Sissy: Mir hend üsi Iladigscharte in Dütschland mache la und für 90 Charte 200 Euro zahlt. Denn sind no öppe 30 Franke Zoll dezue cho und ca 50 devo hemer den no per B-Post versendet (die restliche hemer persönlich überreicht oder in Briefchaste grühert). Isch also alles in allem au öppe 4 CHF pro Iladig gsi.
Weg em Goldschmid chani leider ned helfe, mir hend üsi dazumals bi Rhomberg kauft.
Pfingstrose : gset guet us dr ring sissy: ha o dert wo broncos bstellt u o uf ca. 4 CHF cho...
Me: mir hei am sa. zgspräch gha mit üsere ritual gestaltere wo trouig macht es isch so toll gsi mir hei auy besproche üser wünsch u idee vo ihre...mir hei vo ihre scho dr trouigs ablouf becho isch auso komisch gsi das ide finger zha wie was wen...
U vom blueme lade hani es muschter bild becho vo mire tischdeko.hüt isch di erschti offizielli amäudig cho vomne gast bi mega happy
angy: Wow, es gaht vorwärts Hend ihr den sone frei Zeremonie? Weni mi richtig erinnere isch üchi Trauuig verusse oder? Wird sicher u lässig... Darf ich s Bild vode tischdeko gseh? *gwunder*
pfingstrose: de ring isch echt mega speziell. finden sehr schön
sissy: eusi iladige sind vo zazzle.ch und mir hend für 50 charte 70 CHF zahlt.
angyy: cool hesch en antwort becho & guet isch das gspröch so guet gloffä. ich bi froh hani die ganze chile sachä nid au no zum erledige, das it ja anschienend recht z tue :) herzig d tischdeko ! bin au grad am umchrämplä :)
me: ebe, tischdeko..ha im andere thread scho mis leid klagt haha :) die ursprünglich (ahang 1) gfallt mer nüm so. etz hani umpoled und mache us sugo & confi gläser d deko. hänke öpis a woni mir vorstelle im zweite ahang. ha no so vintage schmetterling us büecher papier, das gseht sicher cool us. und pompons gits de uf jedem teller für d farbihaltig (mint &peach). findet ihr das doof, gläser selber sammle ? würds für eu usgseh als hetti ke geld für deko gha ? ich chent ebe au vase vom ikea ensidig oder so chaufe. sind uh günstig...wäred denn all die glichä. euch au no d charte und gschänkli truhe (für die wo nid im brut 2014 thread sind).
Littlefoot: bi froh heimer das scho besproche has scho de TZ witer gleitet u chas its gsorget gä,mir hei no dr wunsch gha, gescht irgendwie bir trouuig z iibetzie, u hei its sones "steii ritual" womer mau gö flachi steine sammle u när bir trouig jede gascht e wunsch ( stichwort ) cha druf schribe womer när um cherze chöi lege u so no es a dänke hei.
i finges nid dases minder wärtig usgset wet säuber sammlisch,w druf luegsch dast nid zviu verschideni forme u höchine hesch hets charme! Gschänkli truehe fingi auso ganz heiss!!! Me: machemi its de no uf z suechi nach deko streu steindli u muschle , haut no so chlins zügs
angyy: das mit de stei isch cool ! mir hend für es kollege pärli wo letscht jahr im juni ghürate het all en stei müesse dekoriere, verarbeite, bemale..mir hend e schieferplatte kauft, und de us stei so insle (d stei hend zwei ring drufgha, mega cool) und denn no e playmobil pflanze druf und es bänkli us so holz. het mega usgseh und mega spass gmacht :)
weg de steindli und muschle, bisch au scho im depot gsi ? det hets tonne so züg :)
ja ich luege etz dasi zwei verschiednigi (confi & sugo chli höcher) sammle cha.
me: ich ha irgendwie s gfühl muss etz ganz vill erledige woni scho lang umestudiert ha und denn eifach immer gseit ha im februar / märz de .) aber s git so vill no, wos z früeh isch...ich wett ja en candy bar testlauf mache, damit mini schwöschtere es foti hend wies sell usgseh..und denn musi ja die guetzli und cupcakes doch au einisch vorbache, oder nid ? das chani etz aber irgendwie no nid mache, d süessigkeite hani ja no nid...oder chame i dene bonbonieres die süessigkeite so lang lagere ? de hochzits tisch chan ich etz denn mache. sobald ich d dekoband vo etsy han. gan denn au schnell zum florischt go schleierchrut hole und im migros gits ja s ganz jahr hortensie. im april hemmer denn ebe mega vill gspröch und termine fürs hochzit..denn isch no de mai und de juni, det musi wegem chleid immer luege usw... und mach mer ja chli sorge weg eusem easy peasy verastalter, wo zwar top seriösi hochzite z mache schint, mir aber gseit het, jaja, mir mached eue event wärend de wm (sie überträged die ganze spiel), aber mend de es paar kompromiss iga (wil ja am dunstig devor und am samstig match sind...)..etz hani chli angscht dass ich ihn überfahre mit mine wünsch und tusig sächeli...wo er scho gseit het d lampions mömmer selber montiere... de chumi no mit em tisch woner so muss gstalte und tischordnig, wo ich denn gern vorab chli hett zum ihm das denn ge damit er die täfeli chan anestelle...hmmm....sini antworte was tisch betreffed sind ja eh chli speziell gsi amig. dezue chunt no dass er die ganz zit vo schlecht wetter variante redt...im zelt. musi denn alles doppelt fröge wenn mer det hi gend ? eimal garte und eimal zelt variante ? de dreit duurä :) ihr gsend ich ha grad chli krise
Anmelden
Hend ihr den sone frei Zeremonie? Weni mi richtig erinnere isch üchi Trauuig verusse oder? Wird sicher u lässig... 
mir hei no dr wunsch gha, gescht irgendwie bir trouuig z iibetzie, u hei its sones "steii ritual" womer mau gö flachi steine sammle u när bir trouig jede gascht e wunsch ( stichwort ) cha druf schribe womer när um cherze chöi lege u so no es a dänke hei.