Hallo Zäme

Wünsch üch au allne no es guets nüs!!

@Pricana: Ja, mir sind im Modissa ade Bahnhofstrass in Züri gsi. Ich liebs det au, am liebste het mer au grad es Kleid kauft, aber han leider kei Alass gha defür. Aber jetzt hani über Wiehnachte erfahre, dass sich e Fründin vo mir verlobt het und im September hürated. Jetzt chani also doch no es Chleid chaufe :)... Weg em Fotograf, chan ich dir suscht per PN d Date vo üsem gä. Er het au e super Homepage, wo au no d Föteli vo üsem zivile Hochzyt druf sind. Prislich chan der leider ned gnau säge, wei tür er isch. Er isch ebe de Ma vode Cousine vo mim GG, drum hani kei Ahnig vode Prise.
Viiil Spass ade Hochzytsmess. Mir sind letscht Jahr gsi und ich hans uuu lässig gfunde. Das Jahr hemer a dem Weekend scho mega viel los und mir bruched au nüm so viel (oder nur regionals Züg und da mer ja in Einsidle hürated, sind die ned ade Mess), drum gömmer ned. Lueg das unbedingt bim Modissa verbi gasch, ich han letscht Jahr en Rabattguetschi becho und de nachher grad super für mis Chleid fürs Zivile chönne bruche.

@Angy: Freut mi für dich, dases doch no klapped het mit eme Fotograf

Me: Mir hend d Iladigscharte nach es paar Änderige jetzt defnitiv bstellt und sie sötted ide nächste Wuche cho. Bin scho mega gspannt druf. Suscht hemer no biz ade Homepage umebastlet und sie isch jetzt den gli fertig. Mir hend no en Abschnitt drin won ich über min GG schriebe und umgekehrt. Womer min GG de Text über mich zeigt han, simmer grad d Träne cho. Er het das eifach soo schön gschriebe. Han uu freud dra

Broncos : super mitem chleid, de hetme no meh fröid

Pfingstrose: ha im 2014 tread gläse heigsech aues chli beruhigt bi dir ; bini scho froh, macht grad wider chli meh fröid öppis zmache
wäg der fotografin bini super zfride u froh, ha scho grad chli panik übercho obig no öpper finge.
Mir hei leider ke homepage, gg het gmeint sig bau zvil

Aber ha grad e richtige louf gha di wuche: bi grad im fieber
Fotografin troffe u buechet
Ringe usegläse
bir coiffeuse gsi zum bespräche u termine abmache
blueme usegläse
u gg het standesamt termin abgmacht ( er het o mau öppis müesse )

No 5 monet froue

Halloo zäme

@angyy: ah super hesch ez grad so viel ziit gha und het sich alles so gfüegt und hesch so viel chöne mache:)! Wenn isches denn in Bern? Ja freu mich mega, min GG isch au nanig so begeistered aber da muener ez dure :D

@Broncos: Ah so kuul, ich liebes amigs au wenni endlich wieder en Alass han für so es Kleid azegge :D Ou ja ich het sehr gern d Agabe vo dim Fotograf, wär super wenndmer chöntsch e PN schicke :)! Ah meinsch de Modissa het au en Stand adä Mäss? Das wär ja super, denn mueni unbedingt det verbii gha! Zeigsch eus denn dini Homepage wenn sie fertig isch :)? Isch ja u herzig mitem Text vo dim GG! Ich han zerscht au so öppis welle mache aber mine het sich gweigered :p

@Pfingstrose: uuu säg nüd, ez gahts echt schnell. Han aber grad vollllll panik wenni dra denke, han eifach z wenig gmacht ir letschte ziit und ez au grad kei ziit… haha so hanis na nie gseh mitem wetter, hoff ja eigentlich immerno dasses mal chunt go schneie richtig :D aber s chan ja au ez go schneie cho bis endi märz und denn chans immerno schöni landschafte gä abm april und mir hend denn schöns wetter im Juni ;))

Chömed ihr au alli an Bruuttreff im Februar?

Schööne Abig mitenand!

Priciana: isch grad guet gsi so vil "grobs" chöne erledige, u nächst wuche de no d iladige verschicke.i bi mega gspannt was da so d reaktione si.
Marie natal isch gloub ändi januar, bi de gspannt uf dini idrück...mine mues dert o zänd zäme bisse u düre

Das mitem bruuttreff isch näb mir düre, hani gar nid mitbecho....