Miar händ dr Dj Benz und zahlen düütlich meh, aber dafür tuat er am obig no föteli macha, somit müamer am obig kai fotograf meh ha. und er seg jo anschinend würkli super miar händ ihn au troffa und er isch super sympathisch.
i bin jetzt grad wega schuah am luaga. ma kann jo au online schuah selber designa. findi no a cooli idee, denn isches würkli an individuella schuah (z.b. custom wedding shoes)
similein: wow, iar könnt jo recht viel da trauzüga abgeh. üsi trauzüga müand sozsäga nüt macha. miar machen meh mit üsna tätschmeischter. dia organisieren dr polteri, dr obig mit produktiona und dr ablauf am hochzitstag.
händ iar scho idea wäga gaschtgschenk? miar werden tischkärtli in form vu so herzli us droh gstalta, wo ma denn ufstella kann. dia könnts sicher mitneh, aber evt. muass do no was her :)
und doofi frog: i kann z'"at" zaicha nid ifüaga, gits immer a fehlermeldig. wia machen iar das?
Das mittem @ goht erscht nach e paar Biiträg wo verfasst hesch do. Wahrschiinli Spamschutz dass nid jede grad cha Mailadrässene do ine schribe.
Mir möche au sehr vöu säuber.
Super schöne Schmuck, Similein! I glaub, i wirde denn au richtig Perle goh.
Us Tischdeko hani mir folgendes überleit: schön glatti flachi Chiselstei mit silbrigem Droht umwickle und a dä Droht vorhär Perle draa mache. Chönnt glaub no schön usgseh? Denn der Name mit Silberstift ufenes Blatt schribe wo nid schnäll wälkt, z.B. Efeu, und das denn i dä Droht stecke. Das hebt zwar denn nid ewig, aber so Tischdekos hebe jo au nid alli lang uuf.
Und Namensschildli chönnti denn evt. au als Blätter mache. Eifach ufenes Blatt der Name schribe. Weiss aber noni wieme das denn chönnt befeschtige. Evt. Magnetli mit Heissliim achläbe. Oder s'Blatt ufenes Papir chläbe und a das Papiir die Magnetli. Do mir jo chli s'Thema wiss-grüen hei, würd das passe. Was meinet der? Chöit der nech das vorstöue?
Gaschtgschänk: bruchts das würkli? Evt. würd mis Mami Chrömli bache, die chönnt me i schöni Säckli stecke. Weiss ebe nid, wievöu me de für das würd usgeh. Mängi fröie sech übernes Tüll-Säckli mit Hochzitsmandle, anderi findes billig... mir würd das länge aber im Gschäft het sech eini drüber beschwert, dass si das zimmli billig gfunde heig amne Hochzit!
Isch zwar noni fertig(und erscht öisi Eltere und Gschwüschterti könne die Site, wöu mer jo no keni Chärtli verschickt hei), aber wenn der weit, chöit der churz go güxle. I lösche denn der Link gli wider. Ah jo, i weiss, dass me der Titel nid umbedingt sehr guet cha läse, aber nach hin und här löimers eso. Me weiss jo was es heisst ;-) www.sandra-matthias.ch
ich han dänkt ich mäld mi au mal wieder und wünsch euch allne es guets neuis (mer döf bis am 10.01. hani neume gläse )... mir händ so vill wele mache überd festtäg und händ genau nüt gmacht
aber wie schomal gseit, mir händ eigetli scho sehr vill. am samstig gömmer no zu de floristin vo euesem vertraue. nimmt mi wunder öb mer gschockt sind wänn sie eus d offerte überreicht...und dänn hämmer no en termin am gliche tag ide fäschtlocation zum echli luege was mir alles bruched und das mer schomal euse menuwunsch chönnt aluege und bespräche. mir müend ja alles separat zahle, darum lohnt sich wahrschinli no chli z verhandle. hoffe das klappt
momentan mach ich mir sooooo gedanke ums wätter. ich weiss ja, das mers so muess neh wie's chunnt. aber grundsätzlich hämmer e "schönwätter-location" und dänn wärs sooooo schad wänn mer de ganz tag müesst dinne sitze. aber ja, was sölls.
@dj: mir händ eine wo für 8h CHF 1350.00 verlangt. händ mir vill gfunde aber s isch glaub ächt im rahme was mer suscht so ghört...hoffe, er isch guet.
@chilemusig: händ eus jetz definitiv für eusi 5 lieder entschiede. sind zwar zum teil gränzwertig mit schnulzig (when you say nothing at all, ronan keating), aber mir findeds mega schön und das isch d hauptsach. chönnd de saal dänn am abig rocke
@chleid: mis brutchleid isch cho und ich chans am fritig go probiere. MIIIIS chleid, ich bin so happy!!
