Guete Tag!

Malinchen: Das isch würklich mal e Idee! Will uf dummi Frage chan mer au dumm antworte! Bi eus hät sich das zum Glück würklich alles gleit und allne isches jetzt klar.

Kerstin: Mir hend keis Thema i dem Sinn... Deko wird eifach Peach und Mint si und alles so bizli Vintage. So es Richtigs Moto isch das ja nöd. Isch doch au garnöd nötig? Hauptsach chli en "rote" Fade mit de Farbe.

Broncos: Hm, wenn ich schön schriebe sötti gahts eifach Ewigkeite. Naja han ja Ziit und sind au nume um die 20-25 Adresse. Machi warschiendlich am Wuchenend.

Alli: Mir händ jetzt ja eusi Iladige und dete hämmer als Ameldefrist 28.02.2014. Den hends ein Monet Ziit das sötti scho lange oder? Haha, ändere chömmers eh nüme. Sie gönd ja das Wuchenend no use. Ich wott eifach so bald als möglich wüsse wer chund und wer nöd und ich find wenn mer cho wett und chan den weiss mer doch das meh oder weniger innerhalb vonere Wuche... Also langed sicher en Monet?

Me: Han so würklich garkei lust zum schaffe... Bin so müäd. Min GG und ich hend gester nume Seich gmacht am Abig. Eigentlich hämmer welle am halbi 11 spötistens schlafe den hämmer im Bett bis am 2 am Morge gsunde und zwar eifach us em stehgreif Englischi Lieder uf Dütsch übersetzt und de ander häts müsse errate. Es eifach zum kaputt lache gsi. Den hämmer dänkt wer no e lustigi Idee für am Hochziit! So chli ala Aktiviti... Eusi TZ gäbed eus en englische Text oder eifach Titel vomene Lied und eine muss es am andere uf Dütsch vorsinge. :) Mal luege... Isch eifach so en Blitzgedanke gsi.

Allne ganz en schöne Tag!

-Pfingstrose: Mir hand bi üsene Ameldge au de 28.02.2014 als Ameldeshcluss für die Gladenegescht. D'Ameldig isch vor 2 Wuche usä. aber denke das langet no guet... Entweder chammer oder meh chan nöd und falls es en Grund git dass mehrs erscht spöter chan säge, chan mehr das ja au meldä...

-Kerstin: Es Thema händ mir nöd würckli. Uf de Iladigskarte het sich echli Country, Western inegschlichä und da wird sich echli durs ganze durä zieh aber numä ganz dezent...

-schwangerschaft: I minä sind mir zum Glück no nie so blöd gfröget worde...

-Broncos: Es wird nöd so extremi Thema Deko geh. Aber isch nönig ganz fertig überleit. De grapiker wo au üses Hochziitslogo gmacht het, hät au no es paar Graphike zum Thema gmacht, wo mehr immer wo mehr verwendet...

Hallo Zäme
Guete Start id Wuche euch allne

Mir hend das weekend wied Angy alli iladige "couvertisiert" (coole Usdruck hesch da kreirt) und isch mer genau glich gange, jetzt gahts also würklich los. Mir hend den am weekend au grad die erste Chärtli verteilt a die womer gseh hend. Und d Homepage isch jetzt endlich au fertig. Wer sie gseh möcht: schick euch d Adresse gern per PN. Bin u gspannt wie d Lüt druf reagiered.

Mir hend gester no biz weg Lieder für d Trauuig glueged, will de Kolleg vo üs wo singt, gaht jetzt den mit sinere Verlobte 3 Mönet uf Reise und wür det scho gern biz üebe, findi u herzig vo ihm. Er isch scho mega nervös, aber ich han scho es paar Uftritt vo ihm gseh und ich weiss, dases Hammer wird. Und will mer grad scho weg Lieder am luege sind, hemer jetzt en neue Favorit für de Hochzytstanz. Hend ihr d Lieder au scho? Falls ja, weli? *gwunder*
Weg em tanze macht mer mis Chleid no biz Sorge. Ich han ja en Unterrock und en zimlich voluminöse Rock. Han biz Angst, das mi de z fest behinderet bim tanze. Ich han sowieso denkt, dass ich mis Chleid vom zivile mitnime und falls mer s Chleid den irgendwenn mal z viel wird tueni wechsle. Aber wett eigentlich noni grad scho für de Hochzytstanz wechsle.

A alli woni de Link zu üsne Föteli gschickt han, d Site sött jetzt wieder laufe

@Angy: Schick der grad e PN mit de Homepage.
Weg em Izug. Also wemer öpper hetted, wo chönt Klavier spiele, würi Yiruma River flows in you nä. Ich find das so schön. Ich han mich jetzt aber für Everything vom Michael Buble entschiede. Das passt eifach perfekt zude Stimm und Art vo üsem Kolleg und gfallt mer au mega. Die Witere Lieder sind: Applaus - Sportfreunde Stiller (het min GG usgsuecht), das beste - Silbermond, I won't give up - Jason Mraz (han ich usgsuecht, wird de Kolleg zäme mit mim Vater zweistimmig singe und min Vater spielt Gitarre dezue, bechumi jetzt scho hüenerhut über, weni mir das vorstelle) und love like crazy - lee brice (isch scho bim zivile glofe und so es biz üses Lied)
Wahrschinlich müemer eis vo dene no striche (wills suscht z viel sind), aber mir lueged jetzt mal was de Kolleg zu dene meint. Ev. fühlt er sich ja bi eim ned so wohl oder so.
Für de Hochzytstanz hemer im Moment I don't wan't this night to end - Luke Bryan. Mir liebed beid de Luke Bryan, aber Leider sind die meiste vo sine Lieder vom Text her ned so Hochzytstauglich. Aber mir hend es biz es "fetzigers" Lied welle und ned sones langsams zum umeschaukle (isch eifach ned so üses Ding).
Mir hend vor es paar Jahr mal en Tanzkurs (respektive 3) gmacht. Han mim GG immer gseit, das ich ned hürate, bevor mer en Tanzkurs gmacht hend Sit den gsehts glaub gar nüm so schlecht us. Aber ebe mis Chleid . Han scho ghört, das mer mit em Reifrock söll üebe. Also so das de GG s Chleid ned gseht, aber das mer sich doch biz vorstelle chan, wies den sie wird. Ich glaub mir mached das den mal, wenn ich de Reifrock den han.

halihallöchen zäme

uii dir seit so flissig mit lieder;) i ha sooo ke ahnig i lose zwar musig aber wär wär isch u was vo wäm isch do bi ii sooooo e banause ;)
han mit em gg ab gmacht är müesi füre obe luege das mir werder platz no fürigi monete :) hei fürne band/ dj u i kümmere mi wären de trouig ;) är meint jo i düengi vonere cd abspile.... tja ha aber öpper vo de wedding singer abaschiert ;)

uii 900 fingi ou super gägesatz zu däm was angeri zahle...