Wie gahts eu so? Danke vielmal für die liebe Gueti-Besserig-Wünsch Ich bin total lustlos. Muess ab jetzt täglich id Physiotherapie, gester zum erste Mal. Bin jetzt erstmal 2 Wuche 100% chrank gschribe aber jetzt hed grad scho z Telefon glüte obi bitte am Friitig und Samschtig jewiils paar Stunde cha cho. Innerlich stressts mi voll aber irgendwie chani au nid nei sägä.. Bin ziemlich unmobil grad. allei s Ufstah vome Stuehl macht mer mega Müeh und i dem Moment isch min GG eifach wider de allerbescht. Er luegt total lieb zu mier, schmiert mer mini Brötli, ruumet min Dreck weg und hilft mer dusche :D
Versueche grad chli uf eu izgah:
@Hochziitsversicherig Mier möched keini. So wie ich das verstande ha, isch nume das versicheret, was mer bisher azahlt hed. Aber ned d Usgabe für es Chleid oder d Ring biispilswiis. Stimmt das oder bini falsch?
@Standesamt Keiiii Ahnig was alegge. Mier wend ja echt ned gross fiire. Drum wahrschinli eifach öppis chics usem Schrank neh und fertig.
@weddingbee Haha, das hani de aber ghört wegem füettere! :D
@canella Oh wow, das Haarteil isch ja meeega schön!
@Santhia Schöööns Logo, gfalltmer. Ich hett d Buechstabe also erkännt :)
@lela Cooool wege de Chärtli. Mier sötted mal no d Apero Iladige fertig baschtle. Aber momentan gstaltet sich das für mich fast chli unmöglich. Wetts aber so gern abschicke endli.
@Lula Dis erste Bild für s Zivile findi en TRAUM Genau so chönntis mier für s Kirchliche vorstelle. Ich han mier zerscht mal die Frisur i some Stil als Favorit usgsuecht (Ahang), aber komplett hochgsteckt passt gar ned zu mier. Zöpfli find ich eifach sehr schön feminin und romantisch. Müend also unbedingt ane :)
@jane: Ohje, tönt gar nit guet! Was het de dr Arzt gmeint? Aber meinsch de es isch guet so ga zschaffe? Meinsch nit wärisch wöhler wenn de eifach deheime würdisch blibe, u Di chli schone? Din GG isch mega härzig, aber es heisst ja, "in guten wie in schlechten Zeiten..." I hätti gseit, es segi eifach alles bis 20'000.- versicheret. Müessti aber ga nacheläse. Danke! I ha ebe dIdee, dass me bi de zwöi erschte Frisure fürs Kirchleche dVorderpartie ou chönnti zopfe, viellech so, aber mit dr Räschtfrisur vo diesne Biudli
@Lula Das wär natürlich au mega schön wie uf dem Bild. Uf jedefall müend bi mier Zöpfli ane :D
De Arzt hed gmeint, er welli es MRI mache und hed scho afange vo operiere rede Mier isch natürli gad de Lade abe, ich bin ja schliessli nume d Stäge abegheit. Er meint, das zwar nüt broche isch, jedoch schwer prellt und vlt isch en Sehne agrisse oder sogar grisse. Er isch mit mier de Kompromiss igange, dasmer bis am Donnschtig probiered mit Schmerztherapie was zerreiche und wenns besser wird, denn isch wohl nüt grisse und mer cha so wiiterfahre. Wenn nöd, denn gibi mi gschlage und halte mich a sini Taktik. dPhysiotherapeutin hed gester zerscht gseit, das sie fascht sicher isch, das was grisse isch, aber nach dere halbe Stund Therapie hed sie denn gfunde, das d Schmerze sich andersch würded üssere, wenns en Riss wär. Mal luege was hüt so passiert. Wegem schaffe: Ich cha de Unterarm z.B. problemlos bewege. Aber Bewegige us de Hüft mached mer uh Schmerze. Am PC chönnti sicher schaffe es Ziitli. Aber da warti jetzt erstmal ab, was de Arzt de morn seit...
@janedoe: jö, das tönt gar nöd guet. füettere würdi di scho, allerdings muessi ganz ehrlich säge das ich nonig weiss öb ich chum. mer sind nur no s 3t und eigetli wärs ja dänn sinnvoll wänn mer so vill wie möglich werded. da ich en rächte weg han gurkts mi grad zimli a...
@me: mir händ ändli en dj gfunde...das hät ja duuret. aber jetz simmer happy und de priis findi au ok (CHF 1300.00). aber er hät eus bereits de hochzytsmässerabatt geh was eus sehr gfreut hät...somit ein punkt weniger uf de liste.