@nachmittagsprogramm: mir hüratet ja am 13.30 und händ öpe 40 minute det. nachane hämmer dänkt das mir d gäscht id location schicked (nach de gratulatione etc.) damits det scho mal en apéro chönnd neh wärend mir bide chile no eusi hochzytsföteli mached. händ ihr idee für s nachmittagsprogramm? ich wett nöd das d lüt lang müend warte, wett aber d gäst au nöd überfordere (min schwiegerpapi isch gsundheitlich nöd so zwäg)...bin froh um inputs :-)
@styling: ich han schulterlangi, dünni haar und siteme ziitli (viellicht bild ichs mir au ii) haarusfall. han angst das mer bi mir kei gschidi frisur anebringt. wett e hochsteckfrisur mit viel volume. hät irgendöper es ähnlichs problem und scho e lösig gfunde? extensions willi uf kein fall...
Also bi öis gits als Programm zwüsche Apéro und Ässe e Füehrig durs Chloschter womer hürote. Vilich gits jo bi öich au öppis i der nöchi wasme chönnt aluege? Mir döi ebe am morge Fötele, drum lömmer öisi Gäscht eigentlich nie länger elei.
I bi au scho mou z'Bärn anere Hochzit gsi wo denn die gladne Gäscht ufene Schnitzeljagd gschickt worde sind (das hei si aber vorhär gwüsst und entsprächend Schue mitgnoh, wome chli cha laufe). S'Brutpaar isch während dere Zit no chli mit de Apérogäscht umeghöcklet.
Und das mittem Wätter wird scho. Würd au meeeega gärn sApéro verusse mache, aber wenns nid klappt hemmer halt Päch gha. Dinne hei si au e schöne Ruum.
Dünni Hoor: I ha zwar mega längi Hoor, aber au eher dünn. Fürne Hochsteckfrisur isch das letscht Johr keis Problem gsi, die möche sone Schuumgummiiisatz drii. Isch au vöu bequemer, wenn die ganze Chlämmerli a däm Ding befeschtigt si und nid am Chopf sälber. Das chunnt scho guet! so öppis: http://www.hochsteckfrisuren.net/de/blog...Hochsteckfrisur
@santhia: I bi eigentli e Märzbrut, aber darf bi öich mitschribe Bi üs isch es zwe Tag vorher, mir isch z13ni im Datum ine wichtig gsi! Wäg de Namensschiudli, ggf chönntisch ou 2 Efeublätter näh u denne drzwüsche was magnetisches. Mir hei'se zwüschedrinne Unterlagsschibene, u de eifach für hinedranne es Magnetli, hebet sehr guet, isch flächer u ersch no billiger U bruche tuets Gastgschenk sicher nit, aber mir heis ebe no cool gfunde, u gad Konfi, chöi si ja de bruche (das isch ebe üs wichtig, dass es was bruchbars isch, u nit nume umesteit) Cooli Homepage, merci viu mau fürs zeige!
@Similein: Gäu, plötzli geits mega schnäu! Oh jöö, was het ihn de zu däm Entschluss bewoge? Mir hei säuber Konfi gmacht, tüe derte es Stück Stoff drüber aus Deko u mit am ne usgstanzte Puzzleteil dNäme aschribe Ir Kirche hei mir (sofern das es klappet) "Amazing Grace", "A Moment like this" u "E Vogu ohni Flügu" Wow, Du chasch das eifach so ruhig abgäh? I bi derte so schlimm...
@speusa: DJ Benz isch üs ebe ztüür gsi, aso mir si no am drüber disskutiere gsi, u de het er gschribe, er heigi e witeri Afrag für das Datum, u so hei mir ihm närne abgseit, hei nit wöue, dass er wäge üs dr Uftrag nit brchunnt, u jtzt spare mir drfür derte... Das mit am Schueh designe hani eigentli ou wöue mache, has aber de lah si, zum erschte chasch se ja nit probiere, u GG het de gfunde, er fänis schöner wenn si zum Kleid würdi passe - aso farblich
@weddingbee: Darf ja guet ou schnulzig si, isch ja es Hochzyt Gäbtis dMüglechkeit vore Stadtrundfahrt, oder are Schifffahrt? Oder e Besichtigung vom ne historisch Gebäude? Wäg de Haar, es git ja so Volumeteiler, frag mau Dini Coiffeuse, di het sicher e Idee
@ZSA: Finde das no witzig, dass es glich überau chli anders isch, wüu üs het si zBern gseit, das segi Schwiizwiti köste, di sette überau glich si...
