Hallo zämä. Bi neu i däm Forum. Also, da heisst i ha scho einigäs gläsä und jetzt hani selber mol ä Frog.
Macht bi eu öpper ä Hochzitsred? I ha gläsä, dass da meischtens dä Brutvater macht, aber i bi nöd sicher öb i da mim Vater (und dä Gäscht!) cha zutrauä... Und s'Brutpaar sälbär sött viellicht au no öppis sägä, oder? Wiä isch da bi eu und wänn isch dä Zitpunkt für sonä Red? Bim Ässä am beschte?

wiukomme im forum!

uh ja ig gloub üsne gäst wetti ou ke red vo mim papi a tue:-)

ig gloub my zuekünftig darf de das übernäh dänke ou voräm esse und em astosse? eher spontan dänkeni?

i hasse weni muess vor lüt rede und du?

wenn hüratisch du?

daniel & sibylle 19.01.01= 30.05.2008 / 07.06.2008

nicht registriert

Hoi dui

Härzlich willkomme hie .

Bi eysem Hochzeyt tued mey Vater en chleyni Red halte. Für mich persönlich ghört dass dezue und bi meynere Schwester hed ärs ai gmacht und das hed mier total guet gfalle.

Mier sälber wärdid glaib ich nid en Red im übliche Sinn halte, sondern eifach im Saal vorem Ässe alli Gest begrüsse, säge dass mier eys freyid dass mier mit ihne chend de Tag fiiere und en Guete wünsche .

Liäbs Grüässli
Jovia


29.02.08 / 19.07.08

nicht registriert

Hallo zäme

Öber en Red han ech mer gar no kei Gedanken gmacht. Weiss gar ned öb mi Vater so öbbis chönnt. Evt. säg ech de eifach spontan öbbis. Ech spele Theater ond moss de amigs Begrüssung + Ansage mache. Das machi no gärn ond es heisst emmer, ech sig so schön spontan. Also wär das doch guet. Besser es macht si öber, wo das gärn macht als öbber, wo sech de ned wohl fühlt. Es söll jo ou chorz ond böndig interessant ond chorzwiilig sie... hoffentlech heisst de ned ech heig d'Hose a i de Beziehung... mi Partner darf natürli ou öbis säge . Glaube zwor er ged mer de gärn de Vorrang.

LG
Pluto