Danke canella für d Nachricht :) Ich chan füre Sunntig leider no kei Prognose mache, bi am Friitig deheime d Wendeltreppe abegfloge und hamer die ganz recht Siite zimli verdonneret, inkl Schulterzerrig. Muess glaub mal chli luege, wie sich das Schmerztechnisch so chli verhaltet bis am Weekend :/ entschuldiguuuung!
@janedoe: ou, das tönt gar nöd guet! wünsch dir ganz gueti besserig und s wär natürli mega wännd glich chönntsch cho. mir füettered dich dänn
@alle: händ ihr öpis gmacht am weekend für d hochzyt? s wätter isch ja nöd wahnsinnig toll gsi...mir händ überhaupt nüt gmacht. sind immerno am dj's kontaktiere. mit de blueme warted mer no und haupt-, *räuspr* näbebrueflich natürli bin ich momentan uf etsy zgang ich hoffe, min chef isch nöd i dem forum
@weddingbee: Ha guet 2 Stund mit mire TZ telefoniert, u hei derte chli was agugget. Si het im Gegesatz zu mir scho dr Coiffeur definitv reserviert u dFrisur scho usgläse... Zytplan het si mir no agugget (si isch ebe scho ghürote) u ne aus guet befunde, dh i cha ou ändli mit dr Coiffeuse gugge. U ne ou a dFotografin sowie a DJ witergäh, ah u dr TZ söttne äuä ou no brcho. Ah u a de Schueh bini no am umeüberlegge, säuber designe oder Satinschueh farblich passend, u närne ifärbe?! Was bisch de am gängele uf Etsy?
@lula: ah cool. mitem coiffeur hani mi au no nöd usenand gsetzt. han zwar min haarschmuck mittlerwile aber kei ahnig was für e frisur mer demit am beste macht...und da ich gfühlti 3 haar ufem chopf han hani echli angst defor... en ziitplan hämmer eigetli au (no) nöd will mir eusne tz's nur die grobe ziitpünkt ageh händ und de rescht tüend sie organisiere...nimmt mi wunder, aber ich weiss das es super usechunnt
ps. wäg dine bruutschueh han ich dir eifach en tipp. han es champagnerfarbigs standesamtchleid und kei passendi schueh gfunde. dänn hani es muster (en träger woni nöd bruch) em gschäft geh wo mini schueh gfärbt het und d farbtön unterscheided sich enorm. s chleid isch würkli so wie wännd es glas champagner aluegsch, jedoch eher no miteme huuch pfirsich und d schueh sind eifach gäl...s ganze (inkl. handtäsche) hät chf 250.00 kostet und d verchäuferin hät eifach gseit "das isch nöd euses problem, de stoff isch halt nöd deglich). ich würd aso eifach nöd enttüscht sii, wänn d farb nöd exakt stimmt...han jetz neui schueh und täsche kauft inere ganz andere farb damits nöd nomal e enttüschig git.
etsy: ich bin uf de suechi nachem perfekte armband...und ich finds eifach nöd...entweder isches zschlicht oder z grob. han glaub en komische gschmack. das suechi und dänn eifach no dekosache für d hochzyt und d wohnig. hät mega schöni sache...und bin nonie ufs muul gheit det. han am afang chli angst gha das das nöd sooooo seriös chönnt sii. ischs aber nöd zumindest hani no kei schlächti erfahrig gmacht...ach, hoffetli find ich no es armband. suscht legi halt keis a...
@weddingbee85: 3 haar länge jo für es zöpfli mache aaaaaaaaah ich ha au grad e bstellig gmacht in etsy, ha e perlechetti und perleplugs bstellt und no sones bluemeteil für id haar. bi gspannt.... hätt no viel meh chöne gänggele,ha mi schwer müese zrugghalte. bi no am überlegge öb i dört söll es gästebuche chaufe, ha mi aber nonid chöne entscheide.
@all: standesamtchleid: was legget dir do a? i ha kei plan
@_janedoe: gueti besserig, villicht chasch jo glich cho
@weddingbee: villicht so, oder au no meh d hoor offe...aber i glaub für sone frisur hätt ich fasch zwenig hoor...ha so fiini...spekulier no ufes künstlichs hoorteil
Anmelden
ich hoffe, min chef isch nöd i dem forum 
zumindest hani no kei schlächti erfahrig gmacht...ach, hoffetli find ich no es armband. suscht legi halt keis a...
hätt no viel meh chöne gänggele,ha mi schwer müese zrugghalte. bi no am überlegge öb i dört söll es gästebuche chaufe, ha mi aber nonid chöne entscheide.
