Pfingstrose: tönt super guet mit dinere turte degu! Mir gei zersch keni wöue, aber its tuet mis mami üs eini mache.

Broncos: merci für dini PN, gset mega guet us!! Simpel u eifach u nid 0815 gàu isch mega schnäll u super gange mit wedding republic.

Was staht bi eu so als nächsts ah? Händ ihr no grössers Züg zum erledige?

Macht öpert vo eu au no es Gästebuech? Mir mached ebe e Art Rezeptbuech als Gästebuech... Evt. interessiert sich öpert für de Shop... Ich han ebe speziells Gästebuech welle. Wo mer würklich die Front überchund wo mer wott und chli edler wie eifach es Büächli oder es Fotialbum. http://de.dawanda.com/shop/sabineklein

Mer chan s Format und de Stoff oder s Papier alles selber wähle. Es chosted den eifach no de Priss vom Stoff. Aber ich finds ächt super... Und sie isch sehr e hilfsbereiti.

@ pfingdtrose uii sp nürcher gfaue mir ou mega guet:) mit hei ou es gästebuech hamer ou cjli öbis spetzieuers usgsuecht gha... Bletter chame usenä.. Aber tu hez mit gno was si de genau macht weisi ni:) aber was i mit vorsteuä hanire mitteilt so chöisrch d lüt vorbereite oders do heimä mache wie de ou immer!
Has bi mim brüeder schad funge aus gast heimer nüt gwüst de vo u heisi ed foti macht u de hätsch söue verziere u mache u tue tja:(
U de hsni no schmätterlinge vorbereitet eo si de dr name chöi drufschribe ... Änlich wie mit de finger abdrück..

@ vorbereite s appero isch no ned buechet aber usgsuecht
U turte weisi no ni genau was mache.. U blueme si ou ned bsteut weis sber wo mache aber die hei gmeint dss heig no de zit:) schüsch gloubi simer zimlich nochä

@Giara: Also mir hend üs das am Chatzesee schlussendlich nie vor Ort aglueged. Mir hend scho letscht Jahr (am 14.06.13) im Stadthus in Züri zivil ghürate. Ich han d Adresse au im Excel erfasst, aber vor allem zum den nachher d Rückmeldige erfasse. Uf d Couvert schriebe tüemers glich vo Hand. Das mit de Briefmarke isch würklich lässig. Mir hend dertig ufs zivile Hochzyt vo mim Gotti becho und den grad für d Dankeschärtli brucht. Sind super acho. Merci weg em Chleid, aber isch leider ned für mich, sondern für mini Schwöster/TZ. (also wen mis HZ Chleid wetsch gseh, chans der gern per PN schicke). Also wenn ab und zue um de Chatzesee unterwegs bisch, isch d Chance gross, das mer üs scho über de Weg gloffe sind :)

@Angy: Merci. De Service vo Wedding Republic isch würklich super gsi. Sie hend üsi Änderigswünsch amigs uuu schnell umgsetzt und d Verpackig isch au mega liebevoll. Hehe, am meiste Freud hani, das mer anstatt Sitzplatznummere de QR-Code vo üsere HP hend. (Wird wohl chum öpper bruche, aber ich gfinds glich cool )

@Pfingstrose: Wener "nur" d Hochzytsturte als Dessert hend, findi de Priis voll ok. Aber mir sind beid ned so riise Turtefan und tendiered hener zumene Dessertbuffet. Aber mir hend üs noni entschiede, mal luege was da no so usechunt :)
So chamer en Alass vo andere Site gseh, mich interessiered d Promis überhaupt ned, respektive isch mer no nie i sinn cho, dass det ja en hufe Promis sind

Me: Also de nächst Punkt bi üs isch jetzt d Iladigscharte verschicke (und z erscht no d Homepage fertig mache, aber das git nüm vil z tue) und was mer denn no müend
- Offerte für de Apéro ihole (also Schön- und Wüestwetterlocation hemmer scho)
- Menu für de Abig uswähle und den Menucharte
- Decko für Chile, Aperolocation, Abiglocation
- Tischdecko für de Abig (inkl. Tischkärtli)
- öpper Sueche womer den am grosse Tag mit dekoriere hilft
- Coiffeur für mich (Make-up macht e Kollegin vo mir, wo Make-up Artist isch)
- Blueme
- Turte probiere selber z mache
- Ring graviere la (mir hend sie scho sit em zivile a, aber wennd sie jetzt fürs chirchliche graviere la)

Das isch alles womer jetzt grad bim schaffe i Sinn chunt (die vollständig to do list hani dihei). Phuu bin ich froh, das mir s zivile scho dure hend, denn fallt wenigstens echli öppis weg.

nicht registriert

- Broncos: Ah ich ha denkt viellicht isches dis Kleid fürs Zivilä
Den hesch jetzt nüm dä ganz stress mit dä Namensändrigä....
Hesch dis HZ Kleid schu lang? Hans sitem letzä Mittwoch, bi u erliächtert und freu mi jetzt no me uf Hochzit

- qwertzu: Herzlich willkommä :-)
Mir gönd au ad Westküste id Flitterwuchä Wiä lang gönder?

Mir hend au nu so einiges z'tuä....

- Apero und Getränk organisierä, plus Feschtbänk
- Ring
- Kleider fürs Zivilä, plus sin Hochzitsazug
- Diä ganz Deko, mit Namensschilder für Tisch und Persone
- Bluämä
- Hochzitstuurte
- Z'Auto für zum Restaurant
- Festlegä vum Menü und Wiiuswahl
- Ballön
- Hochzitsreis plane und buch
- Truuig mitem Pfarrer besprechä und plane
- Namensänderig überall melde, nüä Pass beaträgä

Ohje und es gaht ja nur no 152 Täg

Herzlich Willkomme Qwertzu! Lustig en Brütigamm i de Rundi z ha!

Ich bin also sehr froh händ ihr doch au no alli einiges zum erledige!!! Suscht wer mir ja direkt schlächt worde. Hihi!

Eusi Iladie sötted hüt i de Post sie. Gester häts FedEx nöd chöne liefere will mer nöd ume gsi sind. Hüt löndses eifach im Briefchaste. Git ja Lüt wo schaffed... Aber das känneds nöd. Haha!

Ganz en schöne Tag allne!