Ja ich bin au gspannt D Föteli sind halt nid mega professionel, aber für üs passts. Usserdem simmer ja eh kei Brangelina

So härzig! Mini Mueter hät üs beidne äs Chärtli gschribe nach dem mer üs verlobt hend. Mir hetsi gschriebe wie das sie sich freued und mim GG das sis u schön finded ihn ide familie zha

Ah ja, händer au nüt gfunde wo eu passt hät? Mir ebe au nid. Mir lönd au spezielli Ring mache, resp. mir macheds sälber ime Workshop. Mer händ öpe 3 1/2 stund diskutiert und überleit mit dä goldschmidin, bis mär gha händ wiemer händ welle Aaaaber jetzt gats leider no bis Mitti Januar bis zum erste Kurs und dänn afang Februar dä zweit, und dänn iiirgendwänn ide feeeerne zuekunft chömmer üsi Traumring go holä. äs gat no sooooo laaaang
Was tüend ir drigraviere? Mir chönnted z.b. dä fingerabdruck oder än Text lasere la. Aber mer händ ja no chli zit zum überlegge.

Und jetzt sötti hei und no chli am Text vode Iladige fiile, Zit hani ja, GG isch am chlausne Wänn nu nöd immer das nervige schaffe wär

Verliebt 12.5.08, verlobt Ostern 2010, am 12.5.12 wird geheiratet!

Mier machid d föteli au nid bimne fotigraf und finded au, dass die nid so profesdionell mönd usgseh... Mal luege wie mers machid :-).

Wow cool, d ring sälber mache isch ja de hammer!! De goldschmied hed üs vo afang aa gseid, dasmer d element vom ring sâlber chönd usläse und die denn so agfertigt wärdid. Eigentlich hättemer nume afig welle luege, was es so hed und denn isch d beratig so super gsi, dasmer üs grad entschiede hend.

Und hesch gester de text zämegstiflet?

So etz hani 3 täg kurs in züri und bi grad im zug...
Schöns tägli

Mier fragid eifach öb öper ziit hed, zum üs z fötele. Hend ier en spezielli kulisse gwählt? Mier würdid gärn am vierwaldstättersee... Aber bi dem wätter gahd das eher nid. Also je nach dem halt bi üs dihei.
Hend ier de fotigraf fürs hz scho?

Us welem material wend ier üchi ring?

Bisch du idemfall vo züri? Ja, ds wätter isch wirklich nix, defür hani d wiehnachtsbelüchtig idä bhf-strass gseh ;-).

Was machid eigentlich die andere mai-brüüt?

Wow! Es paar sind ja scho meega wiit, ich han mich gar nie getraut z'schriibe wie wiit ich bin, wili no fascht nüd gha ha. Mir hürated am 12. Mai.
Aber jetzt bini au scho wiiter:

-Tagesablaug geplant
-Kirche
-Pfarrer
-Einladungen
-Aperolocation, Apero werden wir Meterbrot vom Beck, Käschüechli, Minipizza,div.Kuchen, Fruchtspiessli, etc. machen, Getränke selber einkaufen und Kollegen werden zum Buffet schauen, so bleibt's günstig und ist doch gut
-Abendlocation
-Transportmittel
-Kleid und Acessoires
-Bräutigam Anzug
-Fotograf
-Homepage ist fertig
-Musik Kirche und Abend
-Blumenofferte

Immernoch viel zu tun, sind ja nur noch 5 Monate, die wichtigsten Punkte stehen schon mal.

Haach, ha grad wiiter obe gläse das du vo Rappi chunsch, bi det i de Nöchi ufgwase, anderi Seesiite ;-) Mir hürated im Bündnerland, wohned au da oba.
Aber ihr hürated im Schloss?? Müend ihr de Apero nöd vo denä nä? Kenn eini wo au det ghürate hed und si hed's vo ine müessä nä.
Schöön nomal eini wo am gliche Tag "dra isch"

Zuletzt bearbeitet am 15.12.11 16:55

Ja er chunt vo da. Schöön das ihr ufem Schloss hürated.
Mir hend de Apero denn im Garte vo sine Elterä, isch u gross und perfekt mit es paar Bäumli und so.
Hoff eifach s'regnet denn nid, susch müemer ine.
Hesch du d'Iiladige scho abgschickt? Ich ha dänkt mir schicket si uf d'wienacht.
Freu mich mega dasi öper gfunde ha wo au denn hürated ;-)
Ich bi nämlich mängisch jetzt scho nervös, zum Glück hend mir das erscht vor 1,5 Munet entschide, susch wer ich ja 1 Jahr vorher scho dure gsi.