Hey Lucy Lu

Miar tüan jetz glich schu am 14.12.12 zivil hürota. Am 4.1.13 het ds'Standesamt no zua und am 11.1.13 seg nid so guat, well si denn z'neua Gsetz no kriagen und no niamert genau wüssi, wias denn ablaufi und si miar erst churzfristig chan säga, ob dr Termin ok isch oder nid. und nocher isch min GG 4 Wucha im WK und erst im März wenn miar nid.

Drum hemmer jetz gseit denn machens miar halt no das Johr, spielt üs jo kei Rolla

Miar machen denn am 26.7.2013 wia plant z'grossa fest in wiis tüan döt eifach im Schloss anstatt a zivil trauuig a freii trauuig macha. und denn gömmer wia plant am 27.7.2013 ufs Schiff und machen döt dia zeremonie am 31.7.2013.

z'zivila am 14.12.12 machen miar nur im ganz chlina rahma (TZ, Eltera) und denn bi üs dahei nocher as Chäs-Fondue, oder Fondue-Chinoise oder öppis. üseri Ring und alles hen aber z'Datum vum 26.7.2013 igraviart, well das für üs dr "bedütend Tag" isch! das zivila het in dem sinn nid gross a bedütig....das machen miar eifach vorher wegem Poppi.

huhuuuuu brütlis
do isch au no e Juli brut unterwägs

Vielen Dank LucyLu

am 27.07. und bi euch?

grüessli

Bergeri was für e liste?
ou das isch denn schööööööön du bisch schwanger? aaaaah mir wei au nächer loslege drmit es freut mi gohts dir wieder besser. so chasch d schwangerschaft au nid gniesse wenns dir non stop übel isch

also mir hei jetzt dr fotograf, dr saal, d kirche, fürs zivile, d band reserviert. also s gröbste und s wichtigste isch e mal gschafft. jetz föi mir langsam ah mit em text für d iladige. isch gar nid emal so eifach

STD karte hei mir nid. i glaub üsi lütlis würde gar nid drus cho was das isch.. darum verschicke mir üsi iladige scho im januar/februar und die meiste wüsse au s datum und d lüt rede viel und denn verbreitet sich das au schnell
wie und wenn verschicket dir euri?

liebe gruess
purple rose

Hallo Bergeri

I has versuecht mi izträge aber irgendwie goht das nid

wooooow das goht ja au nümm eso lang! so schööööööön i freue mi au scho sehr uf dä moment wenns so wit isch aber zerst isch mau d hochzit dra i ha respekt vor fraue wo schwanger si und no d hochzit no düe organisiere.
ja d zyt goht ächt zuuuuu schnell ume! isch ächt abartig! nümm lang und denn isch au scho juli hehe..

oh das isch schön! e taufi und e hochzit isch öpis wunderschöns.

das wird denn e wunderschöni überraschig für alli.

also da mir in kroatie düe hürote isch halt alles e bitz komplizierter. aber mir si glaubi rächt guet dranne mit de vorbereitige i ha chlei angst wäg dr torte und de blueme aber i glaub das wird scho so klappe wi mir das gärn möchte
mir verschicke üsi iladige grad afangs januar wöu vor wiehnachte goht das wahrschindlich bitzeli unter und die meiste bueche ihri ferie eh im januar. die meiste hei aber scho khört wenn üsi hochzit isch und somit machi mir do nid so grossi gedanke drüber
also mir hei tellerservice. das hätte mir au do gno wenn mir ir schwiz würde hürote. i find das edler und schliesslich si das üsi gäst und i finds schöner als wenn alli ir reihe stöi und jede wartet bis är ar reihe isch.. und schliesslich isch jo das üse tag und wie du seisch, mi würds mega aschi**e immer zum büffet z laufe mit mim chleid

liebs grüessli
purple_rose

@Bergeri

hoppla hahahahahhahahaha

mmmmmhh.. das dönt scho super das buffet und die sache wo fürs buffet hesch chasch nid im menü ha? viellicht chöit dir ja öpis ushandle mit em restaurant oder dir verzichtet viellicht ufs eint oder andere fleischgricht oder anstatt d suppe es anders salatgricht nä
andersits hesch du aber denn es baby und den müesstisch jedes mal hi und här laufe..

heit ja aber au no bitzeli zyt dir findet bestimmt s richtige für euch