Hey es ist mier glich gange
Vor d Chile bini halber zäme klappt....

Schad isch dr Tag scho dure...

Danke eu :) es isch recht emotional gsi und i glaub ide chile wirds no schlimmer...

Hallo isa.bella77!

Oh je, so churz vorem grosse Tag bisch no chrank worde? I hoffe, es goht Dir wieder besser
und Du bisch denn am SA topfit!

Das mit de Lüt mit Chind isch äbe chli kompliziert gäu...bi üs isch es ou so gsi. Zerscht kei Rückmäldig, denn "jo mir näme sie mit" und denn wieder "nei doch nid"...

Mi stresst im Momänt chli dass es am Fritig so wüescht und vorallem chalt sell si...Ha jo scho es Bolero zo mim Cocktailchleid, aber i be mer am überlegge öbi en schwarze Blaiser und Stiefel statt Sandale sell alegge...Gseht denn halt grad nüm so elegant us...was meinet Dir? Hutfarbigi Strumpfhose göi äuä nid mit Sandale, oder?

Ou neeeei, das isch aber nid wohr, dass es nid klappt mit de m&m's?
Mega schad...jetz also trotzdem Plan B...oh je... aber s'chunnt sicher ou so guet, und es isch jo eigentlech nur es Detail wo äuä nume De wird störe und söscht niemer...aber isch trotzdem mega doof

Ich hoffe jetz eifach no dass es nid so tragisch wird und eigentlech chani jo am Schärme noche...Zähn zäme bisse und lächle Wenn's denn trotzdem ganz Strub wird leggi viellicht glich Stiefel und Blazer a...aber es wär halt scho schad...

Oh nei, spöusch du sogar mitem Gedanke dass s'Schiff gar nid cha fahre? So wiet hani gar nonig überleit...Nei nei, es MUESS eifach klappe!

Das wird sicher ou mega schön mit de Mandle! Findi ou mega speziell!
Aber es närvt natürlech scho...Im Nochhinein würd äuä der eint oder der ander en andere TZ wähle...

Nei nei, so wiet wird's sicher nid cho. S'Schiff bietet jo zum Glück ou Platz am Schärme!

Jo i be fertig. Hüt Mittag gohni no id Manicure. Und denn natürlech am Fritig no zum Coiffeur und go mis Strüssli abhole. Aber süscht isch aues fertig.

Hüt morge het mi Maa plötzlech Panik übercho dass mir z'wenig Apero hei Ich gloube, är wird ou langsam chli kribbelig

Hihi jo das gloubi...mine isch bis hüt morge ou gaaaaanz ruhig gsi Viellicht chunts bi dim plötzlech ou no? ... lach

Was machsch Du für Nägel?

I bi ebe nid so der Nägeli-Typ (ha no nie so öpis gmacht). Eigentlech hani ihre vor 2 Woche am Tel. gseit i weig Gel Nägel French. Aber jetz hani mini Naturnägel (wo überhaupt kei Form hei!) lo wachse ond hoffe eigentlech, dass sie die einigermasse schön cha in Form bringe und French amole. Ha s'Gfühl, das wär ergendwie meh ech als weni plötzlech perfekti Gel Nàgel ha...mou luege was sie meint...