@weddingbee Hehe, ja cha ja no eis meh dezuebstelle, denn chasch au eis ha. Hend erst feng dier erst Ladig deheime Schöni Liederwahl! Mir wärded glaub eher voll is Dütsche gah...
@Santhia Danke, d Böxli freued mi au mega :) Mier hend für d Candybar 6 Gläser, die füllemer mit Gummizüüg und Süessigkeite. zwei Etagere wo mit Cupcakes gfüllt wärded. Denn machi no selber Cakepops und s'ganze Dessert wird au dett druf cho, d.h. Mini-Tiramisu, Mini-Cremeschnitte, Mini-Panna Cotta, Fruchtspiessli usw. D'Cupcakes wärede im gliche Stil wie d'Hochziitstorte sii, das hemmer so in Uftrag geh :)
Hesch recht wegem Gspröchsstoff mit de Namenstäfeli. Mier überleggeds eus uf jedefall no aber denke eher dasmers nöd mache.
@jane: Gseh mega cool us öichi Böxli! U wenn de de die eifach gäbtisch fürs Candybuffet? Mir hei das im fau gad no vor Ort müesse zahle, wobi vo üsem Trouort chunnt ja de ou no was, u das chunnt äuä de per Rechnig Hammer mit öichem Pfarrer! Fröiit mi sehr für öich!
@Weddingbee: Wägem Schmuck; i ha vo mim GG zur zwöite Whynacht e wunderschöni Ketti gschänkt, u di wirdi lah poliere u se de alegge, u de gani no ga gugge (mit am Schmuckguetschin vo dere Whynacht) für nes Armband u was für dOhre
@me: mir isch vori gad i Sinn cho, dass mir ja morn dIladige füre Ziviler uf Post tüe... Gott sei dank, wäris no gsi, morn Morge no so ne Notfallüebig
Mir hei geschtger a der Hochzitsmäss z'Freiburg Ringe kauft!
Es si zwar nid settigi, wo für zäme dänkt si, aber i ha derfür so eine woni immer ha wöue! :-) Es isch nid e klassische Ehering, sondern sone Memoire-Ring. Die gfaue mer eifach meeeega und sone breite hani nid wöue mit mine Würschtlifinger.
Süsch hei mer au no ganz vöu interessanti Sache gseh und es isch erstuunlich, wievöu Musiker würde id Schwiz cho spile und das teilwiis einiges günschtiger. Mir si jetz no am überlegge, öb mer eine vo dene wei bueche. Mir hei übrigens geschter a der Hochzitsmäss der Idruck übercho, dass e Live Musiker vöu me Charme het aus sone DJ. Jetz simer am sueche öbs nid eine git wo beides macht. Leider si die vom Dütsche entwäder scho usbuechet oder de doch zimli tüür.
@Lula D Böxli sind ebe scho zemegmacht und ich erstens nähmeds so mega viel Platz weg und zweitens fändis fascht chli schad aber überleit hemmers eus au.. Hender scho Feedbacks uf d Iladige?
@Santhia Gratuliere zum Chauf vo de Ringe! Hesch es Bild devo?
@me Mir sind hüt a de Hochziitsmess z Züri gsi und muess sägä, hend mega viel cooli Sache nomal gseh. Im Prinzip bruchemer ja nüt meh wirkli. Drum bini au mit minere TZ gange. s isch sone richtig luschtige Fründinnenamitag gsi Mier sind denn ane Stand gloffe woni grad sGfühl gha ha, sie liest mini Gedanke. d Tischdeko isch genaaaaau nach mine Vorstellige gsi mit Jute und Spitze und Ranunkeli und Schleierchruut und und und. Mier setzed eus im März de mit ihre zämä und lueged mal was eusi Vorstellige sind und was das würd choschte.
Woni de heicho bi isch GG grad am Telefon gsi mit sim TZ und iher glaubeds nid: Er hedem gseit, daser denn nöd dörf vergässe das am 14.2. die zivil Trauuig isch und er so 'Ou, denn muess ich schaffe, hani gar ned drah denkt' Er hed denn vorgschlage dasers abklärt aber es isch nah sones komischs Gspräch gsi und min GG hed denn nachher gseit, daser z Gfühl hed er seg total überforderet und da er ja au vo Dütschland müesst da anecho im Februar segs eifach doof. Mier hend de huere lang diskutiert und sind beidi mega down gsi willmer eus schlussendli entschiede hend, ihm zsägä, dass das für eus so nöd gaht miteme TZ wo kei Ziit hed und sich au ned wirkli interessiert (er hed sich im letschte 3/4 Jahr vielleicht 3 mal gmeldet)... Er heds de aber super guet ufgno und gfunde, das segi okay, wenn mier denn en andere TZ hed für GG. GG hed gwüsst, das ich eigentli vo Afang a chli skeptisch gsi bi will er in Dütschland lebt und so ned aktiv a de Vorbereitige cha teilneh und er hed mich sowieso immer chli verpeilt dünkt. Uf jedefall han ich ihm denn en mega guete Kolleg vo eus als Alternative vorgschlage (vlt erinnered iher eu: de wo es Ziitli bi eus gwohnt hed). Mier hend em denn aglüte und er hed sofort ja gseit und sich mega gfreut. Total härzig. Jetzt ischer grad drah eusi Homepage uf de neuschti Stand zbringe, wasi eifach meeeega schön finde. Ez bini so richtig richtig happy!
@Janedoe: uii, do isch jo einiges drunter und drüber gange mit de TZ! Der Brüeder vo mim GG isch au öise TZ und wohnt au in Leipzig. A de Vorbereitige wirder wahrschiinli überhaupt nid beteiligt sii, aber für me stimmts eso. Mini Schwöschter isch zwar TZ und Tätschmeischter, aber i wirde trotzdem rächt vöu säuber mache.
