Willkomme BlimBlam und Claudilein!! Claudilein, mir hend fürs zivile au es "klein aber fein" feschtli gha und es isch mega schön gsi Ich han denkt ich gib mal es kurzes update! Angyyy sei Dank (nomal merci viiil mal) hemer üs jetzt für boarding pass Iladigscharte entschiede. Min GG isch dra de Text defür z entwerfe (er schriebt viiil besser als ich). D Tisch werdemer denn nach verschiedne Staate us de USA benenne und mit Föteli vo üs dete und Ortstafle dekoriere. D Tischkärtli werded den au im boarding pass look mit em entsprechende Staat (also Tisch) als Destination. Zudem hani s letscht mal ganz vergesse z schriebe, dass mer de Fotograf au scho hend. Er isch de Ma vode Cousine vo mim GG und het au scho üsi zivili Hochzyt gfötelet. Es sind Hammer Föteli worde. Er het grad letschti es paar devo i sim Blog ufeglade (wer also Föteli vo üsem zivile wet gseh darf mer gern en PN schicke, den gibi euch d Adresse) Malinchen: Genau, d Aperolocation isch grad neb em Restaurant. Föteli möchemer wahrschinlich vor de Chile, ich wet ebe unbedingt so first look Fotis (greenweddingshoes.com/galleries/first-look-photos/ )... Wird wahrschinlich uf irgendwelchi Spieli uselaufe, will mir beid ned so Fan vo Rundfahrte sind. Mir treffed üs am 13. Dez mit de Trauzüge und Tätschmeister, hoffentlich chund üs den gmeinsam öppis passends in Sinn Was lauft bi üch so?
Hallo zäme Broncos: Die First-Sight Föteli si ja e mega gueti Idee. Würdi o gärn mache, abr mi GG isch Asperger u da wird sini Reaktion uf mis Chleid nid würkli emotionau si (auso ämu nid üsserlich erkennbar). Abr das isch scho ir Ornig eso. Denn machemer angeri schöni Föteli :-)
Wie wiit sit dir eso mit öine Hochziitsvorbereitige? Auso mir hei jetz z Standesamt u d Location definitiv buechet. Suscht simer fängs es bitz am Offerte ihole, abr no nüt konkrets. Üsi Familie wüsses ja no nid emau. Wägem Chleid hani im Januar odr änds Dezämber wöue gah luege. Heitr öies scho?
Was meinet dr, wenn muessmer Blueme bueche? Langet das im Aprieu?
Ig bi scho chli am Baschtle für üsi STD u Iladige. Ha mer jetz sone Big Shot Prägemaschine bsteut, wieu mitem Teigroller het das nid eso klappet (ha gmeint chönn schlau 120.- spare )
Hallo Claudilein! Schön sinder vorwerts cho. Lustig ich han gad letschti en Sädig über Apserger gseh glaub bi Reporter. Suscht heti jetzt natürlich nöd gwüsst was das isch. Isch sicher no komisch mit dem umgah. Aber du bisches dir sicher gwöhnt.
Ich han mis Chleid gester bstellt und bins am letschte DO go usueche im Merys in Züri. Es isch quasi Liebi bim letschte Chleid aber uf de ersti Blick gsi. Haha... Verstaht mer jetzt sicher nöd.
Bezüglich Blueme organisiere würdi meine wenn nöd e allzugrossi Tischdeko wotsch den langed das. Und ihr werde ja au eher wenig Lüüt sie so wienis in Erinnerig han. Suscht dusch eifach - wenn d Floristin scho weisch - sie söll sich s Datum reserviere für eui Hochziit und du chämisch den im April verbie zum alles ussueche.
Tönt spannend eui STD... Chasch ja mal es Foti vomene Prototyp da inestelle. Wenn du lust häsch... Bin en Gwunderfitz ich weiss.
Ja die Sändig isch letschte Mäntig ufem SRF gloffe, heimer o gseh. Ja mer gwöhnt sech drah. Isch eifach mängisch es bitz schwierig, wenn mer e euphorischi Antwort odr Reaktion "erwartet" u de chunnt aube nid eso vieu. Es isch immer wieder es bitz es dezue lerne. Was das Thema Hochziit betrifft, da cha er haut nid eso reagiere, wie das viellecht angeri mache. Auso er isch de eher still u sis Gsicht seit nid vieu us. Abr ig weiss ja wieners meint u bi haut aube die wo begeischteret u ihn so cha astecke. Eifach isches sichr nid. Abr ig ha mi drah gwöhnt u so isch er haut u so liebe ig ihn
Ah schön hesch dis Chleid gfunde. Doch doch, vrstah di scho. Mau luege wie vieu Chleider dasses bi mir brucht, bisi das Gfüeuh wirde ha :-)
Ja ha mer scho es paar Sache übrleit u tue suscht mau e Floristin kontaktiere, vor auem zum emau wüsse, wie vieu dasses überhoupt würd choschte. Nei vieu Lüüt simer nid. Mir si beidi, vor auem mi GG, haut nid eso, dassmer gärn unger sehr vieu Lüüt si. Ihm wird das schnäu esmau z vieu.
Ja am Wucheändi macheni Bastelstund u tue de öpis poste, fauses klappet so wieni mer das vorsteue :-)
Anmelden
hilfeee bi mir sis no 207 tag
