Malinchen: Den gahts eus glaub ziemlich glich! Wo machasch du s Logo? Ich han jetzt ebe mal de ProPhoto Blog und e Websiite kauft. Usrüstig wotti au so oder so nurscho für d Flittis und ja ich han au Schiss dass den öpert seit oh nei die Fotis... Aber am Schluss verkaufi mi nöd falsch oder über mim Wert den träged die ja au chli e Mitschuld. Und am Afang macht mer das ja eh ganz günstig... Den gits au nöd so entdüschige.

Ja da hesch Rächt! Ou cool, dä ProPhotoblog kenni gar nid, muesi gad schnäll ga aluege... Ds Logo machi äuä sälber. I hätt äbä mega gärn sones Zeichnigspad womä cha a PC aschliesse für genau so Sache. Aber die si ou soooo tür. Im moment machi alles vo Hand u scannes när i... Zeigsch mir de d Page wenn se fertig hesch? I schicke dir mini de natürlech ou... aber i ha no nid mal d Startsite fertig.

Hihi... I hoffe ou dasi im Früehlig de fang paar Shootings cha mache mit mine Fründinne wo sich de als freiwilligi Models müessä zur Verfüegig stellä. Ha momentan ou no nid es würklech vorzeigbars Portfolio.

Hihi, i ha am Samstig gad es Chleid kouft woni mal wot es Shooting drmit mache. I weis ou scho wo und wie d Bilder sölle usgseh... Es het zum Glück nur 25.- kostet, aber i mues gloub mal afah die Sache irgendwo horte süsch fingi se de nümme weni ds passende Model gfunde ha.

I möcht gärn uf Vollformat umstige und würd de wahrschinlech d Canon 5d choufe... Ha scho immer mit Canon fotografiert und kenne halt vo däm här ds Menu und alles scho. Aber das mues sicher no warte bis nachem Hochzyt. Bide Objektiv luegi jetz eifach immer druf, dass sie ou uf Vollformat passe. Ds nächschte woni mir umbedingt mues aschaffe isch es 70-200mm, bi aber no mega unentschlosse weles genau.

U bi dir? Wie gsehts us mitem Equipgment?

Hihi... ds 24-70 steit ono uf minerä Wunschliste, aber gloub de ersch nachm 70-200... Finde mitm 50mm chame ou scho viel mache für Portraits etc.

Hihi, das muesi de äbä mal luege... Aber lieber i cha ds Hochzyt zahle als dasi de wägem Equipment vorem Hochzyt pleite bi. Ja gäll, wär äbä super wenn me chlei öpis würd verdiene drmit, statt immer nur usgäh.