@speusa Mitem DJ Benz hender sicher en guete Fang gmacht. Das mit de Föteli wär für eus au mega spannend gsi aber schlussendli heds de us andere Gründ ned klappet und ez muess halt d Fotografin ane
@Santhia Eui Tischdeko tönt super. Klassisch und schön! Vorallem wenner denn au no d Namensschildli im gliche Stil möched Mir wärded glaubs kei Namensschildli mache. Z Dütschland isches ja offebar gar nöd bekannt, sowas zmache und mier gfallts au grundsätzlich nöd soooo guet.. Mega schöni Homepage und voooll übersichtlich, uf das hend mier bi eusere au mega viel wärt gleit Gfalltmer super!
@weddingbee Weli Lieder hender i de Chile? Das söttemer unbedingt au mal no in Agriff neh
@Gastgschänk Mir hend passend zu eusne Iladige so Milchböxli mache lah womer denn chönd befülle mit eme Gschenkli. Hend aber leider au no keeei Ahnig mit was. Da mier es Candybuffet hend wo d Gäst au chönd Säckli mit heineh, wend mer irgendwie nöd id Gastgschänk au nomal Essbars inetue… (hänk eu es Bild mit de Böxli a, die in Peach -es gseht ufem bild us wie rosa- sind für d Fraue, die in Bruun für dManne :))
@ZSA Boah die sind huere schnäll mit Rechnig schribe. Am Mäntig hemmer de Termin gha gester isch scho d Rechnig cho Aso ez chani detailliert sägä, wases bi eus genau choschtet. Ehevorbereitung: 150.- 2 Abkl. Zivilstand: 60.- 1 Beglaubigund Pass: 30.- (nur bi Usländer) Trauung: 75.- 1 Familienausweis: 50.- 1Eheschein: 30.- Total 395.-
@me Juhuiiii es hed klappet!!! De Pfarrer chunnt extra us Düsseldorf agreist und wird eus traue. Und ez de Hammer: Er hed eus gschribe, dasers nume unter de Vorussetzig macht, das mier gar kei Chöschte übernehmed! Geil oder?
No wege de Probefrisur: Ich ha mier überleit, das ich die würd go mache lah, bevor ich de Abstecktermin ha, will denn chönntme gad luege ob das ganze mit oder ohni Schleier besser usgseht und cha schomal s Gsamtkunstwerk bestuune, hihihi
@lula: nei mir händ ebe kei möglichkeite für e tour mit schiff oder zume museum oder so...das wird no öpis...wobi d trauzüge das im griff händ und danke für de tipp mit de frisur, ich muess mich mal mit dene kunststöff befasse
@janedoe: wow, eui gastgschänkli gsend dänn schön us. chan ich au eis ha das all die hochzyts-lüt gern und schnell rächnige schriebed hämmer au scho gmerkt...aber was sölls, frühener oder spöter chömeds sowieso. d lieder sind: a moment like this (leona lewis), you raise me up (josh groban), when you say nothing at all (ronan keating) und halleluja (leonard cohen). aber alles gsunge vo 2 fraue.
@me: händ ihr de schmuck all scho? für was händ ihr euch entschiede? han nämli no nüt...
@janedoe: wow, die Böxli gsäi de super uus!! Hesch scho Sache planet fürs Candy Buffet? Machet dir das säuber? I wott ebe au eis haa. Ha scho 2-3 Etagere und 2 so cooli Gläser mit Deckel. Sött eigentli länge. Vilich chani mit mire Schwöschter zäme Cupcakes mache zum drufstelle. Mit wasi die Gläser wott befülle weissi noni. Mandle, Chrömli, Gummizügs... Smarties.
Isch jo mega cool mittem Pfarrer! Und dass der nüt müesst zahle sowieso :-)
Namensschildli bini au noni sicher, aber mängisch findis glich no cool, weme grad gseht, wär a iiglade isch. Das git denn am Apéro immer scho chli Gsprächsstoff, so ala "ahaaa, du bisch au derbii".
Anmelden
miar händ ihn au troffa und er isch super sympathisch.
)...
Mir wärded glaubs kei Namensschildli mache. Z Dütschland isches ja offebar gar nöd bekannt, sowas zmache und mier gfallts au grundsätzlich nöd soooo guet.. Mega schöni Homepage und voooll übersichtlich, uf das hend mier bi eusere au mega viel wärt gleit 
Gfalltmer super!