@Gloeggli

Ja genau, mir händ im Weierbachhus ghürote. S Trauzimmer isch obe, mer gaht bim Hauptigang ind und mues dänn zwei rächt steili Stäge deruf. S Zimmer selber isch eher chli, mit antike Möbel und ämene Chachelofe. Suche mal im Google nach Ortsmuseum Eglisau; det häts neumets äs Bild vom Trauzimmer. Susch chan ich dir au Föteli schicke wänd möchtisch.

Dä Gwölbecheller isch une, vom Igangsberiich her also direkt zuegänglich. Mir händ äbe dä Cheller dänn gar nöd brucht gha, wils so schöns Wetter gsi isch.

@Inessa
Vielen Dank - hab grad gemerkt, dass mein eingestelltes Foto nicht mehr vorhanden ist. Muss mal schauen ob ich hier welche hochladen kann; im Büro sind leider die meisten Hochladeseiten gesperrt.

Wow, Frettina, echt Wahnsinn!! Ich bin ja sonst schon ein grosser Fan von "weissen" Bräuten, aber dein Kleid ist ja echt Hammer! Und scheint auch voll zu dir zu passen, hast dich sicher sehr wohl darin gefühlt. Danke für die Bilder.
Liebe Gruess
Speedy

Hoi Frettina

S Föteli vom Trauuigszemmer hani gseh, esch of dä Page vom Zivilstandsamt Bülach. Mer goht demfall bim glieche Igang ie wiä wenn mer in Gewölbechäller goht? Han ebe gmeint, mer chöni bim Sieteigang au ie.
Mer hätted ebe gärn i das Trauuigszemmer welle, aber e dem Tag het scho öbber dä Chäller för Apero gmiätet. So chömmer das halt wörkli ned mache. Wenn mer of dä Siete vo dä Stross ie hätti chönne, denn wäre mer prima anenand verbie cho.

Danke för dini Helf.
Grüässli Glöggli

Hoi Frettina

Danke för dini Infos. Das z Kaiserstuhl gseht au lässig us. Froge det mol noche, diä händ aber of dä Page dass em 1e SA. im Monet zivili Trauuige send, ond mer hüroted ebe am 1e SA. vom Monet. Naja probiere chanis mol.
Han au no dänkt bi eus z Eglisau ofemene Wieguät wäri au no öbbis. S einte esch sehr schön gläge grad oberhalb vom Rhie.

Händ ehr denn z Eglisau au no Föteli gmacht? Mer möchted gärn am Rhie onde chli Föteli go mache.

Grüässli Glöggli