Ich trag im Alltag am liebste Sneakers ^^ Schlussamend chönnt mer jo au e Ballerina-Schuh odr e elegante Sneaker in wiss alege. S Chleid isch jo lang gnue.. Abr dummerwis gseht mers denn glich wenn mer ane höcklet... Wais au nit... Ich dörf chum Absatz ha, sunnsch bini denn grösser als min GG und das mag ich gar nit verliide.
Wie wit sit dir scho? Mir sind diä Wuche ändlich mol am Iiladige fertig bastle. Jetz isch mir gescht s Band fürd Schleife an dr Iladig usgange und ich ha hüt erst neus müesse boschte. -.- Denn hatti vrgässe diä Iiladige für einzelni Lüt uf die "Du"/"Dich"-Form umzschriebe (statt "Dir"/"Euch"). *seufz*
S isch scho nit ganz aifach ^^
Denn hani gescht e Teil Deko fürd Bankhänger fürd Chilä bestellt und hüt hani euses Material fürd Tischkärtli/Gastgeschänkli bestellt :)
Und e Reifrock und e Schleier hani hüt au bestellt.. Bi meeega gespannt ob das was isch... Sunnsch muss ich's wiiterverkaufe, wenns nit passt :(
Location für am Abä = Disco, isch buächät Fotograph = Beat Mumenthaler, isch buächät Chleider = si kouft, müässä de im Nov. no apasst wärdä DJ = isch buächät... si itz grad ar liädr Lischtä Ziviler = isch reserviert Iladigschartä = si vrschickt und di erschtä Amäudigä trudlä o so langsam i... Coiffeur = isch reserviert (dr ganz tag... für aui Gäscht) Flitterwochen = si buächät TZ's und Tafelmajoren = si gfragt und mega happy Online Wunschlischtä = gmacht und passwort ad Gäscht vrteilt Ringe = usägläsä, la schmidä und apasst... wärdi itz no graviert und im Dez holä mir sä de hei
Restarant für kleines Abendessen = Anfrage isch gmacht, wartä uf d Offertä Limo = Offertten si im Hus müässä üs "nur" no entscheidä
Was no offä isch...
Brautschuhe Vorshooting Fotobooth Assesoirs (chouvi ev. äs paari nächscht week in Schottland) Deko für Candy Bar Hochzeitstanz... Lied und Tanzstyle????!!!! Moneybox
Zivilstandsamt - buecht (13.03.13 - 16:00 Uhr) Znacht nochem zivile - vorreserviert i eusem Stammrestaurant Fotograph - Martin Spiess isch buecht Chleid fürs zivile - isch kauft und hangt dihai Chleid für d Chilä - isch kauft und hangt im Brutgeschäft (wird im Dez. apasst) Iiladigscharte - hani jo gschribe, selle diä Wuche no use Coiffeur - Gianni Cuzzucoli (Il Figaro) isch buecht TZ und Tätschmeister - sind scho voll drbi (au wenn ich mini TZ vor es paar wuche no ha müesse ustüschle...) Homepage - isch eigentlich fertig Location für am Obe nach dr Chilä - buecht Hochzits-Auto(s) - sind organisiert (e Oldie Füürwehr-Dodge für eus und für die Eltere e alte Füürwehr-Mannschaftsbus) Blueme - Offerte agforderet, 2 müenn mir no ha. Eheringe - bestellt, abzuhole am 10.12.12 :)
Was bi eus no offe isch: - Namenskärtli bastle - Tischkärtli basle - Tischdeko bastle - Moneybox bastle - Bankhänger bastle - Dr Azug vo mim GG - Schuhe (!) oh graus... - Menübesprechig - Hochzitstorte-Besprechig - Budget fürd TZ und de Tätschmeister - Ringkissen - Chleideruswahl mit de TZ und de 3 Brautjungfere - Dessous und Haarschmuck ussueche - Schmuck ussueche
Heidernei... Ich glaub s git no vil z tue ^^
Wie machet dir das eigentlich? Träget dir es Täschli/Clutch mit euch umenand? Ich wotts eigentlich nit... Bzw. hani no nüt schöns gseh.
Chani au minere TZ odr dr erschte BJ es Täschli in die Hand gäh mit Ersatz- und Notfallzüüg dinne?
Dür das ds mir chli angers hüratä.. faut einigäs wäg..
- Namenskärtli bastle - mir si am abä über 100... die steuä sich de scho vor.. - Tischkärtli bastle - bruchts für 17 nid - Tischdeko bastle - lani eifach äs bluämä gsteck la machä - Bankhänger bastle - mir gö nid id chuchä - Hochzitstorte-Besprechig - git ä candy bar - Ringkissen...bruchä mir o nid...
und schmuck hani ja zum teil vo mir kollegin scho übercho... itz bruchä eigätnlich nur no äs handglänk chötäli...
Hesch eigentlich rächt wege de Namenskärtli.. Abr wil mir numä 30 Lüt sind, isches vilicht schöner wenn mer de Name vom andere (die wenigschte kenne sich unterenand) cha lese falls mer ihn scho wiedr vrgässe het. Mer lauft sich jo doch denn öfter übere Weg ;)
Tischkärtli bruche mir, wil mir e festi Tischordnig für's Ässe hei ;)
Hihi, du lasst lo mache, au nit schlächt ^^
Ich wott nit wüsse i was fürem Planigsfieber ich denn bi, wenns numä no e Monet isch Denn goht de stress erscht richtig los ^^
Ballerinas für am abä hani scho... ha sä ei tag ganz sponti bim dosäbach gseh und de aber online müässä bsteuä wüus mini grössi nüme het gha... si supr bequem...
Anmelden
