nicht registriert

Wow, ragusa. Wunderhübsch siehst du aus! die blumen sind auch sehr schön. und sogar der schirm passt :-) meine japanische freundin ist extra für unsere hochzeit angereist. und nach der feier sagte sie, dass sie den ganzen tag "schön" gehört hat und fragte uns, was das heisse :-)

Du siehst wirklich sehr schön aus!

Liebe Grüsse
Snowbear

hallo ehr liebe...

wow... no 2mol schlofe... ech chans chum glaube... ond ben wahnsennig uftreit... freu mi wie es chlises chend... ond das gspööret d'lüüt om mech ome...
dezue chond das min mage rebelliert, ech nüt ässe mag... ond höt morge scho am 3 weder ugstande ben...

höt han i mis chleid chönne go abhole... fix fertig... en traum... s'gfallt mer rüüdig guet... ond freu mi au, dass d'wätterprognose emmer besser wärdid... klar... spellt s'wätter schlossändlech ned wahnsennig e grossi rolle... aber es esch doch einiges eifacher, wenns zomendest troche esch...

@happyday
es chond emmer nöcher!!! hoff du hesch dini täg im tessin i volle züüg chönne gnüsse :)

liebi grüess... e glöcklechi ond total nervösi bruut...

ps. ech ha mi höt deför e chli lo massiere... ou, dass hed den guet to!

-- ~ mer verTRAUED üs ~ -- ~ 21.05.2010 ~ --

au der danke, dee...
freu mi au rüüdig fescht...

-- ~ mer verTRAUED üs ~ -- ~ 21.05.2010 ~ --

@peja: mer sind im hotel del lago gsih - im zimmer orient&express -> i dem zimmer hesch s`hamann und s prudel bad inkl. toller loggia mit blick ufe see nur für dich ganz eläi - das macht grad doppled so vill spass. es isch de kracher gsih!!!

@ragusa: tolls foti und au du hesch mega usgseh!!! wünsche der (zwar es bitzli z spatz) noh alles liebi zur hochziit. und rächt hesch: klaro isch s`wätter nid s a und s o - aber ich säges mal so: wenni chah uswähle denn am allerliebschte äifach ke räge. de rescht chah choh wies chund.

ja, jetzt bini auso wider dhäi und mis chläid isch inzwüsche au dah. uiiii, am liebschte wetis grad uftue (isch mega schön ipackt und drum wetis nid uftue bis am samschtig).

defür heds hüt en panne gäh wo wohl nid so ruck-zuck z`behebe isch: üsi wedding-page hed en virus igfange bzw. en grosse täil vo de swisswedding siitene wie mer gsäit worde isch. ha auso denn churz vom tessin us müesse afah umewäible aber änder chammers nid: isch und bliibt inaktiv gschalte und somit hemmer ke wunschlischte meh. das isch jetzt grad chlih ungünschtig, will doch die äitne oder andere lüüt ufe letschti drücker noh öppis us dere lischte hend welle schänke.

nun ja - das isch wohl demfall äini vo dene hochziits-pannene wo jedi vo üs so kennt. mit humor näh und s`beschte drus mache.

lg a alli und hoffe, dass du seeletänzli en ganz guete schlaf findsch die nacht

guete morge zäme...

höt esch es also so wiit...
gester obig hend min zuekönftig ond ech no e pizza bstellt, chli wii tronke ond en felm gluegt... ben den emmer müeder worde ond scho mol 1.5h go pfuuse... ond den han i nöm chönne ischlofe... ben am halb 2 halt nomol ufgstande... ond min gg hed mi soooooooooooooo heiss agrenset, dass i genau gmerkt ha... so, etz hed ehn d'nervosität au packt
also hend mer zäme am halb 2 i de nacht nomol en felm gluegt... bes d'müedigkeit weder cho esch... am drü ome send mer den zrog is bett... er esch grad igschlofe (beniide ehn deför) ond ech ben no bes am öppe am halb 5i wach gläge... ond han erstuunlecherwiis sogar bes am viertel vor 8i chönne schlofe etz ben i müed... aber glöcklech... ond total hibbelig ond verwerrt ond chans gar ned rechtig fasse...
d'strosse send troche... hoffe das bliibt eso...

öbrigens, üsi nochbere send jo ächt super! han per beldli ufeglade was sie vor üsere huustüür deponiert hend... d'qualität esch ned so guet, aber ech glaub en idrock gsehd mer glich... ond fend die geste eifach toll!

soooo... demfall start ech etz mol met emene kafi i eine vo üsne schönschte täg, ond ben sooowas vo gspannt, was dä alles so z'büüte hed...

-- ~ mer verTRAUED üs ~ -- ~ 21.05.2010 ~ --

Zuletzt bearbeitet am 21.05.2010

Datei-Anhänge

Bild0304.jpg (44x) Mime-Type: image/jpeg, 225 kB

seeletaenzli, ich wünsche dir einen wunderschönen und unvergesslichen tag!!!!
am nachmittag soll die sonne kommen rechtzeitig zu eurem heutigen anlass -wie schön!
gniesse jede minute!
was für eine schöne überraschung eurer nachbarn!!
------------------------------------------------------------------------
Verliebt seit Herbst 2006
Verlobbt seit 01.12.09 in Australien
Zivil verheiratet seit 10.01.10 in Neuseeland
Hochzeitsfest am 28.08.10 in Davos GR