Ig ha miner charte ou in DE bsteut bi weddingrepuplic, isch super schnäu gsi, ha d entwürf am so.abe gschickt u si heimer scho am mo.nami hani muster per mail becho.warte its uf mustercharte wo äue am mo oder di chöme
i ha drum genau " die" wöue u ir CH hets o e abieter gha aber di si fasch glich tür gsi, u di heimer nid ganz zue gseit
mir si o scho rächt wiit, aber ha de its bis ändi das jahr nüm so zit drum heimer bewusst scho viu erlediget, auso ig, mi gg chunt irgendwie nid id gäng, isch das bi öich o so???

z chleid fäut no aber da gani morn ga aprobiere...

@broncos: hihi, isch ja mega cool dass dir das ou so machet mit däm Jahr unterbruch! Alli luege immer chli komisch weni das verzellä... Jetz chani immerhin sägä dass mir nid die einzige si wo das so mache!

Hesch es Foti vom Chleid? *gwunder*

Wägem Apéro: Also verstahni das richtig, dass ds Apéro fasch am gliche Ort isch wie ds Ässe? Villecht chönntet dir ja irgend e Rundfahrt mache mit Kutsche oder so? Oder wenn machet dir Föteli? Vor dr Chille? Süsch chönntet dir denn villecht ga Fötele und öii TZ chönnte mit de Gäst irgend ä Überraschig für öich vorbereite oder irgend es Spieli mache?

Malinchen: Mir hend Kollege (also im erwiterete Kollegekreis) wo s genau glich machet wie mir (sogar am gliche Datum) und mir hends erst nach de zvilie Hochzyt über FB erfahre... Git als no meh

Ich han mich mit mim Mami, Schwösterli und Schwägerin entschiede, dass mer keis Föteli vom Chleid mached, damits ja ned i falschi Händ chunt... Aber bide zweite Aprob i 5-6 Mönet Fötelis denn... Bis denn muesch di leider no biz gedulde....

Ich wett unbedingt so First Look Föteli (greenweddingshoes (com)--> galleries --> first-look-photos) drum möchemer d Föteli wahrschinlich scho vor de Chile... Bis jetzt isch mer no Tanzkurs (de chönteds den am Abig grad bruche) oder irgend es Vorstelligsspieli in Sinn cho, ich red mal mit üsne Trauzüge...

Pfingstrose: Ihr sind ja no jünger als mir und mir chömed scho immer z ghöre über, wie jung mir no seged ... Ich lueg mer d Gwundernaseliste mal a...

Hallo zäme liäbi Juni-Brüüt
Ig cha mi o i die Reihe igliedere:
Mir hürate (wie d Pfingstrose ) am 13. Juni 2014. Mir hei no nid würkli vieu organisiert, mir hei üs erscht vor nes paar Wuche entschiede, dass mer denn hürate u hei grad z Standesamt chönne reserviere. Mir si beidi äbe seeehr spontan (das isch eso üses Naturell). d Location heimer ouscho mau provisorisch reserviert (Villa Villette in Cham). Dert wärde mer o grad am 19.30 Uhr trout. Am Samschtig göh mer de d Villa Villette gah aluege u tüeh üs de entscheide, öb mer z Fescht dert wei mache, odr nume d Trouuig. Mir wärde es "klein aber fein"-Feschtli fiire mit üsne ängschte Vrwandte u Fründe ("nume" 20 Lüüt).
üsi Familie wüsse no nüt devo, am 15. Dezember heimer es Adventsässe, womer de aune es STD wärde vrteile, sodassi de mit de richtige Iladig baschtle nid eso de Stress ha.