angyy: Mir gfallt d Deko mega und mit em Wasser passts ja grad zu üchem Motto ... Und das mit de Stei isch e u herzigi Idee, ich leibe so symbolischi Sache und den hender nachher au grad e Erinerig a üchi Hochzyt

littlefoot: Also ich gfind d Idee mit de Jute und de Gläser u e schöni Idee und ich glaub d Gäst möched sich sicher kei Gedanke, das ihr üch kei "richtigi" Gläser hend chöne leiste ... Hoffemer nur das bi dere Idee blibsch bis zum Juni
Weg de Haltbarkeit vo Süessigkeite hani leider kei Ahnig, mir hend nie süesses dihei...
Und das mit üchem Verastalter chunt scho guet, eifach kei Hemmige ha und wiiter mit Frage bombardiere, es isch schliesslich üche grossi Tag und den söll au alles perfekt si. Bisch sicher ned die ersti Brut, wo so viel Sache het. Und schliesslich zahled ihr ja au defür, denn söll ers gfälligst so mache, wies ihr wend

Littlefoot: Ich verstahn dich mit em - jetzt mussis endlich erledige. Das hani irgenwie au s Gfühl und den denki wieder, hüt musses au nöd unbedingt sie. Haha und scho wieder en Tag verlore. Kkk!

Wie lang mer das alles lagere chan weissi nöd. Kei Ahnig…

Ich würd definitiv für beidi Variante guet plane. Wend nöd bruchsch umso besser… Wenn scho den bisch beruhigt das ihr das so planed händ. Ich mache das vorallem mine Nerve zlieb. Ich wünsche mir scho schön Wetter aber wens nöd schön isch isches mir au Wurst.

Ring: Händ ihr all eui Ring scho?

guete morge

broncos: wow mega schöni ring, am GG würded die mega gfalle. aber sind denk au tür gsi oder ?
ich weiss dasi wegem verastalter das sett denke, nur bini ebe nid so de typ : ich hürate und drum muss alles so si, ich pass mich denn alig a. au wenn ich zahle :) aber das musi lerne. tus denn minere TZ säge, die cha so sache suuper guet
nenei, wechsle nüm :) ha ebe die alt deko scho letscht summer chli entworfe und das isch eifach e z lange gmeinsame weg

pfingstrose: jaa vor allem gits ja sache wod eifach nid etz scho chasch mache gäll..
häsch rächt, so wit sett ich au sii mit de variante. zumal er bi eus ja nach wettermeldig (vor allem vo de gwittermeldig hani angst) e tag devor entscheided weli variante.

ring: mir händ ja eigetli eusi verlobigsring woni im 2012 ufe 30. becho han...da ich de immer ahan und mich dragwöhnt ha, hani am GG gseit mir chön gern die ne. sind ganz billigi, silber mit schwarz...er wett glaub scho gern anderi aber s budget lahts wohl nid zue. eventuell gömmer de glich mal go luege, is goldhus. det hets echt schöni. muss für eus nid es speziells metal si, wo cheibe tür isch, das isch eus nid wichtig.

Broncos: danke fr z feedback, bi äbe o so dr sentimental typ, wo gärn so erinnerigs sache het
Littlefoot: auso i bi o der meinig du zahlsch auso söuesi mache u süsch hätte sis chönne säge wo du hesch agfragt das si wäg der wm angeri ufträg nid a näme.fingi toll chasch das der TZ abgä, settig tüecht mi zieht am närv..chunt scho guet.
aber has wi du, z meteo wird vorem HZ extrem überwacht.

Mau e idee wo nid jede het!! Da muesi mir de o no chli gedanke mache

me: gg het sitem samstig si azug use gläse !! no bau dr grösst brocke zum abhäggle.
u standesamt heimer its o äntlech chön reserviere am 30.5.

wi heiter so rückmäldige becho?? Mir nid soviu...gg si götti het no am dümmste ta: är göng lieber a jazzfestival...ha gmeint i spinn...
U was louft bi öich so??

Guguslie!

Angyyy: Schön händer de Azug das staht eus no bevor! Aber ich han scho eine gseh also online wo mir super gfalle würdi. Was hät din GG für eine gno?

Haha, de Götti, ja eigentlich dörfi jetzt nöd lache isch gemein. Aber es het mich gad a mini einti Grossmuetter erinnered. Wo mini Schwöster 18ni worde isch simmer ines speziells Resti go esse und sie wer au iglade gsi und was seit sie... Im Quartier isch den Pizzafäst sie chöngi nöd cho. Haha! Sie hebi hald nöd gwüsst wenn sie Geburi hebi. Chasch doch nöd ernst neh! Die Entdüschige tauched leider i so Situatione uf! Aber hey mached eu de schönsti Tag wos git... Du wotsch ja nöd ihn hürate!!!

BlimBlam: Wow händer aber einiges chöne erledige. Mir hend komplett anderi Ring wie ihr. Sie sind schön aber nöd min Gschmack. Cooli Holzplatte...

Guete Ziiitschitg!