Ich ha mis Chleid nonig, gang erscht efang im Novämber go luege, juhuiiiii

Momentan isch mis gröschte Problem e Kleid für die Zivili Hochziits z'finde........ich ha e mega schöns gseh, aber ich weiss nit obs nit grad echli zuuuuuu viel isch für die Zivili........wennis denn no in wiss würdi näh, denn gsehts scho fascht us wie ne Brutchleid............in schwarz wärs mega edel, aber schwarz an dr Zivile Hochziit....weiss au nit ob das s rächte isch.......hiiiiilllffeeeeeee

Reebee: Deko hani scho e paar sache im chopf gha, ha denn afo baschtle und jetzt gfallts mr nümme und d Farb hämmer au scho wieder gwägglset........falls de so wie ich bi, würdi no warte, chönnt jo si dasses dir in e paar wuche nümme gfallt

also schwarz isch doch gar nid eso schlimm? immerhin hends früähner i schwarz ghürate... :)
wenns dir gfallt, chaufs dir :) schliessli muesch du dich wohl fühle bim zivile ;) und wenns bitz düschter findsch, chasch ja no es paar farbigi accessoire dezue neh, wie z.bsp roti schueh oder sowas?

@deko
ja i denk i wart au no es bitzeli. gescht hani no d'föteli für d'iladigscharte becho vode kollegin. sind guet worde, aber i chönt chotze weni mi uf fotene gsehne... voll schlimm :(

Hoi zämä
Ha eigentlich scho gester wöue antwortä..aber dr pc esch gäng abgstürzt ..

Deko: Ha scho mega viu Baschtusache zucheto, eifach aues i chliiner Mängi. E so chani miner Idee usprobiere. Aber i weli rischtig hani mi no ned entschiede *lol*

Zivilchleid: Eg finge schwarz o cool u du chasches wett wosch met Farb ufpeppe. Usserdem chasch das Chleid ner sicherlich no zu angerne Aläss trage.

Eg wirde zur Zivilä mini Sunndigstracht träge Hani mer scho gäng so orgsteut kha...

Eg ha mis Chleid för sChirchliche gfunge Plötzlich hets klick gmacht u has gar nömme wöue uszieh... Fröie mi scho ufs snöchschte mau azlege .

Mer hei bes etz folgendes erledigt:

Kirche
Apero
Restaurant
Fotograf
Kleid
Ringe

Em Samsti chöme mer zerscht mau met de TZ zämä. Etz wer snöchschte Iladigscharte, ha scho es paar Müschterli gmacht, be aber no ned zfriede .

Wie wit sit der so?

also mir hend bisher:
- d'chile reserviert
- de pfarrer agfragt
- de termin fürs zivile reserviert
- d'location
- de fotograf
- de DJ
- s'catering (macht s'resti vom GG sine eltere)
- en kutscher buechet (mis mami hetts gmacht)
- sänger ide chile
- TZ bestumme
- de apéro bstellt
- e HP gmacht (sie isch aber nonig fertig)

hüt hani no ade iladige umedesignt und langsam aber sicher nimmt alles forme a. etz sötti denn mal no in bastellade go es paar sache poschte und denn chani denn richtig afange bastle.

Bi mir au

also in sache ziitplanig hend mir no nüt gmacht. mir wüssed eifach, wenn d'chile afangt und wenn mer in etwa wönd richtig abiglocation ga.

wie lang hend ihr de apéro iplant?

mir mached denn für alli beteiligte (also TZ, tätschmeischter, caterer, etc.) en ablaufplan, damit die sich bitz chönd orientiere und jede weiss, was als nögschts dra isch...