hallo mitenand..

bi üs gohts no 3 mönet und 2 wuche.. da goht so huere schnäll.. i bin scho richtig nervös..
werdet ihr au scho alli chli nervös?? müender no viel plane? i han sgfühl es isch no sooo viel zum tue..

Hoi Nicarina
Also ich bi au deftiv nervös, aber bi mir gohts au nur no 54 Täg, nid mol me zwei Mönet! Und ich glaub langsam, das Gfühl, dass no so vil z tue sig, het me bis am Schluss. Langsam han ich vor allem s Gfühl, es wird äng für alli die Sache wo me no neume mues bstelle. Drbi ligge mer überall genau in dr Planig, und bim Plane hämmer jo schliesslich au öppis überlegt.
Liebs Grüessli
Speedy

Säge mer so: Matchentscheidendi Sache sind keini me offe. Was fählt uns no? Details wie:
S Menü
d Tischordnig
d Namenschärtli
d Gaschtgschänk
de Apéro (die genau War, de Beck isch scho vorinformiert)
d Blueme

Jo das isch es eigentlich. Wobi s Restaurant eh no Betriebsferie het, Tischordnig isch denn sicher schnäll gmacht (hani eigentlich praktisch im Chopf, eifach nur nonig ufgschriebe), d Namenschärtli sind au schnäll baschtlet und d Gaschtgschänk chani bstelle, sobald de Februar-Lohn cho isch und ich ha chöne uf mini Kreditcharte überwiese. Ha ebe e Prepayd-Charte. Und Blueme längt au no 3 bis 4 Wuche vorane.
Ah, und am 8. März hani no Termin zum s Chleid apasse. Die mached das immer nur so öppe en Monet vor em Termin, findi no guet.
Jo und de Räscht passt. Und bi dir?

Hoi zäme

Cha mi nume aschliesse. Bi üs geits keni 10 Wuche meh und so langsam aber sicher wirde ig au närvös!

Bi üs isch no offe:
- Menü (S'Restaurant het äbe no zue bis nächst Wuche) und Hochzytstorte
- Apero (Wo isch klar, aber s'was fählt no) -> Die hei aber au no zue bis im April
- Blueme
- Tischornig
- Nameschärtli und Gaschtgschänk
- Kleider apasse (ersch 6 Wuche vorhär)

Derfür ha ig alli Accessoirs komplett und Probeschminke/-frisiere scho dure. März / April isch au bi üs komplett usbuechet. Es isch zwar au nümme Grosses, aber es brucht halt alles no Zyt.

Morn gö mer jetz uf jede Fau ufs Standesamt (Formular si jo scho igreicht etc. aber morn müe mer jetz no persönlech verbi go) und am Donnschtig zum Notar dr Ehe- und Erbvertrag go unterschriebe. Und när gots de Schlag uf Schlag.

Ig wünsche Euch au im Endspurt no viu Vergnüege bim Organisiere.

Liebi Grüessli
Haexli75



** verliebt 7.7.1992 * verlobt 16.6.2007 * verheiratet 7.5.2010 **

hallo mädels

mälde mich au wiedermal zu wort. han die letschte paar täg/wuche nid so luscht gha mich usztuusche will mer chli ghetto gha händ, jetzt isch aber alles guet und mer freued eus wieder uf euses hochziit!

mer münd au nüme viel mache, nämli:
- mis abgsteckte chleid probiere/abhole
- azug vom schatz abhole
- reschlichi namenstäfeli baschtle
- tischdeko/give aways baschtle (warte immerno uf eusi zältli-lieferig)
- probeessen
- menukarten drucken und zusammenbasteln (kleine sache)
- apéro besprechen (nur noch details)
- tanzkurs besuchen

JA- sagen :-)

liebe grüsse, calla

°oO°oo° ... WEIL ES LIEBE IST ... °oo°Oo°

cyst ist bereits verheiratet!
und, wie war euer tag?

diesen monat traut sich FrauG, alles gute im schlussspurt!

°oO°oo° ... WEIL ES LIEBE IST ... °oo°Oo°