So, ha d Lischte no ufeglade. Bi grad vomene Kafi abgklänkt worde ;-)

Claudilein! Haha, das isch doch selbstverständlich... Da lahni mi au immer ufhalte. Tut ebe scho guet. Was staht bi eu im Moment ah zum plane? Händer scho Ildadige?

Alle: mir hei sowit aus es fäut nume no standesamt, mi gg kümmeret sech drum " o wunder" är isch dert düre zimlech fuul gsi bim thema hochzit,u its hetne haut brauzilla derzue verdonneret!
u blueme muesi no organisiere, aber das längt im früehlig..

Aus nächsts si d ringe dranne, da gömer nächst sa.chli ga luege u deim januar öppe gg's outfit
u its geits so schnäll aber bi glich entspannt, da z'grobe organisiert isch

Auso mir hei bis jetz z Standesamt reserviert u d Location aglueget u reserviert. Wiiter simer no nid. Im Moment isches no grad e chli wiit wäg, abr wenni drah dänke dasses nume no 198 Täg si u dir aui scho so wiit sit, de bechumeni auso scho langsam es bitz Panik. Vor auem wärde mer quasi de ganz März wäg si, wieu mer üsi Hochziitsreis vor em Hochziit wärdet ha. S geit wägem schaffe nid Angers u de heimer dänkt, mache mer das im Früehlig. Mir wärde uf d Maledive flüge

Das Wucheändi wetti d STD bastle u am Samstig göhmer mau wägem Azug für mi GG gah luege. Dekoration hani scho es paar Idee, da göhmerde no ad Hochziitsmäss gah gnöier aluege, das het ja no Ziit bis im Früehlig.

Angyyy: Du bisch ja scho mega wiit! Je nach Ort chamer ja z Standesamt o erscht 3 Monet vor em Termin reserviere, auso het din GG ja no Ziit

Pfingstrose: Auso mir göh 2.5 Wuche uf d Maledive. Abr da jewieus vor u nach de Ferie bim schaffe immer sooo vieu z tüeh isch, tueni de Monet komplett us de Hochziitplanig usschliesse. Mir fröie üs extrem druf, abr isch natürlich o nid grad günschtig. deswäge isch z Budget für üses Hochziit ja o "nume" 15'000. Mau luege öb mer das Budget so chöi ihaute u nid auzuvieu abstrich müesse mache. Abr da mer nume wenig Gäscht wärdet ha, bini eigentli zuevrsichtlich.

Wow, da lauft ja grad chli was :)
Ich bin ned im 2014 thread wil mer det eifach z viel lauft und ich denn glich amigs wett de Überblick bhalte und den investier ich viii z viel zit dri... Bin zwar ganz am Afang drin gsi (dazumals no als Lenae, aber han denn mis Profil wieder glöscht)

Hiiilfe mir sind bim Countdown bi 200 aglangt gaht schnell... Ich mag mich no erinnere, wien ich mich ufs zivile gfreut han und jetzt isch es scho sit 5 Mönet verbi...

Claudilein: Mir gönd denn au uf d Maledive go flittere, wüssed aber noni gnau wenn :) Muesch den unbedingt schribe wies gsi isch

Bide Planig lauft grad ned so viel, han grad gnueg z tue mit schaffe, Training und Spiel, dasi irgendwie zu nüt chume... Hoffe das wird denn im Januar wieder besser