Pfingstrose: schön mit dinere kollegin, i ha im enge kreis grad niemer wo hochziit het mini TZ hei vor 2 jahr ihres fest gha.aber im gschäft hani eini wo im sept.hüratet de chani mit ihre aube gägesitig üser neuschte errungeschafte verzeue u natürlech öich aui da im forum
I ha vil sache über the weddingshop bstellt, gibe dir aber rächt es het sooo viu überau...

Broncos: iii ja muesch entschuldige, ha scho mau gfragt... aber tischdeko tönt spannend mit de strasse schilder u didee mit fotos uf transparenz papier findi super!!!
Mir tüe äue mit muschle u blaue streu kristalle umne rund vase mit callas im wasser schaffe.mir hei aus tisch karte e koffer ahänger, o vo wedding republik u äbe aus astecker hani chli öppis exotisches wöue u hei us alu es ceriman blatt gleaseret..

I bi ja sch gspannt uf au di deko "muster tische " vo öich
aune!!

Me: mir chöi am sa üser ringe ga hole aber muese de äue verstoue süsch muesi geng gwundere
U its no dr erst entwurf vom namens astecker fertig bastle u magnet dra lime u när luege obmer i produktion chöi.u di wuche entlech d iladige verschicke

aui: heiter scho öppis ghört vo öine chleider???

Pfingstrose: Ou sorry, das mit de Farbe hani ned gseh gha. Wenn ihr s i üchne Farbe chönd ha, findis super! Ich find so Sache mega lässig, aber ebe wie gseit. Das liebe Budget Ich bastle eigentlich u gern, aber ich muess mal luege für was ich denn alles zit gfinde
Es het irgendwie vili Gründ, also in Colorado fühled mir üs eifach so richtig wohl und dihei. Ich ha scho mal 5 Mönet det gwohnt und min GG isch mich amigs go bsueche. S Wetter, d Landschaft, d Lüt es stimmt eifach irgendwie alles. S einzig wo mi es bizeli stresst isch d Politik und d Stüre. Drum chunt ev. den au Kanada in Frag (isch au einiges eifacher mit em Visum)
Natürlich, schick der au grad s Bild vo mim Chleid per PN

Angy: Sorry zrugg, han di ja au scho gfragt gha (merki au erst jetzt ade Antwort) So Strandfeeling findi au no cool, aber min GG chan usserd tauche ned würklich viel mit Meer und Strand afange, drum wär das nix für üs. Aber ich finds e super Idee.
So lässig weg de Ring. Mag mi no gnau erinnere wies bi üs letscht Jahr gsi isch. Han ne amigs au vo Zit zu Zit wieder füre gna und bestunt. Mir träged si ja scho sit em zivile. Aber im April tüemer si denn wieder abzieh. Mir wend si ja no graviere la und min GG gaht den mit sine Kumpels uf Vegas go poltere. Denn hemer grad gfunde, es sig en guete Zitpunkt zum si abzie. Wird sicher es komisch s Gfühl, wili mi scho so an Ring gwöhnt ha.

Chleid: Also ich han mis im November bstellt und no nix devo ghört. Sie hemer aber dazumals gseit, ich söll mir kei Sorge mache, sie heged amigs Brüt wo nach 2 Mönet alütet, wills no nüt ghört heged, aber normalerwiis gahts öppe 5 Mönet bis s Chleid chunt.

Ich han d Liste au mal no aktualisiert, mit hend ja jetzt es Moto: Love is in the Air

Datei-Anhänge

Gwundernasenliste_Countdown_Juni.xls (10x) Mime-Type: application/vnd.ms-excel, 54 kB

Angy: Cool wege de Ring! Mir hend eusi nonig mal usgsuecht! UPPPS!!!

Broncos: Aha so isch das. Kanada würdi eus au sehr reize. Oder hald ebe Neuseeland... USA chömti uf kein Fall in Frag will mir Politik extrem uf d Nerve gaht. Au wenn mirs dete au guet gfallt. Troim, Troim... So schnell werded mir das sicher nöd mache.

Kleid: Ich han mis Chleid Endi November bstellt und sie hend mir gseit es gaht zwüsched 3-5 Mönet. Also hani jetzt eifach mal Vertraue, dass sie sich den meldet. Suscht gahni mal churz verbie im März oder so go fröge wies usgseht. Isch nöd so wiit weg vo mim Gschäft. Oh Gott das wer de schlimmsti Albtraum wenns den säged oh d Bstellig isch untergange... KAKE!!! Was würdi da nume mache.

Broncos: danke wäg de ringe, bi meeeega chribelig wi wird das ersch im juni
Wis dir machet findi its no guet, das dir se tüet graviere so isches glich no öppis " neus " u speziells.

Pfingstrose: ja mir si chli früeh aber es ischchli spontan gsi u mir hei grad beidi gseit mir bsteuese grad
u no wägde couverts beschrifte, isch e gueti frag.i schribes miteme dickere schwarze stift hani dänkt

Malinchen: i probiere its de o schouspilerisch z würke

chleid: i weiss das ig ersch so im märz e aruef bechume; aber bi haut gspannt

Hallo Zäme...

Irgendwie hani soo viil um Dohre ga, dassi eui ganz vergesse ha!

Ich due euis de au no id Liste ihträge, aber via Natel goht da nid!

--Pfingstrose: mir hend euisi Couvert mit eme goldige Gel Stift ahgschribe ga! Hend drum es Champagner-Couvert ga!

Euisi nächste Pünkt wommer wettet erledige sind:

-Hompage fertig mache
-Flitterwuche bueche (im Juli New York und bahamas)
-Ring
-Besp. Mit em Pfarrer (Kolleg)
-Tischchärtli bastle
-Besprechig Hotel wie wo was ink. Probeesse:)
-Menu planig Zivilhochziit

Ha no es Paar frage ah eui alli:

-Hend ihr alli es Thema?

-Isch öppert scho am Vorbereitigsverfahre gsie? Mir händ de Termin am 20.2!

---Chleid: juppi mis isch ihtroffe im Bruutfschäft:). Jetzte mueni de nume no accesoir ha und go abstecke!

Wünsch eui es schöns Tägli

Lg.

P.S: Vo wo sind ihr eigentli soo?:)

@Pfingstrose: Mir schriebeds au miteme dünne schwarze Filzstift a, aber ich han leider ned sone schöne Handschrift und die vo mim GG isch no viel schlimmer

@Malinchen: Sone gueti Idee, leider sind min Schauspielkünst sehr bescheide, aber villicht probieris doch mal Denn bini das leidige Thema hoffentlich mal los

@Kerstin: Mir hend u lang au keis Thema gha. Und woni den verzwiflet uf de Sueche nachere guete Idee für d Iladigscharte gsi bin, het mer d angy da im Forum de entscheidend Tip gä. Mit Iladigscharte in Boardingpassoptik und den het sich s Moto drus ergä (Love is in the Air) und jetzt passt irgendwie alles zäme
Meinsch s Vorbereitigsverfahre für s zivile oder für d Chile? Also das fürs zivile hemer letscht Jahr scho gha, isch kei grossi Sach. Das für d Chile chund den erscht no.
Was wetsch alles für Accesoirs? Ich bin ursprünglich us Einsiedle, aber wohn jetzt in Züri (gsehn mi aber nonig würklich als Zürcherin, obwohl das min GG ständig behaupted)