Öisi Ringe bzw. die womer bschtöut hei (die do si zwar in Wissgoud und mir hei si in Platin bschtöut, aber glaub es gseht nid sooo andersch uus...)
Jetz simer a aune Fronte chli am abkläre: Musiker, Pfarrer, Hütte fürnes Mittelalterfeschtli nachem zivile Hochzit, Adrässene für wemmer de d'Chärtli hei usw.
@Santhia Mich heds ebe meeega enttüscht, daser eifach beidi Termine vom Zivile und em Kirchliche vergässe hed. Für mich zeigt das halt scho rechts Desinteressi.. Und de TZ wo min GG jetzt hed wär eh mini heimlichi ersti Wahl gsi
De einzig Hake a de Sach isch halt, das de ander TZ uf de Iladige und bim Standesamt ufgfüehrt isch...
Oh wow, de Memoirering isch ja meega schön! De ander natürlich au! hehe
@janedoe: wägem tz hämmer imfall genau s gliche problem gha und ich han dänn em gg d wahl für de "neui" überlah. er hät min ursprünglich favorit gwählt :-) han mega freud gha. mir organisiered scho s meischte sälber, aber a dem tag bruchsch eifach lüüt wo de lade im griff händ.
@santhia: eui ring sind mega schön. gfallt mer sehr guet!!
@me: mir sind das weekend nöd ad hochzytsmäss. händ s meischte scho und ich han dänkt mer lönds jetz eifach und mached det wiiter wo mer agfange händ. suscht chumi nur no ufd idee alles abzändere...
@weddingbee Hehe, wirkli gnau die gliich Gschicht bi eus! Denn hemmer ja beidi mit eusne Favorite schlussendli Glück gha. Ich ha mier au uh lang überleit, obi wirkli ad Hochzitsmess söll, genau us dem Grund, dasi denn möglicherwiis alles ufe Chopf stelle aber mini TZ hed denn eifach gfunde mier hend ja die Gratisbillet und laufed eifach eimal dure und tüend chli Häppli probiere
@jane: Nit würkli, ar TZ hanis hüet gad persönlich gäh, wo mir si gas Kleid abstecke, si hets aber nit uftah, äuä de deheime mit am Maa. U GGs Mami hei mirs ou gad gäh, u si hets ou gad uftah, sech bedankt, u gmeint es segi es sehr härzigs Foto wo mir drufe hei. Oh so schön! Tönt super, wetti ebe ou no mau gah, mau gugge. Ohje, tuet mir leid mit öichem TZ. Gratuliere nech aber ou zum nöiie, das tönt doch guet! Das Problem hei mir ou gha, ämu bi de Kärtli. Heis jtzt eifach so lah si, di ängschte wüsses.
@me: Bi hüet mit mire TZ gas Kleid abstecke, u es isch no schöner aus i in Erinnerig ha gha! Drfür drücke dSchueh no mega, muess di bim ne Schuehmacher lah uswite. Weiss gad öbert e guete ir Umgebig Bern?
@lula: so schön. äs schisst eim aube gad a "nur" normali chleider ads lege, nachdäm mä wider isch im hz-chleid gsi, gäu? thema schuehmacher: da kennemi leider nid so us, sorry.
@janedoe: das mitem tz findi ja dr hammer! so drnäbä vom "autä" tz. super heiter so schnäu ersatz gfunde.
@santhia: gfaue mir sehr guet öii ringe. ig finde dass stört nid, dasses nid di gliichä si. si passe guet zämä und vorauem chasch dr verlobigsring guet no am gliiche finger mitem ehering aneha.
@me: das hei mir i letschter zi hz-technisch gmacht: -rücksprach sängerin -wunschlischtä i umlouf bracht -rücksprach bezüglech bluememeitschi (mir hei 3 meitli, zwöi si 3 jährig und eis isch 5i) -gästeliste loufend aktualisiert -termin fürs nächtschte träffä mit dä tz abgmacht -candybar z.teil scho süesses kouft (no nid ganz aues wägem verfalldatum) -no eis bim goldschmied gsi -ä kolleg gfragt ober am abä fotografiert und scho vorbesprächig mitem ka (d profi-fotografin fotografiert vor trouig a bis und mit em apero und är de am abä) -hochzitsschue uf ricardo ersteigeret (rainbow ) -vorbesprechig kirchendeko mitem grosi (di macht dert aues) -probefrisur und probe makeup gmacht -termin für haarschnide u färbä 10 täg vor dr hz und termin am hz-tag zum frisiere abgmacht
ja i gloubes das isches so....
was mir no müesä: -formulas fürs standesamt usfüuä und schickä (dörfä mir ersch 3 mönet vor dr ziviltrouig) -pass -besprächig location -bluemä bsteuä -gravur ringe i uftrag gä -besprächig profifotografin (im februar termin) -sitzornig mache und när d übersicht und d tischschiudli baschtle -chleider fürs zivile choufe -hz-azug gg -namensastecker baschtle -letschi besprächig mir dr pfarrerin und kollektä bestimme -hochzitsmandle bsteue und d gaschtgschänk fertig mache -chleid la absteckä und la änderä und no hufä chlini sache...
wi gsehts bi öich so us? wo siternem gad drannä? heit ier öich scho ä tages-ablouf zämägsteut? wenn ja wi gseht dä us?
Anmelden
Mier sind denn ane Stand gloffe woni grad sGfühl gha ha, sie liest mini Gedanke. d Tischdeko isch genaaaaau nach mine Vorstellige gsi mit Jute und Spitze und Ranunkeli und Schleierchruut und und und. Mier setzed eus im März de mit ihre zämä und lueged mal was eusi Vorstellige sind und was das würd choschte.