
Mir wette üsi Chärtli mitti Dezämber verschicke. Isch das z`spät?
22.09.09 21:04
Gloeggli  		Re: Hochzeit 2010

Hoi Sabsani

Nei i dänke Dezember verschecke förs Hochzyt im Juli langet guät.
Bi eus werds ev. au dä 3.7.2010, hoffäs ganz fescht, nachdem mer scho 2x händ muässe s Datom verschiebe. Jetzt warte mer nor no of ein positive Entscheid vom Musiker. Bitte Dume drocke
Mer wärdet d Chärtli wenns so z stand chont dänki so Afangs Januar verschecke.

Grüässli Glöggli
23.09.09 07:09
Sabsani

nicht registriert

 Re: Hochzeit 2010 und e nid ganz eifachi Frag

Hoi Gloeggli

2x Verschiebe? Das isch ja henne doof! Was isch de passiert dass dir scho 2x heit müesse schiebe?
Dr Musiker fäuht üs äbä ou no. I drücke Öich dr Duume ganz fescht dases klappet mit öiem Musiker! I warte immer no uf d`Vorschleg vor Hochzytplanere für d`Location.I cha dr Musiker ersch denn bueche weni weiss wo das üses Fescht wird si.
I ha no e frag bezüglich Iladige. Meinsch i cha i d`Iladige schribe dass Ching am Apéro willkomme si, und so chli subtil mitteile dass d`Gescht luege dassi ihri Ching fürs Fescht nid mitnähme?
Liebs Grüessli
Sabsani
23.09.09 07:34
Gloeggli  		Re: Hochzeit 2010

Guäte Morgä

hmmm s 1e mol verschiebe hämmer müässe will eusi Traumlocation au eusem gwönschtä Datom leider scho es Hochziet het. Ond s 2i mol hämmer erfahre, dass a dem Tag mim zuäkönftige Schwoger sin Brüäder duät hürote, wo er au Trauzüge werd sie. Dorom muämmer nomol verschiebe.
Wenn mer es anders Restaurant wördet suäche hätte mer ned müässe schiebe s 1e mol, aber das hämmer ned onbedengt welle. Ond dä Musiker esch eus au wechtig, dass mer ehn chönd ha. Tja macht s Ganze ned eifach, da er scho zemmlich usbuäched esch s nöchscht Johr.
Ergendwie sells glaub ned sie met eusem Hochziet

Wäge dä Iladige ond dä Chend, weiss ned öb mer das so chan schriebe. Einersiets dänki, setted d Eltere sälber au chli merke, dass sie besser elei chömed, da sie jo so secher au meh vom Fäscht händ. Weiss ned, wörd das vellecht ned of dä Iladig schriebe sondern ehne so kommuniziere.
Bi eus esches halt chli speziell. Mer händ sälber scho es Chend, er werd a eusem Hochzyt 2 1/2 sie, ehn möchte mer halt scho gärn debie ha. Secher am Nomittag ond denn bes so Zobe om di 9i ome. Mer chönted ehn denn i eusnä Nochbäre avertoue zom go pfusä.
Denn hämmer ebe no 2i Päärli wo erscht im Feburar Zuäwachs bechömed, dänke dass sie ehri Chend metnämed, da sie socht ned chönted cho wägem Stille etc. tja mol luäge wiä das bi eus no chont.
Ebe wiä gseit, scho of dä Chärtli wördis glaub ned schriebe sondern eher met dene Lüüt schwätze.

Grüässli Glöggli
23.09.09 07:41
bresa  		Re: Hochzeit 2010

Hoi Sabsani
Z'Würzbrunnechilchli isch mega schön. Chunsch du ou vo derä Gägend oder vo wo bisch de du?

Grüessli Bresa
23.09.09 08:57
speedy 

Re: Hochzeit 2010

Hey Sabani

Das mit de Chind hani mi au scho mol gfrogt. Ich glaub ich frog denn mol mini Trauzügin, wie sies macht. Isch ebe no chli doof, alli die wo süscht ebe uf d Kids ufpassed sind sälber ad Hochzit iglade. Oder öb me de Eltere jewils söll vorschloh, de Babysitter z zahle? Es sind bi üs eigentlich "nur" zwei Päärli, eimol zwei und eimol drei Chind. Und bi dr Hochzit sälber sind natürlich alli drbi, vo zweine isch min Zuekünftige dr Götti.
23.09.09 09:12
Sabsani

nicht registriert

 Re: Hochzeit 2010

Hallo Zäme

Das mit dr Wunschlocation verstahni. Hätti jetz auso o nid anes angers Ort verschobe!
das wägem Chinder mitbringe isch ächt es heikus Thema! I liebe Ching überaus. Aber i finge die si amene sörige Tag doch eifach nid wouh. Da mir äbe nume no am 12i hei e freie Chiuchetermin gha, wird dä Tag für Ching chli sehr läng, fingi. U d`Eutere chöis ou nid so locker näh! Aber vilich ischs würklich besser weni das kommuniziere! Danke für di Vorschlag u dini ehrlichi Meinig!
Übrigens wäge öiem Hochzyt u dases vilich nid söu si..Luegs mau so a dass dir haut jetz scho vornes Problem gsteut wärded u das mit Bravour mieschteret u löset!E verpatzti Houptprob git immerhin e e super Premiere - oderso!Isch sicher nid dr perfekt verglich aber chli passe tuets scho. Dir sit när immerhin für jedi Überraschig grüschtet. Aber im Momänt isches sicher närvig!

@bresa
Ja mir si chli us dr Gägend. Mir wohne in Gümlige. Z`Würzbrunnechiuchli bedütet mim Fründ viu. Siner Eutere u ei Schwoscht vo Ihm hei scho dört ghürate.
Vo bisch de Du dass das kennsch? Bisch us dr Umgäbig? U wo hüratet Dir?

Liebs Grüessli
Sabsani
 1 .. 21 .. 40 41 42 43 44
bereits   dee-dee   einladungskarten-prototypen   reserviert   Location   °oO°oo°   verlobt   Kirchlich   standesamt   heiraten   reserviere   Grüessli   winterbraut   Verliebt   chleider   verheiratet   standesamtlich   Schloss   einladungs-karten-prototyp   Hochzeit