Hallo Zoe

Herzlich willkomme bide JuliBrüütli

Mer hend en Band buechet, wo dr Abig mit Musig chli duet gstalte. Zwüsche düre gids sicher ds einte oder andere Spieli, oder Darbietig. Es paar Gäst hend emu scho mal dLag abtschegget, ob mier Spieli und so möchtet


* mier freuet üs ufe 2.7.2011 und säget JA zunenand *

liebi schlumpf79
danke vielmal für's willkomme heisse
darf ich frage, was das für en band isch, wo ihr für d'unterhaltig hend? also was für en stil vo musig machets?

Hey so lässig, da hets ja no meh Baselrinne ume.
Ganz schön, d Chile in Arlesheim isch wüki ganz e schöni! Super Wahl!

Mir hürated erscht am 26. August. Im chleine Klingetalmuseum, das isch gad am Rhy bide Buvette ide nöchi. Mir werded e frei Trauuig ha.

Ich bin na uf dr Suechi nacheme guete Folischt. Wer händ ihr da gno?

Lg Vikunija

@Schlumpf79: So super, mir hürote beidi am glieche Tag und unseri GG sind au beidi Italiener? Vo wo isch din zuekünftige Ma den genau?

Mir hend übrigens au a Band für zobig und au no ä Band für in dä Kirche, was hend ihr für Musik in dä Kirche? Eher Tradizionell oder eher modern? Bi nonig ganz sicher was für lieder d'Band in dä Kirche sötti spiele, das isch gar nid so eifach..

Hesch Du din Brutstruss scho usgsuecht?

LG Sandra

Hallo sandramarco

hey diä Zuefäll! Mi GG chund vode Abruzze! Und dine?

Mier hend für Chile en Organistin wo es paar Lieder spielt, und en Sängeri wo sAve Maria singt (Wunsch vom GG)! Weli Lieder wüssed mer nuni, sie duet üs nu es paar vorschlah, wo sie am ehnste dänkt dass sie passe wurdid, mer hend eher echli en tradizionelli Mess (bimene Italienische Pfarrer)!

Yes, mi Bruutstruus han ich scho usgsuecht und Bstellig ufgäh. Es isch en Idee vom GG gsi. Ich ha immer wieder uberleid, was ich für Blueme wet, und wie er sell usgseh. Hät gern eine gha, wo nid jedi het. De het er mier so nebebi en Idee bracht (wiissi Rose und idr Mitti vom Struuss es Herz gformt us rote Rose)!

Du hesch dine scho usgsuecht?? Müend er nu viel mache??

Ubrigens es gaht de nu 36Täg bi zu üsem grosse Tag!!!

Lg


* mier freuet üs ufe 2.7.2011 und säget JA zunenand *

Oh wo isch den Abruzze? Mi GG chunt ursprünglich vo Palermo, aber er isch i dä Schwyz ufgwachse und isch sogar mängmol mehr schwyzer wiä ich.

Also unsere Pfarrer isch no ziemli jung und dementsprechend au no sehr modern, darum wird musig ziemli sicher au modern werde. Mir hend dänkt dass zum Izug Nothing else matters super wäri, do unsere Kolleg Gitarre spielt. Dä rescht isch no in bedänkig aber wird sicher au glie entschiede.

Oh je Oh je, jetzt machsch mich aber nervös, nur no 36 Tag und ich han dä Brutstruss nonig bstellt.. Schlimm.. Das muess ich morn grad mache..
Suscht sind mir (das heisst ich, will mi GG sich bi dä organisation recht oft drus haltet) eigentlich ziemli guet dra. Eigentlich sinds würkli nur no D'Blueme wo ich muess bstelle und es paar chlini detail no muess fertig mache wiä z.B. Namensschilder und Fahrzugschleife, sind aber je nur no öpe 10-20 wo ich no muess mache.

Lg Sandra