So, ich nomal

@Stella
Mier hend eigentli au scho relativ viel, aber trotzdem hemmer beidi s Gfühl, das eus Ziit fascht echli devoo lauft. Aber das isch glaub normal Mängisch fragi mi, mit was ich mich nachem Hochziit so intensiv beschäftige söll

@novia
Hihi sorry wegem Menü… mmmhhhh

@Lula
Eue Apero tönt sooo lecker… Und z Menü auu… hmmm chame da au cho?
Liebe deines Lebens wär für am Abig de Hochziitstanz. Oh Gott ja, jetzt söttemer eus denn mal um d Liederuswahl i de Chile kümmere, mier hend d Band fix buecht…
Mir zahled für d’Ehevorbereitig & Trauuig 395.-, dett inbegriffe sind Eheschiin, Familieschiin, s Ehevorbereitigsgspröch, d Trauuigsgebühr und suscht no irgendwas wos in Dütschland hend müesse beäträge für GG. Uf jedefall isch i dem Priis alles, was für die standesamtlich Trauuig afallt. Falled bi eu nomal chöschte a?
Wow ihr hend ja uh viel gmacht!

@speusa
Jep im Menüpriis isch de Wii bereits mitigrächnet. Es isch en Durchschnittspriis, cha sie daser es bitzli höcher oder tiefer usfallt… Aber es sind denn nöd Welte. Mier sind ebe au extrem zfriede mit dem Priis für das wasmer bechömed

@Sathia
Hender scho en spezielle DJ agfrögt oder eifach allgemein? Mier hend kei Mässerabatt, bi eus wird de DJ 8h spiele und mier zahled glaub 1390.-

@me
Min GG hed gester es mega härzigs E-Mail am Pfarrer us Düsseldorf gschriebe. Er kennt ihn sehr guet und hed ihm denn gschribe dases für ihn en härzenswunsch wär, vom ne Geistliche us sim Heimatpfarrchreis traut zwerde. Er hed eus denn prompt zruggschribe, das er das terminlich mit de Chile muess abkläre und nur wird cho, wenn mier das nöd zahled, sprich Flug und Unterkunft. Hani uuuuh e liebi Geste gfunde Er wird’s sich nächst Wuche bi eus melde und ich hoffe jetzt soooo fescht, dases, vor allem am GG zlieb, wird klappe.
De Pfarrer vom Nachbardorf isch nämli scho verplanet a dem Datum..

jane:
no öpper wone dütsche Maa hürotet mir hei au no so Papiirli usem Ussland müesse ihole!


Ziviltrouig heimer jetz de gli alles erledigt. Muess hüt no s'Formular abschicke aber ha chlines schlächts Gwüsse! Nach langem hin- und här isch mi GG jetz iverstande, dasser mi Name animmt! E mega Liebesbewiis aber jetz hani es schlächts Gwüsse, dassi mi do duregsetzt ha. Aso für mi isch klar gsi, dassi sine nid wott aneh und i hane au nie welle dränge mine azneh. Anderersits ischs ebe glich au schön, wenn die ganz Familie glich heisst. Drum hani ne de glich no versuecht z'überzüge. Und es isch mer ebe au glunge, aber jetz hani es schlächts Gwüsse
Aber hane inzwüsche no 20mou gfrogt, öbs jetz ok isch so und er het immer gmeint jo, i söus jetz ändlech abschicke.


Krass, i 3 Mönet bini scho verhürotet!

@Santhia: jöö so herzig! Verstah Di aber wäg am schlächte Gwüsse, ging mir äuä ou so. Mir geits aber gad wie ar jane, für üs isch vo afang ah klar gsi, dass i sin Name ahnimme, u glich es isch de plötzli so endgültig...
Bi üs geits am Mäntig no 2 Mönet Iwie rasset dZyt gad mega!

@jane: Dr Azug het er ou, da geit er im Feburar no ga gugge, ob dÄnderige stimme. Aber für dSchueh het er so gar kei Motivation...

Hallo zäme..
I mäude mi o wieder mau
häppi new year.. juuhuui üses johr

hui, dir sit jo aui flissig gsi..

@zivil..
mir hürote o scho am sunnti i zwöi mönet zivil.. huui geit nüm lang..bi scho fasch chli chribbelig wenn i dra dänke

@Name..
für mi isch eig. o immer klar gsi das i am GG sine wirde a näh.. aber när isch är plötzlech cho u het gfrog öb är mine dörf anäh.. u jitz wärde mir mi Name näh

@jane..
i drücke dir o ganz fescht düme das das mitem Pfarrer us dütschland klappet..wär jo suuper! mh und dis ässe dönt lecker.. do brchunnt me diräkt hunger

@speusa..
härzlech willkomme bi üs..

@novia..
kuul mit öine flittis..dönt suuper!

@all..
heit dir aui scho es gastgschänk? was gäbet dir? i ha do irgendwie soo kei ahnig...
und was heit dir für lieder ir Chile?

@me..
mir hei jitze aui iilandge vrschickt/übergäh.. u o scho par rückmäudige brcho..das het mi immer mega gfröit!
GG het e Azug fürs zivile kouft
I ha mi schmuck gfunge..perle.. halsketteli, armketteli, Diadem & ohreglänggeli (vo www.dawanda.com)
när hei mir es träffe gha mi de TZ.. das isch super gsi u hei viu chönne abgäh.. si kümmere sech ums obeprogramm, deko, namenskärtli u tischkärtli..

jitz sötte mir de no:
wäg de blueme luege feb. / märz
wäg dr hochzytsturte im feb.
def. catering bstelle
im märz träffe mir üs ds 2. mau mit em Pfarrer
musik für dchile def. bestimme
wägem tanze luege
mis chleid apasse
probefrisiere
hm, das wärs gloub..
ah jo im feb. hei mir no ds ehevorbereitgsvrfahre.. chostet bi üs 370.-- u nime mau a das dert aues inkl. isch wenn i das so mit öine priise vrgliche.. aber wäär weiss?!