| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Kännt öbber vo euch s Hofgut Albführen?
 1
27.08.09 07:49
Gloeggli  		Kännt öbber vo euch s Hofgut Albführen?

Hoi zäme

Mer händ ofemene Gschäftsusflog s Hofgut Albfühen in Dütschland besechtiget. Esch en Traum, sie füehred au Feschtaläss dore.
Wills grad diräkt a dä Gränze esch, het er eus verzellt hets en hufä Schwiezer-Paar wo ehres Hochzietsfäscht dete dorefüähred.
Kännt das öbber vo euch?

Grüässli ond en schönä Tag, Doris



Wir heiraten am 18. Juni 2010
27.08.09 08:48
Siby79  		Re: Kännt öbber vo euch s Hofgut Albführen?

Sali Doris
D Schwöschter vo mim Fründ hät döttä ghürotä - äs isch äs super Fäscht gsi, di Agschtelltä sind sehr fründlich gsi und au s Ässä tiptop. I chönt also würkli nüt negativs drüber sägä....
Döttä gschlofä hämmer denn aber nöd.
S ainzig woni nöd ganz so toll find isch dass mir denn am 2 oder 3 am Morgä no händ müäsä mit äm Car haifahrä. Erschtens wärs Fäscht no i volläm Gang gsi und usserdem ischäs scho rächt wiit bis zu üs id Oschtschwiiz...
I hoff da hilft dir bitzli und wünsch dir vil Schpass bidä Vorbereitigä
Lg
Siby
27.08.09 13:08
Gloeggli  		Re: Kännt öbber vo euch s Hofgut Albführen?

Hoi Siby

Danke vel mol för dini Antort, das dönt jo ganz guät. Ganges am Sonntig met mim Schatz zäme mol go aluäge. Send ehr im Hofsaal gsie? Dä fend ich dä Hammer, met ronde Tesch, en Traum.

Mer wohned ca. 15. Minute vo Albführen awäg. Wössed aber ned wie mer das Ganze seled agoh....di zivili Trauig esch in Eglisau ond nachher wörde mer det häre go. Bruche mer äxtra en Car, oder sele alli sälber met ehrne Auto hender enander noche det häre fahre (ich wördi das ebe no lässig fende, met gehupe etc.) .
Ich chan mer vorstelle, dass au es paar Lüüt dete wördet öbernachte, die händ e ganz e schöns sehr moderns Masselager met nordische Bezüg etc., denn chönte mer am Samschtig-Morge no dete gmüätlich Zmörgele.
Naja mol luäge was mer mached.

Grüässli vo dä Doris



Wir heiraten am 18. Juni 2010
31.08.09 12:13
speedy 

Re: Kännt öbber vo euch s Hofgut Albführen?

Nur schnäll wäge dinere Frog mit em Car: Ich find es chunnt druf a, wie gross dass s Apéro nach dr zivile Hochzit isch. Mir wärdes so mache, dass d Lüt mit ihrne Autos zu unserem Restaurant vo Zobe fahred und dört mit em Car abgholt wärded. Mir erwarted am Apéro rächt vil Lüt und planed drum au vil Zit i. Und denn will ich mir nid müese Gedanke mache, wär jetz wie zum Restaurant fahrt und wär sich bim Apéro mues zrugg halte. Am Schluss vom Fescht find ichs denn wieder de Gäscht ihri Sach, wenn öpper will heim fahre het er bis denn die paar Gläsli Wii vom Apéro au wieder "verdaut".
31.08.09 20:43
Gloeggli  		Re: Kännt öbber vo euch s Hofgut Albführen?

Hallo Speedy

Danke vel Mol för din Hewies. Fende das e sehr e guäti Idee.
Mer wärdet au es "grosses" Apero nachem Standesamt mache, da mer "nor" Zivil hüroted.
Das met em Car wäri gar ned eso e riese Sache, da s Fäscht am Obe öbbe 15. Minute Wäg vom Apero wäg esch.

Grüässli Doris
24.09.09 12:43
Gloeggli  		Re: Kännt öbber vo euch s Hofgut Albführen?

Hoi Siby79

Du han nomol e Frog a dech wägem Albführen. Mer wärdet euses Fäscht zemmlich secher dete mache.
Wäri nätt vo der wenn du mer no paar Infos chöntisch gäH

Het d Trauuig au dete stattgfondä?
Ehr send glaub au im Hofsaal gsie? Sie händ eus gseit, mer chöni dete "nor" Buffet ha, wiä esch das gsie? Händ ehr au di ronde 8er Tesch gha?
Ond wiä hesch du d Dekoration gfondä?

Ich fende das met em Buffet no en guäti Sach, chan mer zwöschädore au mol ufstoh chli d Bei vertrampe get echli e uflockerig.

Freu mi of dini Antworte

Grüässli Glöggli
24.09.09 12:49
Siby79  		Re: Kännt öbber vo euch s Hofgut Albführen?

Sali Gloeggli

Di säb Hochziit isch scho öppä 4 Johr här aber i probier mi z erinnärä :-)

D Trauuig hät idä Schwiiz stattgfundä, mir sind erscht nochhär uf Albführen gfahrä, d Gäscht mit äm Car und s Bruutpaar mitämä schönä Auto. Döttä acho häts än chlinä Apéro ge, isch tiptop gsi. Zum Znacht häts denn würkli äs Buffet gha aber i ha da aigentli super gfundä, so gits chli Bewegig und s Ässä isch sehr guät gsi.
D Tisch sind rundi 8er Tisch gsi, relativ gross aber so hämmer gnuäg Platz gha. Ad Deko magi mi ehrli gsait nümä erinnärä - also isch si wahrschindli nöd dä Oberhammer gsi aber sicher au nöd schlächt (süsch wüsst is jo sicher no). Vornä im Eggä häts Platz gha für d Band und dä Saal isch jo so gross dasäs au für Darbütigä guät Platz gha hät.

I has aifach chli schad gfundä dasäs nöd me Zimmer döttä gha hät, i hett gärn au döttä gschlofä. Und äbä, für üs St. Galler isch d Fahrt scho rächt lang gsi. Aber süsch chanis ächt nur empfehlä!

Lg und vil Schpass bim Organisiärä
Siby79
24.09.09 12:52
Gloeggli  		Re: Kännt öbber vo euch s Hofgut Albführen?

Hoi Siby79

Danke vel mol för dini super schnälli Antwort
Wo ond wenn fendet denn euches Fäscht statt?

Grüässli Glöggli
 1
stattgfundä   Dütschland   Grüässli   Organisiärä   Restaurant   Feschtaläss   Gschäftsusflog   Oschtschwiiz   besechtiget   dorefüähred   wahrschindli   Hochzietsfäscht   zwöschädore   Samschtig-Morge   stattgfondä   Agschtelltä   Schwiezer-Paar   Schwöschter   Vorbereitigä   Albführen