....luschtig....

Weisch mer hend eifach d Erbfolg gergelt. Solang kei Chind ume sind wäred susch sini Eltere und/oder Gschwüschterte erbberechtigt.
...und für mich würdi de chlinner Teil übrig blibe... das hend mer nöd welle.

Mir sind jetzt au no am baue (Eigetumswohnig) und das wär denn echli prekär.
Aber au susch chasch, wenn Chind ume sind s Wohnrecht für de Partner sicher stelle, und sie (tönt echli komisch) uf de Pflichtteil setzte, denn mues mer ihne nöd so viel uszahle.
Mer hend jetzt au üsi Besitztümer ufgschribe wo mer id Ehe ine bringed, dass es da au nie Disskussione chan geh.
Mer hend aber normal Errungeschaftsbeteiligung

Das chasch au nachher mache genau.

.... han leider au nöd eso viel zum ufschribe gha
Als Studieabgänger isch mer finanziell nöd eso parat

Ja und jetzt gits denn sowieso gil Babies!!!!
...möchtisch du Chind?

Ja genau, so isch es.... sie chämted denn glich no öppis über, aber weniger....

Nei i bin nonig schwanger..... bin eigentlich scho chli hin und her grisse....

Han e gueti Usbildig gmacht und wett das jetzt au gern echli uskoschte.... und mich ebe au chli finanziell polschtere. Zudem bin i en Workaholic, schaffe sehr gern....
....und uf de andere Site han i en super Maa (bald uf jedefall ) wo en super Papi wird sii und sich au Chind wünscht....
....und denn hend mer no es chlises biologischs Ührli wo seit, z`lang würd i nüme warte....

...ja und jetzt.....?

I bin jetzt sowit, dass is druf a loh.... han es Kollegepärli im gliche Alter wos sit 1.5Jahr nöd klapped.... und das macht mi denn doch echli nachdenklich...

I finde das super wenn ihr das no chli gnüssed...... das isch au richtig so, das chönd er denn nachher weniger
...und du hesch ja no es Jahr länger Zit

...ihr göhnd uf Hawaii..... han i glese?

Super Fira.. danke vellmal för de Tipp!!

Ja mir gönd ebe au scho zum 2.mal! ich liebe hawaii...!
ja mir wetted ebe en heliflug über big island mache demit mer d vulkän gsehnd...! ..maui lömmer aber dasmal us, defür gömmer no uf molokai.

ja du seisch es, eusi beziehige werded das schaffe! nume positiv dänke!
So du, ich sött langsam... wünsche dir no en schöne abig und bis bald mal wieder
liebi grüessli