Mir si uf dr suächi für nä geignete ort im Bärner Oberland für üsi Hochzitszeremonie. Am liebste hätte mer ä ort im Bärner Oberland, wenn müglech am see, oder chli oberhalb mit ussicht ufe see :-) Kennt öper vo euch ä geignete ort wo me sech im freie cha troue und guät zuägänglech isch?

Danke scho ize für euri antworte!

hoi zila,
im baerner oberland gits doch nume schoeni orte :-) suecheter eifach nachemne plaetzli oder muess es ono grad e schlaecht waetter variante ir noechi ha? fuer wieviel luet isches?

als erschts chunnt mier grad ganz spontan ds schloss schadau i sinn. dert chasch dusse im park huerate, und bi schlaecht waetter waers de ufem schiff. muesch uf dere iri website, dert findsch alles. isch prislech allerdings nid ganz guenschtig...

uberlege mer no meh....

verliebt 9-5-99 verlobt 29-12-09 heiraten 3-6-11

Hej zila,

üsi Brutfüehrer hei nach üsere Ziviltrouig ob Wattewil, Grundbach bire Brätlistell es chlis Apero für üs gmacht. Dert sött mä gloubs o ufä See gseh, wenns schön isch (bi üs isch das äbe leider nid dr Fall gsi...). Aber süsch hets mi no rächt schön dünkt dert. D Brätlistell säuber isch deckt u när hets derzue o no es chlins Hüttli wo haub offe isch.
Dr Wäg uf Gurzele wär när uf jedä Fau nid wit
Liebi Grüess

Zuletzt bearbeitet am 06.06.2010

Hallo zila,
meinsch es wär öpis für öich? Weisch ungfähr wos isch, dass dir mau chöit ga luege?

Ha üsi Trouzüge gfragt, womes cha reserviere. Das wär bime Habegger Christian, ds Telefonnummero isch 033 356 32 80.

Liebe Gruess