hallo liebi mai-brüütlis und vorallem liebi seeletänzli!!!
ja jetzt isch denn s`pfinschtweekend glih dah!!!! und d`wätterprognose wirded vo tag zu tag besser.
@seeletänzli: noh zwöi mal schlafe und denn isch friitig - chasch sicher sih, ich wirde so fescht a dich dänke, das es dich sicher irgendwenn emol ade nase chützeled und denn wäisch: das isch en momänt woni bsunders fescht a üch dänkt ha!!!
ich sälber bih grad im wunderschöne tessin und ligge ufeme riese chüssi-huufe uf de loggia vo üsem hotel-zimmer und las mer vorem grosse tag äifach nomal lah guet gah. us negscht stahd hamman und sprudle ufem programm.
bruuch grad chlih abwächslig, dasi nid duurend a samschtig dänke. drum sind mini trauzügin und ich äbe ab i süde und lönds üs bi warme temperature lah guet gah. aber hüt bini denn wider dehäi und denn bringt mer min gg am obig s chläid häi *uiiii, bih gspannt*.
auso liebi nervösi *ich ghöre bi de nervöse def. au derzue* brüütlis: gniessed die letschte stunde vorem hochziit und au s`nervös sih - finde das ghört doch au derzue!
i ghöre bi dene "Nervöseli" def. o wider derzue. Wider will üsi Brutfüehrer üs am Wuchenänd grad bitz enttüscht hen. Drum hami am Mänti gar nid so richtig chönne fröie druf. Aber schlussändlech isches ja üses Fescht, wo mir sit langem am plane si, und schinbar, wird ja iz au z Wätter rächt guet und mir hei eigentli alles organisiert. Fröie mi mega uf mis Chleid und ds ganze drum u dra... @happyday: gniesses im hamman, i bi gester gsi, und es het ächt guet ta!
Uiiii Maibrütlis i verfolge dä Moment sehr intensiv, da i de imne Jahr o im Mai hüratä. I hoffe sehr, dases ds Wuchenend super Wetter isch, aber gmäss Wetterbricht gsehts ni schlecht us:-) Toi, toi, toi wünsche aune strahlend blaue Himmu u warms Wättär u eifache unvergessleche Tag.
au ich wünsche eu allne ganz en schöne und unvergässliche tag! gnüsseds - es gaht so schnäll verbi... defür chönder nachher anen sicher wunderschöne tag zruggdänke - isch au schön
alles alles gueti wünsch eu e april-brut
...glücklich verheiratet seit dem 24. April 2010...
Anmelden
.
