Hallo zäme

I ha da mau folgendi Frag u hoffe das da ev öpper Erfahrig het.

Mi Schatz und ig hürate am 14.09.2013 ire andere Chiuche aus i üsere Wohngmeind.
Für d Chiuche müesse mir 250.- Mieti zahle da mir Uswärtig si was ig ja no verstah.

Was i aber nid weiss, wie isch de das we me e Pfarrerin het wo mir us üsere Wohngmeind hei und die näme mir de mit i die Chiuche. Choschtet de üs die Pfarrerin öppis? Oder isch das gratis wiu mir ja beidi die Kirchensteuer zahle?

Z Gspräch mit ihre hei mer äbe no grad nid und es nähm mi wunder..

Danke für Feedbacks
Simi

@simihase: He Du hürotisch a mim eigentleche Wunschdatum...

Wäg am Pfarrer, mir hei sowohl Kirche wie ou dPaffere us am Dorf u zahle für beides nüt. Gah mau drvo us, dass ou Du nüt für e Pfarrer muesch zahle, da er ja us am Dorf isch. Was ggf chönti si, isch das de dFahrspese muesch übernäh. Aber lüt ihm doch süsch mau ah, de chasch zBudget derte ou plane.

aso ide regel muesch för de pfarrer us dinere wohngmeind nüt zahle. ond wenn de secher ned vell...
velecht stohts sogar of de HP vode chelegmein bi euch (bi eus send d prisedrof gstande)

@simihase: was isch bim gspräch usecho?

mir hürätä irä chiuchä wo nid i üserä wohngmeind isch. mi gg het aber 25 jahr lang dert gläbt u i 7. i bi dert touft u gg dert konfirmiert. fürd chiuchä zahlä mir nüd. diä vor chirchgmeind hei gmeint, dr pfarrer muess mä säuber organisiertä, mir chönnä eifach irgendeinä näh.
its simer uf dr suechi... mini frag isch iz no: wi viu choschtet so nä pfarrer??