ufe Hallwilersee

Jo das verschtohni, aber de hoffe mer doch gaaanz fescht dass es denn schön esch (ech gloube scho!!!).
Bi üs wär's ned soooo schlimm, wöu mer dört nur düei Aperöle, aber halt glich schad wenn es Schiff mietisch und me denn kei Ussicht het...

Hey Frouene meude mi ab

@Stern: Eg wönsche der e ganz tolli schöni Hochzit

Grüessli
ma84ma

Guete Morge

Ich hoffe Dir heit aui es schöns Weekend gha.

Wie isch es gsi am Samschtig Stern und ma84ma Heit der's schön gha?

I ha jo am SA mi Polterobe gha. Es isch de HAMMER gsi!
I bi vo de Organisatorin vo däm Polterobe abholt worde und ha dörfe s'erschte vo
6 Gschänkli ufmache: Es Pinks T-shirt mitere Brut druffe und em Spruch "Jetzt wird's ernst!".
Das hani denn agleit und grad s'2. Päckli dörfe ufmache: En Stei in Härzform...Nochär händ
mer en Spaziergang gmacht - zu minere Überraschig simmer zunere Masseurin spaziert. Ich ha 1 Stund
lang dörfe en Hot Stone massage gniesse, es isch so schön gsi!

Nach de Massage hani s'nöchschte Päckli dörfe ufmache. En goldige Stärn. Mir sind usem Gebäude use und denn isch e riesigi wissi Limousine cho z'fahre und het üs abgholt :-) Mer send also wie Stars umgfahre worde! I ha de scho s'nöchste Päckli dörfe ufmache: Mon Cherie Schöggeli, was so vell gheisse het wie dass mer jetz mini Cheries (also die andere Fraue) göi go ufgable. Mit dene hei mer denn i de Limo agstosse. Es isch mega gsi!

Wo üs de Chauffeur abglade het, hani scho wieder es Päckli dörfe ufmache: E Laterne. Ahand vo dere hani denn müesse es Restaurant sueche. Has rächt schnäll gfunde. Dört hani denn no en Schleier übercho zum alegge und es het mis Lieblingsässe gäh.

Nachem ässe hani s'letschte Päckli dörfe ufdue: Es Porte-Monnaie. Denn isch jo klar gsi wos gschlage het D'Fraue händ diverses us ihrne Handtäsche zauberet und mi Chorb bis obe use gfüllt (Badeänteli, Schoggi, Shots, Kondom, WC-Ente ) I ha mi also ad Arbeit gmacht und am Schluss fascht 500.- verdient

S'Dessert hets denn no inere Creperie gäh. Es isch en super Obe gsi, wirdes nie vergässe!!

Guete Morge

Wow ma84ma das tönt schön, fröit mi dass dir's so guet gha heit!

isa.bella77: wenn hürotisch Du? Jo gäll...so chlini Sache git's halt amigs no viel...

Mini Vorbereitige si ou ziemli dure. Muess nur no organisiere wer eus chunnt cho abhole und bim Apero hani hüt no die def. Personezahl agäh und gfrogt, öb s'bstellte ächt längt oder öb mer no chli müend nochebstelle...

De gross Tag cha cho :-)

isa.bella77: So schön! Dunkts di ou, dass es zwar nümme lang goht, aber dass es irgendwie immer nochli unrealistisch isch?? Ich weiss, dass mir nöchst Wuche hürote, aber glich hani s'Gfühl, dass es no lang goht ... mega komisch....