willkomme qwertzu !

pfingstrose: juhu schön weg de iladige :) ha grad müesse lache weg dim post ob mer eigetli all spinned :)) aso ich ha glaub en schub gha im januar, woni mir erlaubt ha mal vorwärts z mache, sache woni scho eewigs dra umegstudiert ha. hoffe etz machi denn nid alles z früeh fertig, aber ich glaub au dass im letschte monet no gnueg wird afalle und wenns zwüsched ine mal chli nüt z tue git au recht :)

me: iladige sind zu 90% hüt uf d poscht...a poscht .) mal luege was da so chunt. s wüsseds ja all scho, aso nimmi a dass eifach all sich (hoffentli) spöt am 15.3 gmolde hend :)

@qwertzu: Welcome, so cool en Brütigam unter üs z ha. Und nomal öpper mit 14.06.14

@giara: Ich han mis Chleid im November gfunde... Und jetzt bini am warte bises endlich chunt. So langsam magi mi gar nüm richtig dra erinnere. Drum luegi vo zit zu zit s Föteli a aber ich han bis jetzt no keis Chleid gseh woni schöner gfunde han Hesch es Föteli vo dim Chleid?

@USA: Ouuu so cool ihr beide! Bin richtig Iversüchtig. Mir sind USA Freaks, sind scho xmal denne gsi und werded i 1-2 Jahr übere uswandere (wenn alles klapped, hoffemer s beste). Also wenner irgendwelchi Reisetipps bruched, nume melde

@Pfingstrose: haha isch mer genau glich gange mit de Iladigscharte letscht Wuche. Sie hends so um die 10ni welle liefere, als öb mer ned müesst schaffe aber ich hans den am nächste Tag chönne go abhole. Bin u nervös gsi, wies den würklich usgsehnd. Aber es isch alles genau so gsi, wiemers hend welle

Ich han mal e Frag a üch. Also ich hoffe das isch ned z persönlich, aber wie gsehts bi üch us mit Familieplanig? Bin mi ebe grad zimlich am nerve. Scho nach em zivile hochzyt isch d Reaktion vo so vielne Lüt gsi: Ah ihr hend ghürate; bisch Schwanger? Als wenn de einzig Grund zum hürate en Schwangerschaft isch. Ide letschte Mönet isch es wieder biz ruhig gsi. Aber über Wiehnachte bini biz chrank gsi und han drum kei Alkohol drunke oder mal es biz en wiitere Pulli agha, denn fraged wieder all, öb ich schwanger bin. Mich nervt das langsam echt. Also mir wennd sicher Chind. Aber mir müend beid no d Usbildig abschlüsse (Awaltsprüefig und Höchers Lehramt) und sind ja au no relativ Jung (25i & 26i), drum wemer denn erscht so i ca 2 Jahr Chind. Han eifach kei Lust, dasi bis den ständig gfragt wird, öbi Schwanger bin. (Und zuegnah hani also au ned, ehner im Gegeteil). Werded ihr das au ständig gfragt? Oder lit das echt a mim Umfeld?

nicht registriert

Broncos: Ja han Föteli vum Kleid Chas der au gern zeigä Sie häts jetzt bstellt, überchu tuänis aber erst ide Wuchä vum Hochzit, sodass sie numal luägä cha, öb au würkli alles perfekt sitzt :-) Aso no eeewigs nöd
Warte jetzt nu uf z'Stoffmuster, sodass mini Schuäh postnä cha. Hesch das schu? und Schmuck? Weiss gar nunig so recht was, wahrschinlich ä fini Perläketti, mit passende Ohräringli und es Armband ade rechte Hand...

Wo id USA wender uswanderä?

Im Oste kenni mi es bitzli us, aber im Westä gar nöd...Wend sicher uf San Francisco, Los Angeles, Vegas, Grand Canyon...San Diego wer sicher au schön, weiss aber nöd öb 2.5 Wuchä chli knapp sind...


Mir sind au es paar Mal gfragt wordä, öbi schwanger bi... Aber üs störts nöd so, will mer ja bald au Kindä wend. Nur nöd grad vorem Hochzit, sus passi den nüm is Kleid...und han schu gnuägt stress mitem bevorstehendä Umzug uf dä 1. März und em Jobwechsel...

Versuäch di vude andernä nöd zu sehr z'stressä lah...ich weiss es isch furchbar, immer das gequatsche...

Ohje muss gu schaffe! En schöne Tag wünsch ich üch allne!

Broncos ; pfingstrose : ja das gits bi üs o das leidige thema miter schwangerschaft....mir wei chind u ig scho chli lenger, aber has da o wi pfingstrose, grad so vorem hochziit lieber nid.aber viu o : o bisch dänk schwanger ; so reaktione fingi blöd.es isch immer no so i de chöpf vo früecher.aber ha geng zu gg gseit i hürate nie wägeme chind, entweder früecher wius mir beidi wei oder de nid.

Broncos : hesch scho ideene was du so für deko machsch?? ** gwunder**

Welcom :qwertzu

Guete Morge

@Pfingstrose: Ich han ebe s Gfühl ich hegs klip und klar gseit, aber irgendwie glaubt mir eifach niemer. Was mich eifach nervt isch, dases Lüt sind, woni ned soo guet kenned, wo mich fraged. Ich find das u unverschämt und wür das nie mache. Das sind so Lüt, selbst weni schwanger wär, würis glaub erst uuu spat säge (also denn wenns eh unübersehbar isch).
Bin gspannt uf d Föteli vode Kärtli. Und freut mi für dich, das si genau so usecho sind, wiener hend welle. Gell git es super gfühl?
So cool mit dinere Fründin. Ich han ebe gar niemer us mim Umfeld wo hürated, drum fehlt mer das amigs es biz. Defür hani ja üch
Also mir persönlich gfallt s wiirote Schächteli mit em Datum besser. Und d Herzli für d Stüehl findi au schön, ich find eifach schwarz ned so passend füre Hochzyt. Also ich fänds inere andere Farb besser.
Mir hend gar nüt wo irgendwie I DO oder so druf staht. Ich glaub das Züg würi vom Budget her bi mim GG ned durebringe und isch mer ned so wichtig. Da kämpfi lieber bi andere Sache Aber aluege tuenis glich gern, bin also gspannt was den schlussendlich nimsch.

@Giara: Schick der grad en PN mit mim Chleid. Am liebste würemer uf Colorado, aber für de Afang simer ned so wählerisch, det womer en Job findet gömer ane. (Im Moment simer weg Alaska am luege).

@Angy: Also mir mached jede Tisch en Staat vode USA womer schomal gsi sind. D Tischchärtli sind den de chliner Abschnitt vode Boardingcard, wo druf staht i welle Staat (also Tisch) das d Lüt flüged. (Chömeds bim Igang über und den chönds frei wähle, wele Platz a dem Tisch sie nehmed) Den gits au no e grossi Charte vode USA bim Igang wo bi jedem Staat d Lüt ufglistet sind. Uf em Tisch selber wetti den gern d Flagge und Strasseschilder vo dem Staat und Gläser mit Teeliechtli drin und Föteli vo üs i dem Staat uf Transparentem Papier usse ume. Ev. machi au no Tischset mit de Landcharte vom jewilige Staat. Ich hoffe du chasch der vorstelle, wasi meine. Muess mer den mal no gnau überlegge wieni das ganze umsetze. Was mached ihr?

Han d Lischte mit minä Agabe ergänzt.

Datei-Anhänge

Gwundernasenliste_Countdown_Juni.xls (12x) Mime-Type: application/vnd.ms-excel, 54 kB