jep weddingbee das findi ebe au, lah mir da ned driirede. Sie hed vo Afang a immer chli geg eusi Beziehig gschosse und ich vermuete sie isch eifach chli ifersüchtig. Mir bliibed eusere Linie uf jedefall treu, so das mier i 10 Jahr au chönd sägä, das alles genau so gsi isch wie mier eus das gwünscht hend.
Ja die liebe Männer planed glaub scho nöd so gern so wiit vorus. Aber guet, dass du dich glich chli mit Deko und so Sache chasch beschäftige. Ich chönnts glaub au nöd lahsii, haha
Ich han mich am Weekend nume mit de Iladige und Tischchärtli umegschlage. Bi eus gegenüber hed es Macarons/Cupcake Gschäft ufgmacht, dett hani unbedingt welle go afrage wege de Torte, will sie nämli es paar hübschi usgstellt hend. Mier sind aber erst am Abig dett am Schaufenster gstande und die hend aber scho am vieri zuegmacht, bini voll enttüscht gsi und denn gaht plötzli Tür uf und d Gschäftsfüehrerin staht dett und frögt ob mier denn was bestimmts sueched. Sie hed eus inebette und eus alles mögliche zeigt wie sies eus würd vorschlah, ihre heds überhaupt nüt usgmacht, dass sie eigentli Fiirabig hed. hani soooo herzig gfunde. Am Sunntig isch s'Wätter denn doch zu verlockend gsi :) Mier sind is Stadion am Nami und hend s'Wätter voll gnosse.
ja die manne...aber was sölls, mer chönnd ja glich nöd ohni suscht während mer gar nöd i dere situation ou cupcakes, das wär grossartig. git ja mega cooli torte mit cupcakes uf so etage...mega!!
Mier hend eus das mit de Cupcakes ebe au überleit aber es wird en 4 Stöckigi Torte (han es Bild im Ahang. Mier wänd eifach die einzelne Stöck nöd so höch) und will mer ja no s'Candybuffet hend, wird sie eus eifach passend zu de Torte no es paar (so 8-10) Cupcakes mache womer denn dett druf chönd tue
Und wägä dim Gschmack... Hesch vlt es paar Föteli vo dine bereits vorbereitete Sache? Nähmt mi jez mega wunder
_janedoe, dini iladige gseh toll us, und si passe ja sicher zu euch, und das isch s wichtigscht. Dini schwöschter het villicht ganz e andere gschmack, für eus chämtet die au nid in frag, wells nid euse Stil isch (und ich nid wüsst wer würd baschtle:)), aber lah der dur das nid d freu kaputt mache!
Deko und so, Ihr sind da alli so im höch mit dene Dekos, ich find die sache au mega schön, aber ich chan mich i das thema so nid inetänke und mir grauts jetzt scho :s isch suscht na e ANTIBASCHTLERIN ume wo mit mir würd en selbsthilfegruppe gründe?
haha lela85 Also ich zähle mich eigentli au absolut zu de Antibaschtlerinne. Ich han sogar all das 'normale' Züüg müesse go poschte, Chläbli, Liim, Stift, Papier... Am Afang hani alles welle i fremdi Händ geh aber z.B. bi de Iladige hemmer denn gmerkt das eus gar nüt so richtig umhaut und wenn scho, denn choschtet d'Charte irgendwie 9.- Je meh ich mich aber i Fore, uf Hochziitssiite etc umetummle desto meh wetti selber mache.
Vielleicht chunnts bi dier ja au no? Oder wirkts gar ned asteckend?
aso ich bin au en antibaschtlerin :) ned will ichs ned schön finde, ich chas eifach ned. bi mier gsehnd so sache immer us als hettis es chlichind gmacht :) ich würd gern par sache sälber mache aber es chämt ned guet :) mier lönd eusi chärtli vonere kollegin la mache, sie isch sälbständig und spezialisiert uf hochzitsiladige usw.
Anmelden