@zeremonie: händ ihr es persönlichs eheverspräche oder lönd ihr de pfarrer/redner lo mache? ich finds mega schön aber ich han soooooo panik das ich entweder nüt chan säge will ich am brüehle bin, oder es blackout (trotz spick) han, oder was au immer...
@jane: Das hani ebe ou gseit. Wetti aber gugge wies de bir Probefrisur usgseht. Git äuä de ne Mix. Ou scheisse, drück dr Düme, dass de morn entwarnig hesch u de nit muesch operiere! Aber das vo Dire Physiotherapeutin tönt doch sehr guet! U de zHocke oder zLoufe? Wünsche Dir gueti Besserig u morn gueti Nachrichte!
@weddingbee: Gratuliere zum DJ! Dr Priis tönt durchus ok, wär heit de Dir jtzte? Mir wärde keis persönlichs Eheverspräche ha, i würdi öbe nume hülle, u GG isch nit so dr Redner... Findes aber wunderschön wenn das öbert cha. Schribe aber mim GG äuä de ne Brief, wo ni ihm am Morge deheime lah, evtl mit am ne Gipfeli, oder so.
Ihr hättet ja am Sunntig e Brunch planet, wo ggf is Wasser gheit, wäge zwenig Lüüt, für mi isch es zwiit wäg (hei (no) keis Outo) u da Sunntig ou nit würkli gäbig.
dr Houptthread vo de 14ner Brüt isch am gugge für nes Träffe, da dr Thread http://www.heiraten.ch/forum/board/personenkreise/brauttreff/brauttreff-2014-17_90.html
@jane, oje das tönt gar nid guet, wünsch der uf all fäll gueti besserig!!!
@Frisur, ich han mir no nid vil gedanke gmacht, aber da ich es chleid hat mit eme "Chrage" wird ichs eher meh ufeneh, also wenig... irgendwie so wie im Ahang...
@bee super hender en dj gfnde, gratuliere!
@lula, die Idee mit em Brief findi mega süäss!
@eheverspreche, mir werdet "nur" jo sege, sind denk susct scho nervös... :)
@Standesamt, irgendwas womer scho hend...
@brunch, finds schad das sovil abgspunge sind, aber ich freu mi uf euses grüppli :)
@me / Wunschliste, ich bin na a de Wunschliste uf de Homepage... ich weiss nid was mer na so chan dri tue.. ev. uf de Hochzigsreis und so... hend ihr na Idee? oder hushaltssache? *studiere*
@lela: I finde die zwöi links sehr schön, aso di andere ou, aber die eifach es bitzli besser. Danke. Mir wärde enand am Morge ebe äuä nit viu gseh, daher. De cha er dä i Rueh läse, u nes Gipfeli mit Kaffi u Ziggi näh Mir hei ja ou e Onlinewunschliste, u allerhand dinne. Cha dr süsch dr Link schicke, de chasch chli ga gugge.
Anmelden
Ich bin total lustlos. Muess ab jetzt täglich id Physiotherapie, gester zum erste Mal. Bin jetzt erstmal 2 Wuche 100% chrank gschribe aber jetzt hed grad scho z Telefon glüte obi bitte am Friitig und Samschtig jewiils paar Stunde cha cho. Innerlich stressts mi voll aber irgendwie chani au nid nei sägä.. Bin ziemlich unmobil grad. allei s Ufstah vome Stuehl macht mer mega Müeh und i dem Moment isch min GG eifach wider de allerbescht. Er luegt total lieb zu mier, schmiert mer mini Brötli, ruumet min Dreck weg und hilft mer dusche :D 
Mier isch natürli gad de Lade abe, ich bin ja schliessli nume d Stäge abegheit. Er meint, das zwar nüt broche isch, jedoch schwer prellt und vlt isch en Sehne agrisse oder sogar grisse. Er isch mit mier de Kompromiss igange, dasmer bis am Donnschtig probiered mit Schmerztherapie was zerreiche und wenns besser wird, denn isch wohl nüt grisse und mer cha so wiiterfahre. Wenn nöd, denn gibi mi gschlage und halte mich a sini Taktik. dPhysiotherapeutin hed gester zerscht gseit, das sie fascht sicher isch, das was grisse isch, aber nach dere halbe Stund Therapie hed sie denn gfunde, das d Schmerze sich andersch würded üssere, wenns en Riss wär. Mal luege was hüt so passiert. 
